BOAS FESTAS!

E FELIZ ANINOVO!

AGASALLA UN LIBRO!!!

ARTISTAS DO NADAL

Este ano tocounos facer o Portal do Nadal para a entrada do colexio , e nós os nen@s de terceiro fixemos algunhas das cousiñas que xa puidestes ver no cole. Aquí estamos algúns de nós traballando con moita atención para cumplir coa tarefa encomendada.

PROGRAMA NADAL 2010

Aguinaldos: Durante os días previos ao 22 de Decembro, e da man da mestra de música, Isabel, distintos grupos de alumnos pasan a cantar os aguinaldos ao resto do cole.

Visita Paxe Real: Luns día 20 de Decembro para recoller as cartas dos nenos e nenas aos Reis Magos.

Visita dos Reis Magos: O mércores 22 de Decembro, de 9:00h a 11:00h pasarán polas aulas.

Festival Nadal:

• Entrega premios da Biblioteca: Mellores lectores e Concurso Adiviñas.
• Festival Panxoliñas

Entrega notas e Guía Lecturas

AGASALLOS TECNOLÓXICOS PARA O NADAL

Chegadas estas datas sempre nos asaltan as mesmas dúbidas.

Con que podo agasallar?.

Evidentemente a nosa primeira suxestión é.... UN LIBRO.

Pero, dende a Secretaría Xeral de Política Lingüística poñen á nosa disposicíón unha páxina moi interesante chea de recursos relacionados con estas datas. Podedes atopar dende materiais para traballar nas aulas, ata ideas e produtos para agasallar nestas datas: produtos tecnolóxicos para o Nadal, materiais de Nadal dos EDLG na rede, agasallos para os máis novos, ideas de Reis para os pequenos da casa, comidas que non deben faltar, a túa mesa en galego, cancións, recursos para o ensino...

Por botar unha ollada... Quen sabe o mesmo atopamos algo interesante!!

UNHA VISITA DE CINE

A todos os alumnos e alumnas de 2º B gustounos moito a peli que fomos ver a Vigo: "El lince perdido". Os personaxes son moi divertidos e fixéronnos rir moito.

Aprendimos que non debemos cazar animais, que debemos respectalos, que é importante reciclar e que non hai nada mellor que ter bos AMIGOS.

CLASE DE 2ºB

CONCURSO ADIVIÑAS: SOLUCIÓN 8

SOLUCIÓN 8

No mar non me mollo
Nas brasas non me queimo
Do aire non caio
E, se te fixas ben, tamén me tes nos teus brazos.

A LETRA A

BUENO CHICOS E CHICAS, FANTÁSTICO!

O CONCURSO ESTÁ REMATADO.

VISTES A CLASIFICACIÓN?

OS AGASALLOS O MÉRCORES 22 DE DECEMBRO.

PIMPÉ NO RAINBOW WARRIOR

¡¡¡Ola!!! Téñovos que pedir perdón. Non pensaba que iades estar tan preocupados por min.
A cousa é que cando vos dixen que estaba nun veleiro no Mediterráneo non vos dixen toda a verdade.

Non estiven nun veleiro calquera. Estiven no Rainbow Warrior, un dos barcos de Greenpeace, a organización ecoloxista. Acompañeinos nas accións de protesta pola pesca desmesurada do Atún Vermello no Mediterráneo.

¿Sabedes que actualmente só queda un 15% da población orixinal desta especie? Ademáis de que se sobrepesca, tamén se capturan exemplares moi novos, o que impide que se reproduzan.
Gustoume moito colaborar con eles, pero non tiña maneira de comunicar con vós.
Logo fíxenme amigo dun grupo de aventureiros que tamén andan polo mar e me invitaron a seguir recorrendo mundo, entón decidín retrasar a miña volta.

¿Sabedes por onde pasei?

