LETRAS GALEGAS 2012

VALENTÍN PAZ ANDRADE

Dende a Biblioteca "Saturnino Hermida" do IES Concepción Arenal de Ferrol chéganos esta estupenda presentación sobre o autor homenaxeado este ano nas nosas LETRAS GALEGAS.

Moitas Grazas!

Paz_Andrade_Intro

LIM "ANDERSEN"

Dende o Ceip Frián de Teis chéganos este chulísimo xogo sobre H.C. Andersen, un dos autores de contos máis coñecidos e recoñecido. Que como ben saberedes é un dos escritores ao redor do que xira a data do Día do Libro.

Esperamos que o disfrutedes!!

MULLERES QUE COMPARTEN

Dende o Ceip de Aguiño chégannos unhas actividades LIM chulísimas, sobre o DÍA DA MULLER, elaboradas por Nela Abella.

Moitas grazas por compartilas con nós!

ANIMÁDESVOS a facelas?

Seguro que vades aprender moito!!

Muller e ciencia

Clara Campoamor e o sufraxio feminino

10 DECEMBRO-DEREITOS HUMANOS

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Música e DDHH

Texto de Maribel Serantes (CEIP Os Casais)

Imaxe atopada aquí

DUROS COMEZOS

Comezamos a dar os primeiros pasos neste novo curso inmersos xa en múltiples proxectos. Reunións, preparativos, programacións, organización, ....

PLAMBE

VOZ NATURA

ARCE (agrupacións escolares)

WEBS DINÁMICAS

GT´s FORMACIÓN

E como non, un novo curso... Un novo tema....

OS CONTOS: "COLORÍN, COLORADO..."

Seguide atentos, todavía temos moito do que informarvos... Pero, para ir facendo boca...

ENCONTROS PLAMBE

Este xoves 7 e o venres 8 de abril celebráronse en Santiago de Compostela os Encontros do Plan de Mellora de Bibliotecas Escolares.

Ao igual que os anos anteriores: IMPRESIONANTES.

Con relatores como Mónica Baró, Teresa Mañá,...; experiencias de bibliotecas galegas; traballos ao redor do cine, da banda deseñada, ...; e para rematar e pechar os Encontros as palabras experimentadas dun grande da nosa literatura: Xosé Neira Vilas.

Que máis se pode pedir??

Agradécese ter a posibilidade de poder compartir cos compañeiros doutras bibliotecas escolares as experiencias ao redor dos libros, a lectura,... a aprendizaxe en xeral.

Canto se aprende!!

Se queredes consultar os materiais dos distintos relatores e experiencias facede clic na imaxe, e entrade como convidados.

LIBROS QUE VEÑEN E VAN

Con motivo do mes das BIBLIOTECAS ESCOLARES-OUTUBRO, dende a Asesoría de Bibliotecas Escolares chegáronnos estas chulísimas bolsiñas para os máis peques (Educación Infantil).

Agora xa podemos traer e levar os nosos libros para a "Hora de Ler".

PEQUESREBOREDA (Pasade polo seu blog)

"ABUELA GRILLO"

"Educación sen Fronteiras", danos a coñecer este fermoso vídeo sobre o consumo responsable da auga. Adaptado dun mito "Ayoreo" e realizado entre Dinamarca e Bolivia e dirección francesa, é un auténtico traballo intercultural.

Prestade moita atención!

E logo, comentádenos o que vos parece!

Coñecemos o vídeo a través de: As Zocas Faladoras

CONSPIRACIÓN POLA PAZ

PAZ?????????????

PAZ: PAM!. Balas. Confusión, asasinatos, bombas.

PAZ: PAF!. Golpes. Cambadelas da vida cotiá. Rancor. Violencia.

PAZ: PAZZZZZZZZZZZZZZZZZZZZZZZZZZZZZ. Soño. Sono indiferente da irresponsabilidade.

Non é un xogo. É a fraxilidade da palabra. Espello fiel da inestabilidade do seu significado.

Utopía imposíbel.

Palabra que xera poesía.

Poesía? Poesía e Paz.

