lunes, 31 de diciembre de 2012

VISITAS REAIS

Antes de marchar de vacacións tivemos a visita do paxe que viña  recoller as cartas con todos os nosos desexos...
E o última día, sorpresa!
Visitáronnos os Reis Magos en persoa e cargados de caramelos, que ricos estaban!


CHEGOU O NADAL A REBOREDA

 O nadal respirouse por todos os recunchos do colexio...
Coa árbore e o belén na entrada; as clases e os corredores adornados e preciosos; algúns nen@s pedindo o aguinaldo e escoitándose panxoliñas en todas as linguas...

jueves, 27 de diciembre de 2012

GUÍA DE LECTURAS PARA O NADAL

Ola a tod@s!
Aquí tedes a nosa guía de lecturas con moitas recomendacións e novidades para todos os ciclos.
Aproveitamos para desexarvos un BO NADAL e esperamos que os libros teñan un lugar especial entre os vosos agasallos.

(pinchade na parte inferior dereita para velo ampliado)

lunes, 17 de diciembre de 2012

RECITANDO CELSOEMILIO

DENDE O CEIP SANTO PAIO DE ABAIXO PARTICIPAMOS NUN ACTO COLECTIVO PARA RECORDAR A CELSO EMILIO FERREIRO NO CENTENARIO DO SEU NACEMENTO. A ESTA INICIATIVA SUMÁMONOS MÁIS DE 200 CENTROS GALEGOS E 30.000 VOCES QUE RECITAMOS, Á VEZ, O POEMA "DEITADO FRONTE AO MAR".


martes, 11 de diciembre de 2012

Contacontos e debuxos para homenaxear aos Irmáns Grimm

Para conmemorar os 200 anos da primeira edición de "Los cuentos para la infancia y el hogar" dos Irmáns Grimm (20 de decembro), a Fundación Filomena Rivero en colaboración coa Biblioteca Municipal de Redondela, organiza dúas sesións de contacontos e un concurso de debuxo no mes de decembro:

"Contos Grimmosos para nenos animosos"

( para nenos de 3 a 5 anos) O luns, 10 de decembro

"Contos dos Irmáns Grimm para tremer e rir"

(para nenos de 6 a 9 anos) O venres, 14 de decembro

Hora: 18:30 horas
Lugar: Sala Infantil da Biblioteca Municipal
(Multiusos da Xunqueira)

Ademais, os nen@s que asistan poden participar nun CONCURSO

"Debuxa a túa escena favorita dos contos que escoitaches"
no que poderán participar os rapaces que asistiron aos contacontos.
Remate do prazo de entrega dos debuxos:
mércores, 19 de decembro (na Sala Infantil da Biblioteca)
Entrega de premios:
venres, 21 de decembro ás 18:30 h. (na Sala Infantil da Biblioteca)

lunes, 26 de noviembre de 2012

UNHA VISITA MOI SILENCIOSA

O pasado venres 23 de novembro visitounos Camilo, un chico xordo que traballa para a Federación de Asociacións de Persoas Xordas de Galicia (FAPXG).

Para os máis pequenos contou dous contos moi divertidos en Lingua de Señas e practicaron signos de animais como león, mono, can…



Logo chegaron os maiores aos que lles explicou como era a vida cotiá dunha persoa xorda, é dicir, como fan para desenvolverse sen maiores problemas aínda que non escoiten nada. Así, amosounos algúns dos dispositivos cos que contan coma os timbres con luz, os vídeoteléfonos…
Camilo veu acompañado de Iago o seu intérprete e grazas a el entendimos todo o que nos dixo e tamén lle puidemos facer preguntas .




A verdade é que foi moi interesante xa que moitos de nós descoñeciamos como é ese mundo das persoas xordas e ademais non todos os días podemos ver a unha delas comunicándose con nós en Lingua de Señas a través dun intérprete.
Comprendimos que non hai límites para a comunicación, nin sequera a xordeira. Só temos que ter interese e estar abertos a diferentes formas de comunicarnos e de seguro que nos entenderemos con tod@s independentemente das súas características ou dificultades.

viernes, 23 de noviembre de 2012

DÍA DA IGUALDADE DE XÉNERO

Con motivo da celebración do Día da Igualdade de Xénero podedes ver este pequeno vídeo.
Dá moito que pensar!