Por un porto galego que cando o vin non puiden deixar de cantar. Había nenas lavando no río e unha delas pareceume moi guapa. Pero non vou coller moza tan lonxe de Reboreda… Vouvos ir mandando cousas da miña viaxe para que non teñades que esperar ata que volva. Cada vez que pise terra mándovos novas polo blog ou polo correo. Dádelle unha aperta a Pancho e a bruxa e dicídelle que se non nos atopamos polo medio do mundo, xa nos veremos o ano que ven. Moitos bicos para vós.

UN NADAL DE NOSO

UN NADAL DE NOSO

A Coordinadora Galega de Equipos de Normalización e Dinamización Lingüística creou unha páxina na que atoparedes moitos recursos ( a lenda do Apalpador, cancións, contos, receitas de cociña, teatro, ...) para descubrir o nadal máis galego.

Agardamos que o pasedes ben tanto na aula como nas vosas casas xogando co nadal.

http://www.coordinadoraendl.org/nadal2010/recursos/index.php

CONCURSO ADIVIÑAS 8

CON ESTA ADIVIÑA REMATAMOS O CONCURSO, ASÍ QUE ATINADE BEN.
MOITAS GRAZAS A TODOS POR PARTICIPAR.

ADIVIÑA 8
No mar non me mollo
Nas brasas non me queimo
Do aire non caio
E, se te fixas ben, tamén me tes nos teus brazos.

CONCURSO ADIVIÑAS:SOLUCIÓN 7

SOLUCIÓN 7

Un pirata atopa un cofre do tesouro nunha illa. No cofre pechado hai un cartel que pon: "Se queres abrirme terás que atopar unha suma con tres cifras exactamente iguais que dan como resultado o 24". O pirata, moi listo, marcou o 8, pero ese non era. De que números se trata?

Na adiviña pídense cifras e non números. As cifras son 22+2=24

LIM DEREITOS HUMANOS

Aqui vos deixamos, dende o equipo de Infantil, este xogo para aprender e repasar os dereitos humanos e dos nenos. As actividades están divididas por idades, o número 1 para infantil e primeiro ciclo, o 2 para segundo ciclo e o 3 para terceiro ciclo. Espero que vos guste.

CONCURSO ADIVIÑAS 7

ADIVIÑA 7
Un pirata atopa un cofre do tesouro nunha illa. No cofre pechado hai un cartel que pon: "Se queres abrirme terás que atopar unha suma con tres cifras exactamente iguais que dan como resultado o 24". O pirata, moi listo, marcou o 8, pero ese non era. De que números se trata?

CONCURSO ADIVIÑAS: SOLUCIÓN 6

SOLUCIÓN ADIVIÑA 6

Un río conxélase cunha capa fina, un home decide crúzalo tumbado e non de pé. Por que?

Porque cando unha persoa se tumba, o seu peso non cambia pero a superficie de apoio aumenta e o peso en cada parte do xeo é menor .

CALENDARIO PARA O 2011

A Coordinadora de Equipos de Normalización e Dinamización Lingüística dos centros de ensino público do Concello de Redondela pon en marcha durante o curso escolar diferentes iniciativas a favor do noso idioma e do ensino público. Entre esas iniciativas destaca a elaboración dun calendario de mesa para o ano 2011. No noso colexio estamos traballando arredor do proxecto "A auga". Por iso, a nosa aportación a ese calendario trata da "Biodiversidade mariña"; a imaxe corresponde a un mural feito polo alumnado de 3º ciclo que ten por título "AS CORES DO MAR". O lema tamén foi elixido entre os redactados polo alumnado de 6º E.P.

Agardamos que vos guste!

"Cando me meto no mar empápome de auga e emoción, pero cando me meto na clase empápome de cousas novas e diversión."

