NORMAS DE USO DA BIBLIOTECA DURANTE O CURSO 17/18

Aquí vos deixamos o tríptico que enviamos a casa coa información sobre  a biblioteca. Lembrade que para os préstamos no recreo os cursos tedes un día asignado á marxe das visitas que facedes cos titores.

BIBLIOTECAS ESCOLARES

Dende o blog das bibliotecas escolares compartimos o lema para este curso:

Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo, nos clubs de lectura, nas actividades compartidas. Aprender a pensar baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos  para desenvolver o pensamento complexo. Aprender a pensar nas clases de filosofía, pero tamén fóra das aulas regladas, onde a vida flúe en todo o seu misterio. A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir. 

 

XA ESTAMOS DE VOLTA!!!

 Margarida está preparada  para encher as vosas vidas de lecturas, aprendizaxe e diversión. 

Este ano ademais a nosa biblioteca vai a estar moi "animada" pois o reino animal vai estar por todas partes.

 O pasado xoves comezamos a lectura silenciosa lendo fóra, despois de disfrutar coa visita do mago Calí. O xoves pasado ademais a biblioteca abríu para todo o alumnado e xa estamos facendo empréstito nos recreos. 

 Estade atentos porque ademais imos ter talleres e moitas cousas máis.

Non perdedes comba que isto marcha!!!

Diego San José de La Torre

O luns 19 de xuño, os alumn@s de 1º contaron tres kamishibai sobre a vida e obra de Diego San José de la Torre,  un escritor que viviu na posguerra e que foi condenado a morte por pensar de xeito diferente as persoas que gobernaban en España nese momento.

                                           Vida do escritor

                                          Tarde Gallega

                                          Romance de la abuela

Recitamos Tarde Gallega

PAZO DE POUSADOURO

O venres 16 de xuño, os alumn@s d 1º e 2º curso visitaron o Pazo de Pousadouro. Estaban tan contentos que dicían : "Isto se non é un paraíso paréceo"

TAEKWONDO NO COLE

Esta pasada semana tivemos a visita de dous maestros de Taekwondo: Iago e Roi.  Con eles aprendimos unha morea de cousas ao redor desta arte marcial: 

• Naceu en Corea do Sur e agora practícase en todo o mundo
• Hai tres modalidades: Técnicas (pumses), combate e rompementos.
• Axuda a desenvolver un montón de cualidades: elasticidade, forza, axilidade, reflexos, ...
• A cor do cinturón amosa o nivel do practicante.
• As puntuacións en función de onde se golpee, con xiro, valen máis.
• A contar nun montón de linguas. Tamén en coreano.
• O equipo necesario para practicalo: traxe e proteccións.
• Algunha terminoloxía: Charyot - atención; Sahyum -maestro; Kyong Ye - reverencia (saúdo). 

Vamos que o pasamos moi ben e aprendimos moito.

Grazas por compartir con nós estos momentos e ata a próxima!

Por se queredes aprender máis palabras en coreano deixámosvos esta páxina: 

Terminoloxía Coreana Básica Taekwondo

Alumnado 5ºA

CE ORQUESTA PANTASMA NO COLE

Unha semana moi intensa e chea de actividades. Nesta ocasión visitounos “Ce orquestra pantasma”. Cantamos, demos palmas e bailamos sen parar cun artista tan completo. Mirade que divertido foi!!!

VISITAMOS A ESCRITORA MARÍA CANOSA

O xoves 27 de abril recibimos encantados a visita da escritora María Canosa, a autora do libro que lemos¨ Rubicundo ¨. Realizámoslle unha serie serie de preguntas que xa tiñamos preparadas e ela respondeunos encantada. As súas respostas eran amplas, dandonos infinidad de detalles, e iso pareceume un dato interesante; pois seguramente outra persoa non o houbera feito. Contounos en que se inspirou para facer os personaxes. Erea reflexábase en nós, os nenos. Rubicundo creouno porque o seu ilustrador pedíralle un malo, e a ela como non se lle daban ben os malos, fixo a unha persoa triste e enfadada. Tamén averiguamos que para escribir o libro non escribia todolos días, pero aínda que algúns días non o fixese, a súa cabeza non paraba de dar voltas. Tiña unha libretiña na que anotaba nomes e ideas que se lle ían ocurrindo, por si despois os precisaba para algún libro, de feito, de alí sacou o nome de Rubicundo. Persoalmente pareceume unha boa escitora. Sorprendeume bastante que estudara enxeñería de camiños en lugar de literatura. Algo que me gusta dos seus libros é que utiliza un vocabulario bastante amplo, aínda que eu descoñezo o significado dalgunha palabra. Ao final da visita, firmounos a todos os libros. Foi unha boa experiencia!!!!! Lucas C.