Tamén Sofía Freire de 6ºA propuxo unha adiviña ou enigma moi interesante:

 Un pai vai en moto levando con el ao seu fillo de 10 anos. Circulan moi rápido nunha noite de brétema. A moto derrapa. O pai morre e o fillo queda moi malferido. Unha ambulancia lévao ao hospital máis próximo. Teñen que operalo inmediatamente.

Avisan ao cirurxián de garda, quen, ao entrar no quirófano e ver ao neno di: "Non o podo operar; é o meu fillo".

  A ver se atopades a solución!

domingo, 4 de noviembre de 2012

OLLOS DE AULA


AQUÍ VOS DEIXAMOS O NÚMERO 1 (MES DE OUTUBRO) E NÚMERO 2 (MES DE NOVEMBRO) DA REVISTA OLLOS DE AULA. 
CADA MES SERÁ PUBLICADA PARA QUE TODAS AS FAMILIAS, ALUMNADO E PROFESORADO DISPOÑADES DELA. PREME EN CADA UNHA DAS PORTADAS PARA VELAS.



 


martes, 30 de octubre de 2012

CHEGOU O SAMAÍN AO COLE DE REBOREDA !

Xa temos o cole decorado e preparado para a festa de Samaín e Halloween. Aquí deixámosvos unha mostra terrorífica.
Esperamos que non teñades que fuxir correndo!


Ademais na biblioteca tedes á vosa disposición un recuncho cheo de libros e contos do Samaín. Que medo!


E aquí atoparedes recursos para nen@s e profes
Esperamos que o pasedes ben con eles.

Preme na foto para acceder aos recursos

lunes, 29 de octubre de 2012

MOCHILAS VIAXEIRAS


Xa están nas nosas mans as mochilas viaxeiras para que na casa poidamos compartir o tempo de lecer.
A pasar moi bos ratos con elas!

martes, 23 de octubre de 2012



Ola nen@s!

Un 24 DE OUTUBRO máis festexamos no colexio o DÍA DAS BIBLIOTECAS ESCOLARES.
O cartel presentado para este ano está ilustrado polo deseñador Andrés Meixide e ten como lema
BIBLIOTECA ESCOLAR - ACELERADOR DE INNOVACIÓN.


PISAMOS POIS O ACELERADOR... E COMEZAMOS A GOZAR DESTE ESPAZO ONDE A IMAXINACIÓN NON TEN LÍMITE!!!

sábado, 30 de junio de 2012

DESPEDÍMONOS XOGANDO COS CONTOS

Último día de curso, despedida,... e posta en práctica de todo o traballado durante o curso: Nas linguas, nas mates, no coñe, ... e en outras materias máis transversais. 
Aproveitamos o tema dos Contos como marco de acción e... 
Listos para recuperar os contos?
Preparados para impedir que o Mago Malandrín quede cos nosos soños e ilusións??
QUE BEN O PASAMOS!
Se queredes saber máis visitade os blogs de terceiro, alí tedes maís fotos, máis información e algún que outro vídeo.
Manantial (3ºA)
Cativos (3ºB)


jueves, 28 de junio de 2012

GRADUACIÓNS 2012

Rematou o curso 2011-2012 e con el moitas das expectativas para o mesmo. Despedidas, finais de ciclo,... novos retos aos que enfrontarse... Uns continuarán connosco, outros un pouco máis lonxe, pero, sen lugar a dúbidas, todos cheos de esperanzas e ilusións.

martes, 26 de junio de 2012

AS VOSAS PRODUCIÓNS

Algunhas aulas aproveitaron o tema dos Contos, para durante o curso ir organizando as súas producións e deseñar pequenas grandes publicacións.
QUE SORPRESA cando chegaron cos seus libriños para entregarllos a Margarida...!!
IMPRESIONANTES!!
Agora haberá que rexistralos no Meiga (o programa de catalogación) para que pasen a funcionar no préstamo habitual.
MOITAS GRAZAS POLO VOSO TRABALLO!!

SUXESTIÓNS LECTORAS VERÁN

Un ano máis en colaboración coas Bibliotecas Escolares e Municipais de Redondela elaborouse unha guía de Suxestións para que durante este verán aproveitedes ben o tempo. Facede clic nas imaxes para velas mellor.
Se ledes algún libriño que vos resulte interesante e nolo queredes suxerir...
FELIZ VERÁN A TOD@S!

lunes, 25 de junio de 2012

ACTIVIDADES DE VERÁN COA OMIX


A Concellería de Xuventude, a través da OMIX ofrece tres actividades:
 
Na Alameda de Redondela.
Solicitude de praza: Do 18 ao 20 de xuño.
 