Cada folla do calendario levará por detrás un texto relacionado co tema da imaxe, neste caso o tema será:

A BIODIVERSIDADE MARIÑA

A biodiversidade é importante porque o ser humano necesita a riqueza biolóxica dos ecosistemas xa que vivimos nun grande ecosistema (ecosfera) no que todos os elementos están intimamente relacionados e onde os graves danos nalgunha das súas partes derivan, indefectiblemente, en desequilibrios a escala planetaria. A humanidade necesita vivir nunha biosfera saudable e nun planeta equilibrado.
A biodiversidade mariña é unha das maiores riquezas galegas que, en gran medida, están aínda por descubrir. A gran variedade de fauna mariña, de aves e doutro tipo de especies que habitan estes ecosistemas fan de Galicia unha das zonas máis importantes a protexer para garantir a supervivencia da fauna e flora mariña que, en moitos casos, son especies en grave perigo de desaparecer.
As costas galegas contan con espazos naturais protexidos a distintos niveis; dende o Parque Nacional Marítimo- Terrestre das Illas Atlánticas ata a Enseada de San Simón, no noso concello, declarada Zona de Especial Protección dos Valores Naturais dentro da Rede Natura 2000. Hai numerosas marismas: con ánades, parrulos, xuncos, ...
Entre a fauna da enseada destacan choco, polbo, lura, sardiña,rapante, faneca, muxo, garaxa real,gaivota, cabaliño de mar, ameixa, berberecho, navalla, mexillón.
Entre a flora: carballo, castiñeiro, eucalipto, faia, aciñeira, piñeiro, toxo, silva, fento.
Cando baixa a marea pódense ver gran cantidade de algas pardas e verdes.

CONCURSO ADIVIÑAS 6

ADIVIÑA 6

Un río conxélase cunha capa fina, un home decide crúzalo tumbado e non de pé. Por que?

CONCURSO ADIVIÑAS:SOLUCIÓN 5

SOLUCIÓN ADIVIÑA 5

Tes un contenedor de 5 litros de auga e outro de 3. Tes que encher catro litros exactamente, como o farás?

Encho o de 5 e baleiro no de 3, tiro esa e boto os dous que teño. Volvo a encher o de 5. Agora acabo de encher o de 3, onde xa teño dous litros, polo tanto, so saco 1, deixando 4 no contenedor.

MAMÁ CABRA EN CONCERTO

Recordades a "Mamá Cabra"?

e a Gloria Sánchez?

Si, os que cantan a do "pirata metepata", "Timoteo", "señora dona Anica", a "Sereiña", ... e moitas máis. Pois atentos porque este domingo 28 de novembro, ás 18:00 h, no multiusos da Xunqueira de Redondela, Gran concerto de Mamá Cabra para nenos de 3 a 8 anos.

E non queda aquí a cousa porque áo sábado seguinte, 4 de Decembro, teredes a posibilidade de apuntarvos a un obradoiro de música e xogos.

Todo esto dentro do programa BOCABERTA de Dinamización Lingüística da Xunta de Galicia en colaboración coas editoriais, en este caso Galaxia.

Coñecedes o seu novo libriño-CD-DVD recén saidiño do forno??

Pois, ollo!!, que o mesmo hai agasallo sorpresa!!

TEMOS DEREITOS E TAMÉN OBRIGAS

20 Novembro Día DEREITOS NEN@S
10 Decembro Día DEREITOS HUMANOS

Seguro que nestos días vistes pola tele un spot publicitario onde aparece Pau Gasol cunha camiseta que pon "Kimbo". Pensastes un pouquiño o que nos pretenden dicir??

As veces con música entendemos mellor a mensaxe!!!

Recopilación recursos Ceip Victor Saénz

CONCURSO ADIVIÑAS 5

ADIVIÑA 5

Tes un contenedor de 5 litros de auga e outro de 3, tes que encher o contenedor de 5 litros con 4 litros exactamente. Como o farás?

CONCURSO ADIVIÑAS: SOLUCIÓN 4

SOLUCIÓN ADIVIÑA 4

Ten auga e non é botella

Está sempre no xardín

E cada vez que se enrosca

Aínda que non espanta moscas

parece un reptil.

A MANGUEIRA

ONDE ESTARÁ PIMPÉ?

