OBRADOIROS NOS RECREOS

Hoxe comeza a nosa ludoteca para os días de chuvia xestionada polos nosos bibliotecarios.

Mentres na Biblio hoxe tocou xadrez e, por suposto, lectura.

Obradoiro de ESCRITA EXPRESIVA

Este venres retomamos o Obradoiro de ESCRITA EXPRESIVA, outra maneira de escribir e de coñecernos mellor a nós mesm@s.
Lembrade que os obradoiros se fan na biblio, nos recreos do 1º e 2º venres de cada mes.
Preparade bolis e cadernos que alá imos!!!

UN CADRO ENTRE TODOS PARA DAR REMATE AOS OBRADOIROS DOS RECREOS

O curso está chegando ao seu fin e con el o noso proxecto de arte, polo que desde a biblio de Maragarida quixemos facer a nosa aportación artística para despedir os obradoiros de manualidades dos recreo da biblio. Nesta ocasión fixemos un gran cadro entre todos os participantes destes obradoiros. Pasámolo xenial, compartindo ideas, deixando voar a nosa imaxinación e creatividade nuns obradoiros moi divertidos. Noraboa chicos por compartir tantos recreos conmigo (Profe Rosa) e facer cousas tan fermosas!!! Espero seguir compartindo tan bos ratos no novo curso con todos vós! Bo verán!!!

DÍAS DE PAZ E AMOR NOS OBRADOIROS DA BIBLIO

Un martes máis imos deixando voar a nosa imaxinación e a nosa creatividade nuns obradoiros moi divertidos. Nesta ocasión fixemos banderíns de paz e amor para decorar os teitos da biblio, reciclando follas de libros vellos e estropeados. Tamén fixemos caramelos para a paz, con orixinais nomes e cunha mensaxe interior moi linda. Mirade canto traballan estes grandes artistas!!!

OBRADOIROS DE NADAL NOS RECREOS DA BIBLIO

Nos recreos do mes de Nadal estamos a elaborar preciosas postais de Nadal para felicitar aos nosos familiares ou aos nosos mellores amigos. No obradoiro de manualidades decoramos a portada da postal e no obradoiro de escrita aprendemos a darlle forma ao texto da nosa felicitación.

Customize a free slideshow

ORIXINAIS PUNTOS DE LIBROS DURANTE O MES DE NOVEMBRO NO OBRADOIRO DE MANUALIDADES

Levamos varias semanas facendo terroríficos puntos de libro, co gallo do samaín, nos recreos da biblio. Ao principio estabamos un pouco tímidos á hora de crear pero pouco a pouco estamos perdendo o medo a deixar voar a imaxinación e mirade que cousas tan bonitas estamos a facer. Clicade na imaxe e esperade un ratiño a que cargue e xa poderedes ver algúns destes divertidos e sorprendentes puntos de libro.

Slideshow created with Smilebox

OBRADOIRO DE ARTE NA BIBLIO MUNICIPAL

Chéganos esto dende a Biblioteca de Redondela.

Atentos todos aos que lles guste o debuxo, a arte, ...

Olá a todos!
O vindeiro Xoves 11 de Novembro, ás 18:30 h., teremos un obradoiro de achegamento á arte da Vangarda, para rapaces e rapazas de entre 6 e 12 anos.
Para participar é preciso que vos inscribades na biblioteca. Podedes facelo presencialmente ou a través do teléfono ou do correo electrónico.
O día da actividade teredes que traer:
- Unha fotografía da vosa cara, en tamaño folio ou cuartilla; ou unha fotocopia en branco e negro.
- Lápices e cores que queirades empregar.
Máis información en:

http://bibliotecasredondela.blogspot.com/2010/10/un-dia-con-picasso-obradoiro-de.html
Agardamos que sexa do voso interese. Un saúdo e graciñas por dalo a coñecer.

Mª José Villar