Na Alameda da Praia de Arealonga (Chapela).
O acceso as actividades será libre ata completar o máximo de 30 prazas.
 
Na praia de Cesantes e na praia de Arealonga de Chapela.
Taxas por curso: 10 €
Solicitude de praza: Do 20 ao 27 de xuño

Non tedes excusa para non pasar un verán de cine....
Disfrutádeo!

domingo, 24 de junio de 2012

VERÁN CON SIMONA

Chéganos esta información dende a Biblioteca Municipal. Parece interesante!
VERÁN CON SIMONA:
Esta actividade organizada pola Concellería de Servizos Sociais, Muller e Igualdade, está dirixida a nenas e nenos con idades comprendidas entre os 4 e os 14 anos, cuxa nai ou pai estea empadroada/o como mínimo un ano no Concello de Redondela, desenvolverase durante todo o mes de xullo en cinco parroquias:
- Cedeira: Centro cultural de Cedeira.

- Chapela: Multiusos do Piñeiral do Crego.
- O Viso: Asociación cultural Santa María do Viso.
- Redondela: Pazo do Pousadouro.
- Saxamonde: Centro cultural Chan das Pipas.
O horario da actividade será de 09.30 a 13.30 horas, contando a actividade cun total de 180 prazas. A selección da parroquia é independente do domicilio de residencia.
O prazo de inscrición, ata o mércores 27 de Xuño.

miércoles, 20 de junio de 2012

SIGNOS PARA O VERÁN

CALOR
VACACIÓNS
VERÁN
PRAIA




viernes, 15 de junio de 2012

OS NOSOS CONTACONTOS

Cada ano algúns nenos e nenas de sexto curso prepáranse para facer de contadores de contos para os máis peques. Este curso tivemos oito contacontos. Estiveron durante todo un mes preparándose e cando chegou o momento.... XENIAL!
Xa vistes algúns dos vídeos que fomos poñendo. Pero,...  e todo o que non vistes. 
MOITAS GRAZAS, CONTADORES!
Quen sabe? O mesmo voltades por aquí nuns aniños...

jueves, 14 de junio de 2012

VISITA Á ILLA DE SAN SIMÓN

O alumnado de Sexto curso visitou esta semana a fermosas illas de San Simón. Encantoulles a visita! O sorprendente é que témolas aquí ao ladiño e son as grandes descoñecidas. 

Non son moitos os afortunados que coñecen de cerca esta illas. A algúns todavía lle traerán recordos pouco gratos. Sin embargo este pequeno e fermosísimo espazo na metade da ría de Vigo está cargado de historia que da pe a infinidade de lendas.
Queredes saber un pouquiño máis da súa historia??  Ou velas máis de cerca?? Facede clic nos seguintes enlaces:


Seguro que xa sabedes un pouquiño máis da nosa historia.




martes, 12 de junio de 2012

OBRADOIRO PULSERAS

Achégase o verán, e co calor e o sol, enchémonos de vitalidade, de ganas de facer cousas, de crear,... E dende a Biblio, con Margarida ao frente, estamos a facer uns obradoiros de pulseras de fíos de plástico. 
Están quedando chulísimas!
O mércores pasado, pasaron os nenos e nenas de Sexto, mañá virá o alumnado de quinto e entre medias, todos eles fan de maestros para os máis peques, que tamén queren aprender.
A pena e que xa non nos queda nada...

lunes, 11 de junio de 2012

POR ESTE CURSO... PECHAMOS AS PORTAS


Bueno chicos e chicas, un ano máis chega o mes de xuño, e con el, moitas despedidas. Achégase o final do curso, pero, como ben sabedes na biblio necesitamos tempo, moito tempo, para recoller, organizar, ubicar, ... en definitiva, que por este ano xa non poderedes levar máis libros en préstamo, o que non quere dicir, que non nos poidades seguir facendo suxestións, de todo tipo, de lecturas, de actividades,... 
E ollo!, que todavía quedan algúns por devolver libriños... A ver se esta semana non nos olvidamos...
VÉMONOS!