Non sabemos nada del dende que comezou o curso. A última vez que se comunicou con nós foi a través dun correo para contarnos que estaba nun veleiro no mar Mediterráneo, e que este curso só se movera polo mundo a través da auga en todas as súas formas.
Se alguén o viu e pode darnos algunha pista de por onde anda, agradeceriamolo, porque na aula de música estamos esperando por él. E non estamos sós, tamén esperan por el os seus amigos Pancho e a Bruxa.

Moitas grazas!

AGASALLO SORPRESA!!!!

QUE SORPRESA!

UN AGASALLO!

É PARA NÓS?

Os favores fanse sen esperar recibir nada a cambio, pero, ... Que libro tan chulo!!. Seguro que lle damos bo uso na Biblio.

Moitas grazas Ies Mendiño!!

CONCURSO DE ADIVIÑAS 4

ADIVIÑA 4

Ten auga e non é botella
Está sempre no xardín
E cada vez que se enrosca
Aínda que non espanta moscas
Parece un reptil.

CONCURSO DE ADIVIÑAS:SOLUCIÓN 3

SOLUCIÓN ADIVIÑA 3

QUEN É O QUE BEBE POLOS PÉS?

A ÁRBORE

UNHA TARDE CON GOCHI

Seguindo co traballo colaborativo das Bibliotecas Escolares e Municipais do Concello de Redondela, o pasado venres 5 de Novembro, no multiusos, tivemos a sorte de asistir a dúas, bueno, en realidade tres horas, de incrible compaña, e mellor formación, co creador de banda deseñada, Gochi. Pero, sabedes quen é Gochi? Ademáis de creador, autor, debuxante, ... é o fundador da editorial Cerditos de guinea cómics. Ao mellor coñecedes ao Pirata "Trasmallo", ou "Gargolas", ... Non, todavía non os temos na nosa Biblio, pero, veremos de conseguilos.

Nos últimos anos, autores e publicacións xurdidas aquí en Galicia, están a conseguir o recoñecemento de crítica, público e editoriais a nivel estatal e inician o asalto aos mercados francés e americano (mercados punteiros nesto do cómic).

MAGOSTO 2010

Que bo día tivemos!!

Incrible! Sobre todo vendo o día de onte!!

E ... que ben o pasamos, non si??

Xogamos, saltamos, bailamos, lanzamos, ... e ao final...

Uuuuuuhmmmm! Que ricas estaban as castañas!

COÑECENDO MÁIS DE CERCA A AUGA

Nuestro mundo es agua. Beatrice Hollyer. Intermón Oxfam. - "Vivamos onde vivamos (tanto se o noso país é rico como se é pobre), a auga é fundamental para a nosa supervivencia neste planeta. Este libro segue as vidas cotiás de seis nen@s, de Perú, Mauritania, Bangladesh, Etiopía, Tayikistán e Estados Unidos e explora o que significa a auga para eles. De onde provén?, como a utilizan?,.... "-

Nadarín. Leo Lionni. Kalandraka. - "En un rincón perdido del mar vivía feliz un banco de pececillos. Eran todos rojos. Solo uno de ellos eran tan negro como la concha de un mejillón. Nadaba más rápido que sus hermanos y hermanas. Se llamaba Nadarín"-

O río e a lagoa. Biblioteca visual Altea. - "Os habitantes de auga doce que existen no mundo reúnen ao seu redor un número extraordinario de plantas e animais moi diversos. Que características especiais tiveron que desenvolver....?"-

CONCURSO ADIVIÑAS 3

ADIVIÑA 3

QUEN É O QUE BEBE POLOS PÉS?

CHEGA O MAGOSTO

O próximo martes imos celebrar o Magosto no cole. Estes días andamos preparando cestos para as castañas, pensando nos xogos e, por suposto, cantando. Porque, que sería dunha festa sen música? Os Vincis queremos compartir con todos vos esta divertida canción do Magosto. Estade atentos ao vídeo porque tamén ten baile.

