COMEZAMOS A EXPERIMENTAR

Como vedes na foto, Margarida xa vestiu a bata para entrar no laboratorio disposta para experimentar e traballar.

Pero, non é a única, senón vede estos nenos e nenas de sexto curso, na clase de coñecemento do medio en plena investigación sobre os ósos.

Haberá que preguntarlles, Que investigaban?, e que descubriron?.

RICO, RICO

Xa sabedes que este ano vamos traballar ao redor da ciencia.

E que hai máis científico que mesturar elementos na procura de enerxía?.

Pois sabendo que o almorzo é a comida máis importante do día, os alumnos e alumnas de cuarto curso almorzaron xuntos o venres pasado. Como vedes nas fotos tomaron leite, froita, zumes, torradas, cereais, ... alimentos moi saudables que lles axudaron a estar en forma durante toda a mañá.

Bo proveito e a continuar almorzando así de ben!

ÚLTIMA NOTICIA, O TELESCOPIO, UN INVENTO ESPAÑOL????

Como xa vos dicía hai dous artigos, os historiadores non se poñen de acordo en quen foi o inventor do telescopio, e agora que vamos celebrar o seu catrocentos aniversario, todavía máis. Está claro, ou parece, como xa dixemos, que Galileo foi o primeiro en usalo para ver o Ceo. Pero son moitos os candidatos para a primeira fabricación do artefacto.

Esta mesma semana, na revista "History today", fálase da posibilidade de que o inventor orixinal do telescopio sexa un español, Juan Roget.

Para máis información fai clic na imaxe.

UNHA NOVA SECCIÓN

Para que poidades comezar a curiosear sobre temas relacionados coa Astronomía, e coa Ciencia en xeral, vamos a abrir unha nova sección na barra lateral que se chamará: "Pequenos científicos", onde iremos engadindo enlaces que seguro vos resultan interesantes.

QUEN INVENTOU O TELESCOPIO?

Difícil resposta, pois nin os historiadores se poñen de acordo.

Xa un inventor inglés, Robert Gosseteste (1175-1263), "tivo a idea" de acercar os obxectos distantes mediante un corpo trasparente (lente). Pero non foi ata 1606 ou 1608 (tampouco se poñen moi de acordo), cando Hans Lippershey alinea dúas lentes nos extremos dun tubo, creando un instrumento que aumentaba as imaxes de obxectos lonxanos.

Ata que no 1609 chegou a oidos de Galileo Galilei, que construiu un, con notables melloras e cunha idea innovadora, apuntando ao ceo, creando o primeiro telescopio de exploración dos astros.

ESTE CURSO: A CIENCIA

O ano 2009 vai ser o Ano Internacional da Astronomía, en honor á invención do Telescopio e uso do mesmo, apuntando ao ceo, por Galileo Galillei. Con tal motivo, no Centro decidimos levar a cabo un proxecto ao redor da Ciencia: experimentos, saídas, actividades, concursos, ... e moito máis. Preparadevos porque este curso hai moitas sorpresas, vamos convertirnos todos en grandes científicos e científicas.

De inicio en educación infantil xa teñen unha gran investigadora con eles, "Ciencia", que sin moita demora xa pasou pola Biblio e falou con Margarida.

Que estarán tramando!!!!

3, 2, 1, ... DESPEGAMOS

Día 11, comezo das clases, un novo curso.

Traedes forzas dabondo?, este curso vai ser explosivo, cheo de novas, de propostas,... nas que contamos participedes con moito entusiasmo.

E para comezar un pouco de humor. Coñecedes a Mafalda?. No principio do curso pasado vimos este vídeo no blog da biblio do Ceip de Quintela en Moaña, e gustounos moito. Esperamos que non se aproxime á realidade!!!

CONTOS EN LINGUAXE DE SIGNOS

Sabedes o que é a linguaxe de signos?

Hai persoas, nenos e nenas, que non poden escoitar, ou teñen dificultades á hora de se comunicar verbalmente. Imaxinades o que eso pode ser?. Non ter nunca escoitado un conto, o son do mar, o canto dos paxaros, ...

Pois a linguaxe de signos é un sistema alternativo de comunicación que serve precisamente para que a través de movementos manuais e corporais poidamos comunicarnos uns cos outros.

Na Biblioteca virtual Miguel de Cervantes están a levar a cabo un proxecto no que pretenden mostrar diversas publicacións en lengua de signos. En concreto pareceunos moi interesante o apartado dos contos.

Se queredes visitar a páxina, facede clic enriba da imaxe. Ademáis puxemos un novo enlace na sección "Xoga e curiosea" da barra lateral.

Botade unha ollada, e intentade aprender algún desos signos!

Sempre pode sernos útil!!

XOGOS PARALÍMPICOS

Dende hoxe día 6 ata o 17 de setembro, tamén en Pekín, daranse cita máis de 4000 deportistas, entre eles, deportistas cegos, discapacitados físicos, paralíticos cerebrais,... de 130 países, para competir en 20 deportes oficiais . O equipo español acude con 133 deportistas con grandes aspiracións, de feito en anteriores edicións sempre conseguiron máis de 70 medallas, e estiveron entre os sete primeiros países do medallero.

Se quedastes abrumados pola calidade dos competidores dos xogos olímpicos, nestos xogos paralímpicos, podedes quedar moito máis sorprendidos.

Sorte a todos e todas!

Se queredes estar enterados do que acontece nestos xogos facede clic na súa mascota

Fu Niu Lele.

NARNIA: RESPOSTA 3

Acabouse o verán. Logo empeza xa o cole. Estaredes listos?. Espero que veñades con forzas, temos moitas novidades e sorpresas para vós. Pero ata o 11 que nos volveremos ver, a resposta a terceira e última pregunta sobre Narnia.

Se lestes o libro seguro que vos destes conta que non coíncide coa peli. Caspian fai soar o corno da Raíña Susan estando xa no altozano de Aslan (onde se atopa a pedra máxica partida pola metade), cando asediados, el e os narnianos, polo exército do usurpador Rei Miraz, tío de Caspian, non atopan outra solución para vencer.