sábado, 9 de junio de 2012

CLAUSURA LECTURA SILENCIOSA

Non se trata de facer que todos sexamos uns lectores incribles, de a libro por semana. Pero si que polo menos apreciemos e disfrutemos dun momento de lectura, unha novela, unha revista, un periódico,... ao fin, ler, faise imprescindible en todas as facetas da vida diaria: cando saimos de compras, cando vamos ao médico, cando precisamos resolver calquera problemiña con algunha institución, ... 
QUE IMPORTANTE É LER!
E ENTENDER CORRECTAMENTE O QUE LEMOS!
Ao longo da historia, o acceso á lectura e a escritura das clases máis baixas, permitiu a evolución dunha sociedade dominada e controlada polas clases máis preparadas. Está máis que demostrado que nos entornos lectores, créanse bos lectores. Os nenos a medida que van crecendo, van imitando todo aquilo que ven facer aos adultos que os rodean: os seus costumes, as súas rutinas, ... Para ben ou para mal, somos os exemplos que eles siguen...
Dende o Centro tentamos ser un Exemplo Lector para o noso alumnado. Dende os máis pequenos ata os máis maiores, os mestres, e todo aquel que pasa polo Centro no momento axeitado, xuntos e respetando aos compañeiros, LEMOS
Ata o próximo ano!

viernes, 25 de mayo de 2012

jueves, 24 de mayo de 2012

CLASIFICACIÓN MQS5

Impacientes estabades. Sobre todo os implicados... Pero, seguro que xa vos destes conta que a clasificación saiu na revista Bolboreta. Para os que todavía non vos enterastes, aquí tedes os gañadores.
NORABOA A TODOS E TODAS!
SODES UNS GRANDES CAMPIÓNS!
Non é fácil respostar cada semana, durante un mes, a todas esas preguntas "dificilísimas" que nos fixo Margarida.....

miércoles, 23 de mayo de 2012

REVISTA BOLBORETA


domingo, 20 de mayo de 2012

ISMAEL, CUN CONTACONTOS DE LUXO

Como cada xoves un compañeir@ da escola achégase ás clases dos peques para contarlles unha nova e divertida historia nunha sesión de contacontos sen igual. Nesta ocasión foi Ismael o que visitou a clase dos exploradores. Todos estiveron moi atentos porque a historia era emocionante, chea de ruidos estranos, pantasmas, sombras,..... ou non? O que si que é certo que había unha gatiña moi bailarina chamada "Chanel". E....... se queredes saber de que ía esta historia estade atentos que Ismael comeza nun momentiño o seu conto...

viernes, 18 de mayo de 2012

SEMANA DAS LETRAS

Que semana levamos!!
Comezamos a semana colocando as bandeiras e cantando o Himno Galego.
O martes tocaba Títeres. Na Semana dos Títeres de Redondela, a organización sempre invita aos coles a algunha actuación. Baixamos todos. Vimos a obra "Fios" de BAOBAB. Encantounos!
E onte mércores, despois dun mes de espera, por fin o tempo nos deu unha tregua e puidemos ir celebrar o Día da Árbore coas Comunidades de Montes e a Anpa. Agotadiños e cheos de calor, pero ... Un día xenial!


miércoles, 16 de mayo de 2012

OBRADOIRO BANDA DESEÑADA

Despois dun mes de Marzo cheo de CÓMICS, o BAÚL VIAXEIRO tivo que marchar rumbo a outros mares. Tristura nos quedou pola despedida, pero ledicia de coñecer personaxes e historias dos que non sabiamos.
E para completar e complementar o contido do baúl, o pasado venres día 4 de maio, tivemos a sorte de poder asistir a un obradoiro de Banda deseñada a cargo do ilustrador GOCHI.

Coñecedes a editorial "Cerditos de Guínea"??
Pois Gochi, ademais de ilustrador, é o fundador desta editorial, que se encarga de comprar os dereitos de cómics internacionais para traducilos ao galego e podelos editar. Nestos momentos teñen en catálogo: Superlópez, Spirou e Fantasio, Gárgolas, Os cinco loitadores,... E ademais da man de Gochi, temos a Trasmallo, un personaxe xenial que vos vai facer rir moito. Toda unha pasada!