CONCURSO DE ADIVIÑAS:SOLUCIÓN 2

SOLUCIÓN ADIVIÑA 2

LEVA ANOS NO MAR

E AÍNDA NON SABE NADAR

A AREA

OBRADOIRO DE ARTE NA BIBLIO MUNICIPAL

Chéganos esto dende a Biblioteca de Redondela.

Atentos todos aos que lles guste o debuxo, a arte, ...

Olá a todos!
O vindeiro Xoves 11 de Novembro, ás 18:30 h., teremos un obradoiro de achegamento á arte da Vangarda, para rapaces e rapazas de entre 6 e 12 anos.
Para participar é preciso que vos inscribades na biblioteca. Podedes facelo presencialmente ou a través do teléfono ou do correo electrónico.
O día da actividade teredes que traer:
- Unha fotografía da vosa cara, en tamaño folio ou cuartilla; ou unha fotocopia en branco e negro.
- Lápices e cores que queirades empregar.
Máis información en:

http://bibliotecasredondela.blogspot.com/2010/10/un-dia-con-picasso-obradoiro-de.html
Agardamos que sexa do voso interese. Un saúdo e graciñas por dalo a coñecer.

Mª José Villar

ESCOLAS DE FAMILIAS

Xa hai 15 anos que vimos celebrando no noso Centro as Escolas de Familias organizadas pola Consellería de Servizos Sociais e Igualdade.

Este ano como novidade tivemos un obradoiro de alimentación saudable impartido por Araceli Hermida, especialista en Cociña e Alimentación. Foi todo un Éxito!!

Tamén foron moi fructíferas as charlas coloquio con Mª Carmen Lorenzo, psicóloga que nos acompañou nestas escolas.

LIBROS QUE VEÑEN E VAN

Con motivo do mes das BIBLIOTECAS ESCOLARES-OUTUBRO, dende a Asesoría de Bibliotecas Escolares chegáronnos estas chulísimas bolsiñas para os máis peques (Educación Infantil).

Agora xa podemos traer e levar os nosos libros para a "Hora de Ler".

PEQUESREBOREDA (Pasade polo seu blog)

CONCURSO ADIVIÑAS 2

ADIVIÑA 2

Leva anos no mar
E aínda non sabe nadar.

CONCURSO ADIVIÑAS: SOLUCIÓN 1

SOLUCIÓN ADIVIÑA 1

Da terra vou ao ceo
E do ceo hei de volver;
Son a alma dos campos
Que os fai florecer.

A auga

Pasade pola barra lateral e na sección "Os nosos Recunchos", "Concurso Adiviñas", podedes consultar a clasificación, as adiviñas, as normas do xogo, ...

Boa Sorte a todos!!

FESTA NO SAMAÍN

Dun xeito ou doutro todos colaboramos na celebración do SAMAÍN:

Facendo Terroríficas Cabazas. Canto traballiño dan!! Pero, Que Medo!!

Como auténticos Zombies, comendo "apestosas" arañas

Participando dun taller de auténtico "Espanto"

Representando "Escalofriantes! títeres

Lendo teatro

E moito máis,...

Tedes vós xa preparada a festa desta noite??

Coidado!, a ver a quen lle petades á porta!!

¡VIVA CALACA!

O día dos Mortos celébrase en moitas partes do mundo. En México é unha auténtica festa, co seu fabuloso colorido e a súa rica cultura de contrastes.

Aquí vos queda unha curtametraxe musical, "¡Viva Calaca!", que obtivo varios premios de animación e foi proxectado en numerosos festivais ao redor do mundo, baseada neste Día dos Mortos Mexicano. A música orixinal é do artista americano Voltaire.