Esta é a nosa proposta: un mundo reinado pola esperanza das palabras, palabras sublimes que permiten melodías, risos, soños... PAZ.

Xesto simbólico o das Bibliotecas Escolares, que novamente unen voces, azos e esperanzas. A través do mosaico que supón, por fin na nosa comunidade, a integración de diferentes cores, razas, linguas... chega a poesía capaz de expresar unha mesma arela. O frenesí da humanidade dominado pola forza da palabra. Unidos contra a ignominia da morte inxusta, das violacións das mulleres, da violencia extrema, da existencia dos nenos-soldado, da vinganza. Optamos polo silencio das palabras, da súa mudez. Porque a súa música festexe os días de coñecemento. Porque os aloumiños que desprenden estas balas sexan quen de recargar o porvir. Porque o nosos pentagramas debuxen as fusas non confusas da ilusión, do mañá cargado de bombas de papel. Papeis que falan de sorrisos, de amores, de xustizas. Papeis convertidos en poesía.

Hoxe, o noso alumnado, dende esas diferenzas que os converten en iguais, transfórmanse en trasnos portadores de equidade. Dende o pasado poético ao presente sonoro, ao futuro harmonioso.

TANQUES DE CARAMELO

ARMAS DE CARAMELO

O NOSO SOÑO

O NOSO DESEXO

A NOSA CONSPIRACIÓN

Colaboraron:
Blog da biblioteca do IES Alexandre Bóveda. Vigo.

O Segrel do Penedo. IES de Fene. Fene. A Coruña.

Mesturas. IES Sánchez Cantón. Pontevedra.

Bibliobelesar. CEIP de Belesar. Belesar. Pontevedra.

Biblioandrade CEIP de Andrade. Pontedeume. A Coruña.

Bemilladoiro. Biblioteca do Ceip. Milladoiro. Malpica. A Coruña .

Biblioteca Olhos Grandes IES Nosa Señora dos Ollos Grandes . Lugo

Biblioteca do CEIP de Pazos. CEIP de Pazos. Ferrol. A Coruña.

Biblioteca do cole. CEIP Quintela de Moaña. Pontevedra .

Cadernos de Vide. Escola Unitaria de Vide. As Neves. Pontevedra.

Biblioteca Brea Segade. C.E.P. Xose Mª Brea Segade. Taragoña. Rianxo.

Biblioteca IES de Sanxenxo. Sanxenxo. Pontevedra.

Biblioteca IES R. O. do Uruguai. IES República O. do Uruguai. Vigo.

Biblioblogreboreda. Ceip Santo Paio de Abaixo, Redondela.

Biblioteca Colexio de Cervo. CEIP de Cervo. Lugo.

Bibliochispi. CEIP A Laxe-Marin. Pontevedra.

Participa tamén neste proxecto o blog Trafegando Ronseis

ENCONTROS BIBLIOTECAS ESCOLARES

Como seguro que sabedes estamos dentro do plan de mellora de bibliotecas escolares (PLAMBE)). Fomos seleccionados no seu momento e cada ano a asesoría de Bibliotecas invítanos a participar nuns encontros coas outras bibliotecas do PLAMBE de toda Galicia. Este ano realizáronse os días 3 e 4 de Abril en Sanxenxo, dúas xornadas intensas, cheas de coñecementos, detalles, ponencias, intercambios, obradoiros,...

Este ano tivemos a sorte de ter con nos como outros anos, a grandes profesionais do mundo da literatura, das bibliotecas, das novas tecnoloxías,... De distintos lugares de España e incluso de Portugal. Tivemos connosco a : José A. Camacho, María de Lourdes Dionisio, Manuel Bragado, Antón Castro, Charo Pita, José Fariña, José L. Barreiro, Villar Arellano, José Manuel Luque, Laura Borrás Castanyer e Gonzalo Moure.

(http://www.edu.xunta.es/biblioteca/blog/).

Dous días moi interesantes nos que recollemos grandes e pequenas ideas para seguir a traballar na nosa biblioteca. Unha gran idea eso de compartir cos demáis. Grazas!!!