Despois de compartir con nós unha tarde entrañable, experimentando coa creación de personaxes, ... Agasallounos (aos coles asistentes) cunha mostra dos cómics editados por "Cerditos de Guinea" para as nosas Bibliotecas. En breve estarán á vosa disposición!

jueves, 10 de mayo de 2012

ALEX, UN CONTACONTOS MOI FEROZ

Pouco a pouco van pasando pola clase dos exploradores e do resto dos peques de Reboreda uns contacontos moi especiais. Nesta ocasión Alex agasallóunos cun conto moi chulo, "O oso e a espada". Gustóulles tanto aos peques que Alex estaba encantado ensinándolles as ilustracións, explicando as súas dúbidas e para comprobar se estiveran atentos ao final fíxolles moitas preguntas pero estes pequenos espectadores non perderan detalles. Mirade que bonita foi esta sesión de contacontos...

LETRAS GALEGAS 2012

VALENTÍN PAZ ANDRADE
Dende a Biblioteca "Saturnino Hermida" do IES Concepción Arenal de Ferrol chéganos esta estupenda presentación sobre o autor homenaxeado este ano nas nosas LETRAS GALEGAS.
Moitas Grazas!

martes, 8 de mayo de 2012

ACEITES AROMÁTICOS

Os alumn@s de 2º A e 2º B  xuntáronse no laboratorio do centro para realizar un experimento colectivo. Con follas de plantas e árbores : romeu, loureiro e limoeiro, fixeron  " ACEITES AROMÁTICOS "

viernes, 4 de mayo de 2012

CONTO INSTRUMENTADO

A profe Isabel, leva varias sesións liada cos compañeir@s de 4º preparando un coñecido conto cuns instrumentos moi particulares. Os peques tivemos que escoitar o conto dun xeito singular, tiñamos que estar de espaldas aos músicos e caladiños para escoitar atentamente todos os sons que aparecían para descubrir, como dunha adiviña se tratase, cal era o conto que os amig@s de 4º acababan de representar. Unha vez rematada a instrumentalización rapidamente os peques adiviñaron o conto. Explicaron como o adiviñaron e logo pedíronlle aos músicos que nos explicasen como facían cada un dos sons que aparecían no conto, como facían os personaxes, como soaba o lume, ou o vento, ou mesmo a auga fervendo.
Pasámolo xenial!!!
Queredes vós tentar adiviñar polo son de que conto se trata??
Ide a este enlace e escoitade con atención: "Descubre o que che conto"
Ahí vos deixamos algúns deses bonitos momentos.

martes, 1 de mayo de 2012

CONTACONTOS POR UN DÍA

Despois dun longo ano traballando ao redor dos contos, os maiores da escola queren agasallarnos cunhas interesantes sesións de contacontos nas clases dos máis pequenos. Nesta ocasión Pablo Amor, presentounos o conto: "Gato Guille e os monstros". Os exploradores xa coñecían este famoso conto pero estiveron moi atentos a esta diferente narración do conto. E como isto nos soubo a pouco Pablo quixo voltar a contalo pero agora coa axuda da PDI que temos na clase, porque nos estamos acostumados a velos case sempre na pantalla grande. Parabéns Pablo!!! Fixéchelo moi, moi ben!!!

viernes, 27 de abril de 2012

TÍTERES NA BIBLIO MUNICIPAL (CHAPELA)

Para rematar a grande semana adicada ao libro, na Biblioteca de Chapela ofrécennos este Venres 27, ás 19:30 h un espectáculo de títeres para pasar moito medo.
Títeres Cascanueces: "A rúa das pantasmas".
Espectáculo para todos os públicos.
A entrada é gratuita e libre, ata completar aforamento.
Máis información en:
BIBLIOTECA A.M.L. DE CHAPELA
Piñeiral do Crego, Edificio Multiusos - Chapela (Redondela)
TLF: 986-454-226 - Email: bibliotecachapela@redondela.es

QUE BOA PINTA TEN!!!

miércoles, 25 de abril de 2012

DESCUBRE O QUE CHE CONTO

O grupo de 4º A  preparou un conto popular dos máis coñecidos por todos para contalo doutro xeito: 
SEN PALABRAS
Só cos sons das cousas que alí pasan. A ver se descubrides de que conto se trata. Ánimo!!!