LENDO NO SAMAÍN

LIBROS TERRORÍFICOS

XOGANDO NO SAMAÍN

LIM SAMAÍN (Lim colaborativo distintos coles)

"LA CANCIÓN DEL CASTILLO"

Estos e outros xogos podedes atopalos no blog: http://pequesreboreda.wordpress.com

Para facer cabazas Virtuais

CHEGA O SAMAÍN

-Antiga festividade de Samhaín (Festa dos Mortos) na que se utilizaban os cranios dos inimigos vencidos en campaña poñéndoos, alumeados, arredor dos muros dos castros. Celebrábase no mundo céltico, especialmente en Irlanda, onde, a diferencia de Galicia, existe constancia documental da súa celebración.

O Samaín era o principio e o final do ano Céltico, festa dos defuntos e espíritos maléficos, unha data moi perigosa, durante a que o "Outromundo" faise accesible aos mortais, con grave risco para eles. O tempo e o espazo confúndense e desdibúxanse os límites entre ámbolos dous mundos.-

Samaín: A festa das caliveras. Rafael López Loureiro. Ir Indo.

O Samaín xa está aquí. Ide poñéndovos a tono con estos vídeos e cancións. Se vedes que vos asustades moito, ... Cantade máis alto!, Segundo din,... Quen canta, os seus medos espanta!! (Máis ou menos)

DE OGROS E DE BRUXAS

"EL OGRO Y LA BRUJA". Los Rosarinos.

GOTAS PARA NIGER

Este ano no Centro estamos a traballar o tema da "AUGA" e non podemos olvidar que somos uns privilexiados.

Nunha grande parte do noso planeta non teñen auga potable suficiente para sobrevivir. Dende algunhas ONG´s traballan para que este dereito humano básico, o acceso a auga potable, chegue ao maior número de seres humanos.

"Gotas para Níger", é unha campaña educativa de UNICEF que pretende dar a coñecer a importancia da auga e a súa relación coa supervivencia infantil e como dereito humano básico que debemos respetar e valorar. A través desta iniciativa coñecemos a situación dun dos países máis pobres do mundo no que só un 46% da poboación ten acceso a auga potable.

Un 70% do planeta é auga!

Como é entón posible esto???

Entrade na súa páxina web e aprendede xogando a importancia da auga neste mundo no que vivimos.

CAMPAÑA SENSIBILIZACIÓN PERSOAS XORDAS

Durante as mañás do venres 22 e luns 25 de Outubro tivemos a sorte de ter entre nós a Camilo, unha persoa xorda que pertence á Federación de Asociacións de Persoas Xordas de Galicia. E xunto con el a varias intérpretes da Linguaxe de signos.

Os máis pequenos disfrutaron duns contos moi instructivos e os demais "falamos" con Camilo sobre a situación das persoas xordas, as barreiras ás que se enfrontan cada día, e como non démonos conta da falta de sensibilización que hai ao redor destos temas. Como se enfrontan cada día á ausenza de son??, Que utilizan para despertarse pola mañá?, Como xogan os partidos e "escoitan" os avisos dos árbitros??, e tantas outras cousas.

Canto necesitamos aprender!!!

E canto aprendemos!. Sabemos dicir: Mamá, papá, amigo, .... e todas as letras do abecedario.

Queredes aprendelas todas??

Observade con atención!!!

E recordade, diante do peito, non da cara.

CONCURSO DE ADIVIÑAS

ADIVIÑA 1

Da terra vou ao ceo
E do ceo hei de volver;
Son a alma dos campos
Que os fai florecer.

ALGUNHAS NOVIDADES

"DIARIO DE GREG". Jeff Kinney. Molino.

Coñeceremos a Greg a través das hilarantes e tenras desventuras que narra e ilustra na súa libreta.

Atentos, porque hoxe, 22 de outubro chega ao cine en España a película baseada na serie de libros de Greg.

Visitade a súa web

Vede o trailer da peli e decidide se vos apetece pasar a vela

"OULEMBE EL ZAHORÍ". Joan de Deu Prats. Intermón Oxfam.

Oulembe é un neno que vive na estepa africana e o seu pai é o zahorí do pobo, é dicir, a persoa encargada de localizar a auga nun pobo onde a auga é moi escasa.

Que aventuras nos contará Oulembe?