“A MELLOR SOPA DO MUNDO”, POLAS EXPLORADORAS DE 5ºA

Estas grandes artistas non paran de argallar, unha semana tras outra, para deixarnos abraiados coas súas sesións de contacontos. Nesta ocasión foron todas en conxunto as que prepararon unha sesión espectacular. Dramatizaron de xeito orixinal e moi sinxelo o fermoso conto, “A mellor sopa do mundo”

Os choquetes estaban encantados e para que todos disfrutasen desta sesión tan especial invitamos tamén aos Apolos. Deixáronnos coa boca aberta!!!

XENIAL EXPLORADORAS!!!

SODES GRANDES ARTISTAS!!!

CLUB BALONCESTO REDONDELA EN REBOREDA

Esta última semana estiveron con nós tres monitores do CB Redondela, Sergio, Adrián e Jovan, dándonos a coñecer o seu club e ensinándonos algúns fundamentos deste precioso deporte. Melloramos as nosas habilidades como pasadores, botando e incluso tirando a canasta, pero, sobre todo a xogar en equipo. Aprendimos moito, e ademais, pasámolo MOI BEN!.

Grazas e voltade cando queirades!

E recordade que o sábado día 3 de Xuño pola mañá tedes o torneo de baloncesto no pavillón da Marisma.

Moita sorte!

UNHA NOVA SESIÓN DE CONTOS CON ANDREA E COMPAÑÍA!

As miñas exploradoras de 5ºA, están enganchadas ao de contar historias e cada sesión que pasa fanno mellor, fanno xenial!!! Nesta ocasión Andrea, tiña moitas ganas de dramatizar un conto que lle gustaba moito cando era pequerrecha, polo que animou ás súas compis e mira o que fixeron… Son unhas grandes artistas!!!

OS SEMINIFINALISTAS FAN KRIPTONITA

Seguimos cos talleres dos gañadores do concurso "Coñecendo a orixe". Nesta ocasión "Los superheroes me importan un pepino" fixeron está orixinal proposta de kriptonita. A pesar dalgúns problemas técnicos pasámolo ben e conseguimos resolver o reto.  Clicade na imaxe para ver a presentación!

SEMANA DO LIBRO

A última semana de abril celebramos a "Semana do libro" e dende a biblioteca deseñamos unha chea de actividades. 

Comezamos decorando os espazos do centro: escaleiras que convidan a ler, un mural na entrada, novo espazo de lectura na biblioteca...

Seguimos convidando aos lectores que quixeran a ter unha cita a cegas. Tiñamos mesas con libros empaquetados con etiquetas que correspondían as diferentes idades. Os que querían podían escoller un libro sen coñecer o título, unha auténtica cita a cega para descubrir lecturas que, seguramente, por nós mesmos non teríamos escollido.

O xoves a lectura silenciosa foi especial porque os pequenos contaron aos maiores historias de superheroes.

E rematamos a semana convidando as familias a facer connosco a lectura silenciosa.

Clicade na imaxe para ver coma nos foi a semana.

SON MALETE!!!

Non me puiden resistir! Moi simpática e ademáis anda un Apolo polo medio. A ver se o vedes.

OS SUPERIGUALIÑOS DE 4ºB FANNOS UNHA SESIÓN DE CONTOS MOI ESPECIAL

A profe Lidia sempre ten grandes ideas e planificou cos seus alumnos e alumnas de 4º B un conto que nos presentaron de forma moi orixinal, aos choquetes e aos apolos, na aula de psicomotricidade para celebrar a semana do libro. Estabamos tan atentos que nin pestanexamos. Dicían que case non tiveran tempo para preparalo pero… fixeronno XENIAL!!! Que? Xa estades ansiosos para velo, non? Pois atentos, atentos…. que isto xa comeza!!!

NA SEMANA DO LIBRO AS FAMILIAS COMPARTEN CON NÓS AS SÚAS LECTURAS

Os choquetes estaban encantados porque moitos papis, mamis, avós, avoas,… quixeron vir a ler con nós na lectura silenciosa. Como era un momento especial, quixemos facelo tamén de forma especial polo que collemos os libros e saímos ao patio, buscamos una boa sombra e una pouca de herba para acomodarnos no chan e pasar 20 minutiños lendo sen parar. Foi un momento moi máxico pero non volo vou dicir eu… mirade este vídeo e quedaredes prendados das fotos tan bonitas que roubamos a eses momentos. GRAZAS, GRAZAS, GRAZAS… FAMILIAS!!! SEMPRE TAN ATENTAS, SEMPRE TAN ENTREGADAS, SEMPRE TAN CERCANAS!!!