A SUXESTIÓN DE ALBA

Hola! Chámome Alba C. A. e queria recomendar este libro: "Avenida do parque, 17", de Agustín Fernández Paz. Vouvos resumir un pouco: Trata dunha nena chamada Marta que se tivo que mudar a unha casa vella. Sobre aquela casa había moitos rumores que dician que estaba embruxada. Pronto empezarian as clases e a ela non lle facía ningunha gracia ir a un colexio novo con profesores novos e con nenos que nin sequera sabia como se chamaban. (Agora pasan... unhas cousas... pero sera mellor que non volas diga porque senón descubriría o secredo). Bueno foron pasando os dias e tivo que ir ao colexio, foi andando polo pasillo e tamén mirando as portas para atopar a súa nova clase, e ali estaba, chea de nenos/as que en fila esperaban que a profesora os chamase, cando esntraron todos a profesora díxolles os profesores que lle ian a tocar e cada un coas materias que lle tocaban, pasaron os minutos e tocou a serea para cambiar de clase , e entrou un profesor , se queredes saber máis leede o libro, asegúrovos que vos vai gustar!

martes, 24 de abril de 2012

LIM "ANDERSEN"

Dende o Ceip Frián de Teis chéganos este chulísimo xogo sobre H.C. Andersen, un dos autores de contos máis coñecidos e recoñecido. Que como ben saberedes é un dos escritores ao redor do que xira a data do Día do Libro.
Esperamos que o disfrutedes!!

FALLO CONCURSO NARRATIVO "DA REBORAINA"

NA 14ª EDICIÓN DO CONCURSO DE NARRATIVA “DA REBORAINA”,
QUE OTORGA O CEIP SANTO PAIO DE ABAIXO DE REBOREDA,
O XURADO ACORDOU OTORGAR OS PREMIOS A FAVOR DO SEGUINTE ALUMNADO:
CATEGORÍA A
  • PREMIO REBORAINA: "Un día da miña vida" de ALBA DA SILVA CABALEIRO de 6º A.
  • 1º ACCÉSIT: "A orixe dos números"  de LIDIA COLLAZO COUÑAGO de 4º B.
  • 2º ACCÉSIT: "O muíño vello" de LAURA PORTELA COUÑAGO  de 5º B.
  • 3º ACCÉSIT: "Que lío de contos!"  de LUCÍA AMOEDO FIGUEROA  de 6º A.
  • 4º ACCÉSIT: "Viaxe á época medieval" de LUCÍA RODRÍGUEZ VILAS de 3º B.
CATEGORÍA B
  • 1º PREMIO: "Cinco sesenta"  de ALOXI CENTENO ESCALA do IES Mendiño (Redondela).
  • 2º PREMIO: "Paula" de MARÍA IGLESIAS  OITAVÉN do IES Pedro Floriani (Redondela).
  • 3º PREMIO: "A illa"  de PAULA GÓMEZ RODRÍGUEZ do IES Mendiño (Redondela).
OUTRAS
  • PREMIO DO CARTEL: RUBÉN ROZA CASTRO de 5º B
  • PREMIO LEMA: ANDRÉS MARTÍNEZ ALONSO de 5º A
A ENTREGA DE PREMIOS FARASE NO SALÓN DE ACTOS DO CEIP SANTO PAIO DE ABAIXO, DURANTE A CELEBRACIÓN DO FESTIVAL DE FIN DE CURSO 2011-12.

MOITAS GRAZAS AO ALUMNADO PARTICIPANTE E NORABOA A TÓDOLOS PREMIADOS.

REBOREDA, 23 DE ABRIL DO 2012
O XURADO DO CONCURSO DE NARRATIVA “DA REBORAINA”

domingo, 1 de abril de 2012

QUE FAN OS LIBROS POLA NOITIÑA???