Visita a páxina do autor

"CAPITÁN VERDEMÁN". Ellie Bethel. Juventud.

Un novo superheroe para un novo mundo!, Afogados nos montóns de lixo, pola pereza e despilfarro dos habitantes da cidade,... chega o Capitán Verdemán, para rescatarnos e demostrar que a reciclaxe é divertida.

O Capitán Verdemán quere salvar o planeta, pero, Necesita a túa axuda!

EDUCACIÓN INFANTIL NA TVG

Non sei se acordades, pero, houbo un día ahí atrás, en que viñeron dúas mozas cunha enorme cámara, e estiveron gravando aos nenos e nenas de educación infantil no horto que están a cultivar e coidar.

Pois xa toca, ...

HOXE SÁBADO

NA TVG

ÁS 22:00 h (10 DA NOITE)

NO PROGRAMA "ACTUALIZADOS"

en primicia mundial, teremos aos nosos peques contándolle ao mundo o moito e ben que traballan.

NON VOLO PERDADES!!

III CONCURSO ADIVIÑAS

Poñede a funcionar as vosas cabeciñas.

O "III CONCURSO DE ADIVIÑAS" comeza xa.

Luns 25 de Outubro - primeira adiviña

Recordade que tedes na barra lateral, sección "OS NOSOS RECUNCHOS", unha páxina adicada ao concurso. Visitádea para ler as normas, as adiviñas e consultar a clasificación.

BOA SORTE!!

TROPA DE TRAPO

O próximo 29 de outubro estréase en toda España "TROPA DE TRAPO, NO PAÍS ONDE SEMPRE BRILLA O SOL", a primeira película española rodada en 3D estereoscópico pensada para un público de entre 3 e 7 anos.

Non sei se recordades unha serie de TV que se emitiu na galega "The Happets" (Happy Pets- animais domésticos felices)?.

Esta historia dirixida por Alex Colls está baseada nesta serie televisiva que xa está á venda en libro.

Aquí vos queda o trailer en galego da peli.

UNHA VISITA MOI ACUOSA

"O día 15 de outubro fixemos unha saída do colexio. Un home moi preocupado polo medio ambiente, o señor José García, membro da comunidade de augas, foinos guiando monte arriba. Mentras non chegabamos á primeira poza iamos vendo a paisaxe e escoitando música. Cando chegamos o señor José abriu a porta da poza e a miramos de un en un. Contounos que os eucaliptos se metían polos caños e os rompían. Díxonos tamén que non podíamos tirar obxectos como rodas, mobles, neveiras,… polo moito que poden contaminar as augas subterráneas. Vimos dúas pozas máis e explicarounos como chegaba a auga ás casas de Reboreda.
Logo da visita estivemos debatindo onde íamos merendar e o señor José indicounos que por encima das pozas había un cercado con auga moi fresquiña. Alí merendamos para logo voltar ao cole."

RUBÉN (6ºA)

No seguinte vídeo podedes comprobar as palabras de Rubén. Realmente unha visita moi interesante!

UNHA INCRIBLE COMUNIDADE EDUCATIVA

A través do blog da Biblioteca Escolar Victor Sáenz, coñecemos este incrible vídeo dun cole de Tenerife. Polo visto chámanlle LIPDUB e está moi de moda.

Quen dixo, Festival Fin de curso??

Guau!

350 alumnos, mestres, persoal cociña, limpeza, ...

"ABUELA GRILLO"

"Educación sen Fronteiras", danos a coñecer este fermoso vídeo sobre o consumo responsable da auga. Adaptado dun mito "Ayoreo" e realizado entre Dinamarca e Bolivia e dirección francesa, é un auténtico traballo intercultural.

Prestade moita atención!

E logo, comentádenos o que vos parece!

Coñecemos o vídeo a través de: As Zocas Faladoras

APERTURA BIBLIO

PRIMEIRAS VISITAS Á BIBLIO

Durante esta semana estivemos realizando esas primeiras visitas á nosa Biblioteca de Centro. Había sobre todo que recordar, pasara xa moito tempo dende a última vez que disfrutamos da nosa Biblio e da nosa mascota Margarida. Onde alá quedou o mes de xuño!!!