TALLERES DE PASCUA

Rematamos o trimestre volvendo a facer os talleres interclases que tan bo resultado nos están dando este ano. Preparamos 3 talleres: un de cine, outro de manualidades e outro de cociña e fixemos 3 grupos nos que había Pequeheroes, Choquetes, Apolos e Xirasois. Os grupos pasaban 30 minutos en cada taller e ao rematar ían ao seguinte. Así aproveitamos para facer chocolate e cestos de pascua. Despois do recreo contamos o conto do coelliño da pascua e fixemos unha búsqueda conxunta polo patio, xa que o coelliño apareceu por alí e deixou unha chea de ovos. Xa cos cestos cheos comemos o chocolate que fixeramos pola mañá. Foi un día moi intenso pero pasámolo xenial!!!

MAGDALENAS DE LADY BUG: GAÑADORAS DE "COÑECENDO A ORIXE"

E chegou a quenda das gañadoras do concurso "Coñecendo a Orixe". Nesta ocasión Alba e María foron as encargadas de ensinarnos a facer unhas deliciosas magdalenas cunha xoaniña enriba que nos lembra a Lady Bug. Fixéronno moi ben e despois os asistentes puideron facer as súas propias Lady Bug e, por suposto, degustalas.

BLOBLÓ POLA CONTACONTOS DE 6º B IRIA

Iria visitou a clase dos choquetes para traernos unha historia fantástica, Blobló. Estes pequenos espectadores estiveron moi moi atentos xa que Iria fíxoo moi ben. Parabéns Iria!!!

FACEMOS KRYPTONITA

Seguimos cos talleres dos xoves do concurso "Coñecendo a orixe". O equipo que quedou en segundo lugar amosounos coma facer kryptonita. Mirade que ben o fixeron!!!

Excursión TORRES AGRELO

O venres 7 de abril, os nenos/as de 1º e 2º fomos de excursión o Pazo de Torres Agrelo. Foi unha mañá fantástica.

Todos queriamos quedar a vivir alí!!

CONTACONTOS: UNHA EIRUGA MOI LARPEIRA

Lucía, achegouse a clase dos choquetes para compartir con eles unha nova historia fantástica, “Unha eiruga moi larpeira”. Narrou o conto coa axuda de Antía e Sheyla, que lle axudaron a mover a pequena eiruga que rillaba, sen parar, nas froitas e alimentos desta historia. Os choquetes tiveron que estar moi atentos porque Lucía despois do conto fixo un pequeno concurso para ver si recordaban algunhas cousiñas. Ao final Lucía agasallou con ricos caramelos a este público tan atento. Noraboa Lucía!!! Fixéchelo de 10!!!

O SUPERPODER DO PROFE GUILLERMO

Este trimestre estamos traballando os superheroes cercanos e nesta ocasión tivemos na aula a un superheroe moi, moi cercano: o profe Guillermo. Resulta que o profe ten o superpoder de atopar fósiles cando anda de paseo polos montes na Rioxa e, fósil a fósil, foi estudando, investigando e aprendendo unha chea de cousas deles. Así que a semana pasada tivemos a sorte de telo na nosa aula compartindo os seus saberes con nós.

A FIGUEIRA DE PELOSTORTOS CONTADA POR PAULA DE 5º A

Paula levou varios días preparando o seu conto con moita ilusión, ensaiando a súa narración e preparando uns títeres representativos do conto, como: pelostortos e pantasmas coa axuda dalgunha das súas compañeiras. Mirade que boa sesión de contacontos poideron disfrutar os pequenos choquetes. Graciñas a Paula, Antía e Carla por facer que cada día os contos nos gusten máis!!! 

COÑECENDO A ORIXE: A INVISIBILIDADE

Lembrades o concurso “Coñecendo a orixe” da biblioteca? Os xoves os equipos que levaron as maiores puntuacións no concurso fan un taller na biblio onde comparten as súas respostas con 20 rapaces que poden ir a sesión. A semana pasada tocáballes aos finalistas pero non estaban preparados así que a profe Marina díxonos se podían ir os Apolos. Non tiñamos nada preparado así que pregunteilles na clase e dixeronse que sí ao momento. Lembrábase de todo o proceso pero, antes de ir a biblio, volvemos ver o vídeo da experiencia na aula. E así, sen apenas preparación, mirade coma o fixeron. DÉIXANME SEN PALABRAS. SON FANTÁSTICOS!