23 ABRIL - DÍA INTERNACIONAL DO LIBRO
Como dicían hoxe os nenos e nenas: "Margarida está de cumple"
BO DÍA MARGARIDA!
E QUE CUMPLAS MOITOS MÁIS!
E tanto que falamos do que fai Margarida pola noite cos trasnos, fadas, elfos, .... que habitan na nosa biblio, mirade atentos .... o mesmo vos da unha idea.
Grazas aos compañeiros de Mugardos do Ceip Santiago Apostolo Franza por darnos a coñecer este vídeo tan chulo.

miércoles, 28 de marzo de 2012

CÓMIC TAMÉN PARA ADULTOS: "ARRUGAS"


Chéganos unha nova reseña dun dos cómics para adultos do "Baúl Viaxeiro". Pilar a mamá de Lucía (cocoricos), Adrián (Sinefos) e Ángel (5ºB) é a nosa amable escritora:
"-O libro "encantoume", non é sen razón que acadase o premio Nacional do Cómic en 2008. 
Conta a historia de Emilio, un director de banca xubilado, enfermo de Alzheimer, e de como a evolución da súa enfermidade o vai alonxando da realidade. 
Dícese que "unha imaxe vale máis ca 1000 palabras" e é completamente certo, porque nesta historia, en poucas páxinas, o autor consegue despertar no lector unha chea de sentimentos.
Recomendo a súa lectura. A min, emocionoume!
Agradezo a aqueles que fan posible esta iniciativa porque, de non ser así, non repararía neste tipo de literatura. 
Un saúdo!"
Non sei se sabedes que en xaneiro de 2012 estreouse a película deste cómic, que foi un éxito tanto de crítica como de público. Se queredes curiosear un pouquiño na súa páxina, clicade aquí.
E mentras deixámosvos tamén o trailer, para ir facendo boca...

lunes, 26 de marzo de 2012

SIGNOS POLA SEMANA SANTA

ABRIL (=Xesucristo)

PRIMAVERA

VACACIÓNS (SEMANA SANTA)

miércoles, 21 de marzo de 2012

AS NOSAS FAMILIAS TAMÉN LEN CÓMIC

Todo un éxito o "baúl viaxeiro" do cómic. Entre os nenos e nenas, e tamén entre algúns pais e nais. Aquí vos queda a reseña de Gloria, a mamá de Lucía e Juan, sobre a adaptación en cómic de Christophe Gaultier, do libro de Daniel Defoe, "Robinson Crusoe":
 -"Robinson Crusoe de Daniel Defoe, todo un clásico de la literatura, en cómic. Es ameno, entretenido y fácil de leer. Aconsejable tanto para padres como para niños a partir de 10-11 años.
Creo que es una buena manera de introducir a los niños en la literatura clásica, últimamente tan olvidada.
Lo recomiendo, sobre todo a la adolescencía.  Seguro que os gusta!"

domingo, 18 de marzo de 2012

XERANDO CÓMICS

Dende que chegaron os cómics do "Baúl viaxeiro" das Bibliotecas Municipais, o préstamo de Cómic, disparouse. Hai moita curiosidade por ver e coñecer algúns dos volumes que veñen no baúl, porque, aínda que temos un fondo editorial interesante neste apartado, como é lóxico, non o temos todo, e con tal motivo, en vista do interese que despertan algúns personaxes, teremos que plantearnos comprar algúns máis.
Pero, ademais de coñecer as distintas colecións, os personaxes, os elementos do cómic (viñetas, bocadillos, onomatopeias, liñas cinéticas,... ),... Tamén toca producir.
Na rede hai moitísimos xeradores de cómic online, nós estamos iniciandonos cun bastante chulo de "Genmagic", non se pode gardar o que vas facendo, pero se tes preparada a historia, os textos, ... , unha vez rematado podes imprimilo.
Pero, atentos!!!
Esta semana durante os recreos teredes a oportunidade de crear textos para tiras cómicas, viñetas, personaxes, ...
ANIMÁDESVOS???

miércoles, 14 de marzo de 2012

FACENDO FILLOAS

O xoves pasado os alumn@s de 1º, puxerónse os gorros de cociñeiros e nin cortos nin perezosos, comenzaron a facer filloas. A responsable de todo isto foi unha lectura de aula ( O libro de Pepa ) moi divertida. Cada un dos nen@s aportou algún dos ingredientes e a partires de aí, todo foi cociñar....... debuxar......... e comer........................... UHHHHMMMMM QUE DELICIA !!!!!!!!!!!!!!!!!!





martes, 13 de marzo de 2012

RECUNCHO MQS 5

Que, como vai a OLIMPIADA DE MARGARIDA??
Respondestes a moitas preguntas?, Acertastes todas?
Para consultar as bases, os equipos, a clasificación,... Ide ao recuncho do concurso na barra lateral da dereita.
MOITA SORTE!!