Recordamos as normas de uso e comportamento, os horarios, como facer comentarios neste blog, levamos os carnets lectores para a aula, ... e incluso xogamos un pouquiño a atopar materiais polo espacio, eso ao que lle chaman Formación de Usuarios. Vamos, xenial!, Xa todos estabamos desexando voltar!

Pero, Cando comezamos por fin???

Atentos os máis despistados!

TRABALLANDO DURO DENDE A BIBLIO

Dende hai xa tres semanas os e as bibliotecarios/as, alumn@s de quinto e sexto, que voluntariamente colaboran na Biblio do Centro, levan traballando moi intensamente para ter a nosa estupenda biblioteca lista para a apertura oficial.

Últimos retoques, penúltimos arranxos, un libro aquí, unha ficha por alá, ... e ... xa casi estamos. Atentos todos.... xa falta pouco.

A NOSA LINGUA ESTÁ DE NORABOA

Sabedes que son os "Premios Alma"?

Seguro que non.

Pois son como os Premios Nobel, pero de literatura infantil e xuvenil. Vamos, seguramente os premios máis importantes desta categoría.

Pois xa van sendo algúns, bastantes, escritores galegos, os nominados para recibir os Premios Alma. Todavía non recibimos ningún, pero estar na lista e xa todo un logro.

Organizados polo goberno sueco no ano 2002 en memoria da escritora máis popular do país nórdico, os "Alma" pretenden ser un recoñecemento a toda a creación literaria e non a unha obra en particular. Porén, non é imprescindible ter escrita unha soa palabra para aspirar aos premios, pois tamén os que se adican á ilustración e ás actividades narrativas poden ser premiados. Unha vez seleccionados os candidatos, un xurado composto por doce membros –entre os que hai escritores, críticos literarios, ilustradores e bibliotecarios– decide quen son os gañadores, despois dun proceso de varios meses.

Este ano temos na lista a : Agustín Fernández Paz e a Juan Farias

Estos Premios "Alma", levan o nome dunha grandísima autora de libros infantís sueca, autora entre outros de libros como: "Pipi calzaslargas", "Karlsson en el tejado", "Los hermanos corazón de león",... e moitos outros.
Saberedes de quen falamos?

MARIO VARGAS LLOSA

XA VOS ENTERASTES? NON?

PREMIO NOBEL DE LITERATURA!!!

Mario Vargas LLosa, escritor peruano nacionalizado español en 1993, foi galardonado este 7 de outubro, co Premio Nobel de Literatura 2010. É o primeiro autor de fala hispana que recibe o galardón dende que, en 1990, o gañase o mexicano Octavio Paz. O premio seralle entregado o vindeiro 10 de decembro en Estocolmo. Vargas Llosa recibiu tamén o Premio Principe de Asturias das Letras en 1986, o Premio Planeta en 1993 e o Premio Cervantes en 1994.

Queredes ver como recibe a noticia??

consultade este enlace

http://www.rtve.es/noticias/vargas-llosa-nobel-literatura/

Pero este extraordinario escritor non só escribe para adultos, a editorial Alfaguara Infantil ven de publicar en España unha colección moi especial adicada ao público infantil chamada "Mi primer", que ten como obxectivo acercar, aos máis pequenos, aos grandes nomes da literatura. E que curioso, precisamente, un dos primeiros títulos desta colección é "Fonchito y la Luna" de Mario Vargas Llosa. Con Fonchito podes vivir a emoción do primeiro amor e seguir as aventuras do seu protagonista que demostra o que un é capaz de facer por un ser querido, aínda que a súa petición sexa, nada máis e nada menos, que a Lúa.

Disfruta con Fonchito!!

Pero, queredes saber máis do galardonado?

clica aquí e vai a súa páxina personal