O venres 10 de marzo, os nenos/as de 1º, 2º e 3º fomos de excursión a Redondela. Asistimos a unha sesión de contacontos "O libro Máxico" no Multiusos da Xunqueira e xogamos no parque.

Pasámolo xenial !!

CONTO DOS CHIBOS CHIBÓNS

Un xoves, máis, na hora de ler un novo contacontos visitou a clase dos choquetes cun libro moi especial para este entendido público de contos. Andrea preparou a súa historia con moito mimo durante moitos días, ata lles preparou uns bonito marcapáxinas para estes peques. Mirade que ben o fixo!!! Parabéns Andrea!!!

ENTROIDO 2017

Aquí tedes uns retazos da celebración do entroido. Clicade na imaxe

CONTO: “A VISITA DOS DOMINGOS”, POR MARA DE 5ºA

Cada xoves, una novo contador de historias visita a clase dos choquetes. Nesta ocasión Mara achegouse cun conto moi especial e sorprendente, “A visita dos domingos”.

Levou preparando a súa presentación varias semanas para que todo saíse perfecto. Ata lles preparou unas fermosas chapas como recordo do seu paso pola nosa clase. Mirade que ben o fan estes pequenos contadores de historias!!!

MÁIS RECURSOS PARA O ENTROIDO

Belén Junquera dende Casa de tolos déixanos todas estas páxinas para poder seguir traballando co entroido. Clicade na imaxe para acceder.

CAZA DO TESOURO SOBRE O ENTROIDO

Dende o recanto de Mik nos achegan este xogo sobre o entroido onde tedes que facer de dectetives e estar moi atentos para poder resolver o que se vos pide.

TEMPO DE ENTROIDO

É tempo de entroido. Pero, que sabedes desta festa?
Dende o CEIP Curros Enríquez de Celanova chéganos este enlace onde tedes un xogo LIM sobre o entroido co que, ademais de xogar, aprenderedes moito.
http://coelernidesexto.blogspot.com.es/2015/02/chega-o-entroido.html

ESTADES LISTOS PARA O ENTROIDO!!

 Empezade a resolver pola casa porque o MECO xa está listo para mandarnos as súas ordes.

Aquí vai a do luns, lede con atención...

PARA PENSAR...

GLORIA FUERTES: "El león travieso"

Seguimos acercándonos a obra de Gloria Fuertes na celebración do centenario, nesta ocasión vendo e escoitando o poema do león travieso. 

SUPERHEROES CERCANOS: OS BOMBEIROS

Os Apolos despois de visitar o parque de Bombeiros de Teis, de investigar e traballar arreo na aula prepararon unhas presentacións para explicar o que xa saben dos bombeiros. 

Queredes saber máis? Pois non perdades detalle. 

OS SUPERHEROES TAMÉN TEÑEN QUE RELAXARSE

A profe Isa e os alumnos de 5º convidáronnos a unha sesión moi especial na aula de psicomotricidade. Nos vos conto máis.

 MOITAS GRAZAS PROFE E RAPACES ED 5º FOI XENIAL!!! 

ASÍ CELEBRARON O DÍA DA PAZ OS PEQUESREBOREDA

Estivemos uns días preparando a chegada do día da paz, preparando o mural dos superamigos, aprendendo unha frase pacífica e cantamos a canción de Maná, “Queremos paz”

VISITA AO PARQUE DE BOMBEIROS DE 1º E 5 ANOS

Seguimos no noso proxecto dos superheroes, desta volta coñecendo aos superheroes que nos rodean, con fazañas anónimas que fan que a vida de todos sexa moito mellor. Aproveitamos para visitar aos bombeiros. Cando chegamos ao cole os nen@s dixeron: 

"QUEREMOS SER BOMBEIROS", nada pode resumilo mellor.

 Clicade na imaxe para ver as fotos.

MÁIS GLORIA FUERTES

Seguimos achegándonos a obra de Gloria Fuertes na celebración do seu centanario. O outro día debuxamos a un neno, que vos parece se hoxe debuxamos a un neno da man de Gloria Fuertes e en voz da contadora Beatriz Montero.

ASÍ CELEBRAMOS O DÍA PAZ

O 30 de xaneiro celebramos o día da paz todos xuntos. Elaborando un mural sobre os nosos superamigos, cantando unha canción e falando todos xuntos do significado da palabra paz.

Clica na imaxe para ver as fotos

DÍA DA PAZ

Dende 1964 para celebrar a morte de Gandhi celebramos o Día Escolar da Non Violencia e da Paz. Esta celebración foi recoñecida pola UNESCO en 1993. Nesta data celebramos a necesidade da educación para a tolerancia, a solidariedade, o respecto aos Dereitos Humanos, a non violencia e a paz. Axudémonos, comprendámonos, dialoguemos... VIVAMOS EN PAZ

"COCORICO", POLA CONTACONTOS DE 5º-A, CARLA

Carla achegouse a clase dos choquetes para contarlles unha fermosa historia moi coñecida por estes expertos buscadores de historias, "Cocorico". Levaba moitos días ensaiando e preparando cunhas axudantas moi especiais uns pequenos agasallos para os peques. Fixeron uns marcapáxinas moi fermosos de recordo do conto. Pasámolo moi ben e gustounos moito escoitar o conto na voz de Carla. Parabéns Carla!!! Os choquetes xa están ansiosos por recibir a un novo contador de historias (pequeno, grande ou... moi grande!). Animádevos que vos estamos esperando!!!

PINTAMOS UN NENO?

Gloria Fuertes ensínanos a debuxar en neno, na voz da contadora de contos Beatriz Montero. Atrevédesvos a debuxalo?

OS MAIORES LEN AOS PEQUES

O xoves a lectura silenciosa é moi especial porque os maiores van a ler contos aos nen@s de infantil. Están contando contos moi chulos e os peques están moi atentos!!!

CENTENARIO DO NACEMENTO DE GLORIA FUERTES

Este ano 2017 celebramos o nacemento da poeta español Gloria Fuertes. Muller singular e de marcado carácter moi coñecida pola súa obra para nenos pero cunha fantástica obra tamén para adultos. Aquí tedes a súa nota biográfica contada por ela mesma: Nas vindeiras semanas imos ir coñecendo mellor a esta poeta. Seguide atentos!!!

O SUPERPODER DE 5º E DOS APOLOS: A ROBÓTICA

O principio do trimestre os Apolos fomos a 5º A a ver o seu recuncho da ciencia e a aprender dos insectos. Desta volta foron os maiores os que viñeron a nosa aula para aprender conceptos básicos de robótica. Para iso dividimos a clase en 4 talleres, un para desenvolver o noso lado creativo e imaxinativo construindo un robot con material de refugallo. Os maiores contaron coa axuda inestimable de Alba e Mauro que o fixeron xenial cando nos construimos os nosos robots. Outro para dotar de movemento a algo construído con material de refugallo, neste caso un brazo robótico. Para iso o equipo tiña un vídeo cos pasos a seguir e a axuda e consello de David e Ainoa que xa fixeran a man robótica. No seguinte taller os maiores tentaron seguir construindo o robot solar con axuda de Daniela e Carla (aínda que estaban un pouco nervosas porque os maiores impoñen e non falaron moito) Finalmente, un taller de linguaxe computacional para entender coma programar un robot comandados por Teo, Zaira e Anxo que son uns auténticos expertos. Pasámolo moi ben e encantounos ser profes dos maiores. Coma non puidemos acabar todo o que tiñamos imos ver se en xaneiro volvemos xuntarnos para seguir dende o deixamos.

ASÍ FIXEMOS A INVISIBILIDADE OS APOLOS

Unha semana máis volvemos a participar no concurso da biblioteca. A semana pasada o reto era a invisibilidade así que seguindo unhas instruccións fixemos dúas probas e, desta volta, éxito total!!! A verdade é que Margarida estamos axudando a traballar os superheroes dun xeito totalmente diferente! Mirade que ben o pasamos!!!

OS APOLOS TAMÉN PARTICIPAMOS NO CONCURSO DE MARGARIDA

A semana pasada o reto de Margarida de Coñecendo a orixe foi moi difícil, o máis complicado de todos. Debiamos deseñar algún mecanismo para mellorar os poderes de Superlópez. Os Apolos cando comezamos co proxecto dos robots vimos un vídeo dunha man robótica caseira e Daniela pensou que Superlópez podía ter tres mans e así podía loitar mellor contra os malvados. Ao resto gustounos a idea e puxémonos mans a obra.
E así o fixemos.

Próximo Obradoiro de escrita expresiva

Os próximos venres 13 e 20 de xaneiro volveremos ter obradoiro na Biblio.

Animádevos a descubrir máis de vós mesmos!!!. 

No último de decembro agasallámonos cunha viaxe moi especial. Aquí tedes a proba.

Obradoiro Escrita Expresiva decembro 2016 from Isabel on Vimeo.