MERCADILLO SOLIDARIO

O pasado curso, co tema da auga, traballamos moito cunha páxina de UNICEF, "GOTAS DE AGUA PARA NÍGER", páxina adicada a concienciar e movilizar a Centros Escolares co obxectivo de apoiar a supervivencia infantil neste país africano.

Despois de todo o traballado o curso pasado ao redor deste tema, seguro que todos temos moi clara a importancia da auga potable na supervivencia e calidade de vida de todos os seres vivos.

E chegou o momento de colaborar! Este venres, dentro do proxecto ARCE, algunhas aulas van organizar un "Mercadillo Solidario", con libros donados por nenos, nenas e mestres do Centro co fin de recaudar fondos para esta campaña.

O importante é colaborar, non si?, pois escoitade a canción e vede se podemos seguir colaborando...

AUGA E... PIRATAS!

Dentro do tema AUGA que vai fluindo ao longo deste curso os nen@s de 3º B leron na aula un conto no que a auga xunto con Marta foron os principais protagonistas.

Lede o resumo que fixo Lucia, pódevos atrapar esta historia do libro:
A escola dos piratas.

Autor: Agustín Fernández Paz.

Colección Tucán. Edit. Edebé.

Premio edebé de literatura Infantil.

Marta sempre desexaba que se inundara todo cando chovía. Ana, a súa profe desexaba o mesmo para disfrutar dalgunha aventura extraordinaria. pero Marta e Ana gardaban o segredo. Como Ana e Marta desexaban con tanta forza, un día o cole esvarou montaña abaixo.

Cando chegou ao río atopáronse con camións e helicópteros para rescatalos pero a directora non o permitiu porque non traían permisoso.

Ao final unha psicóloga axudou no rescate. Díxolles que pensaran fortemente que o edificio volvía ao seu lugar.

Fixéronlle caso e o cole voveu de novo onde sempre estivera.

Alí estaban os pais esperando por eles.

I MOSTRA MUSICAL DOS CEIP DE REDONDELA

Con motivo dos MAIOS, cinco dos Ceip de Redondela decidiron compartir as súas experiencias musicais. Por un lado, era unha forma de coñecerse os nenos e nenas de sexto, que o próximo curso compartirán Centro; Por outro, unha maneira distinta de traballar ao redor dos temas que se traballan nos Coles, no noso en concreto "A AUGA"; E finalmente, un xeito de dar relevancia a unha data tan significativa en Redondela.

"Primeiro exploramos sonoramente (coa Auga) nela e con ela, con obxectos que evocaban algunhas das súas formas, etc.
Logo e cos ollos pechados escoitamos cada un daqueles sons e anotamos situacións ou posibles personaxes que nos viñan á cabeza. Así, pondo as nosas ideas en común, naceu a historia da RA. O teatro con luz negra foi a maneira elixida para representar plásticamente a historia. As profes de plástica traballaron con nós nos elementos. E a banda sonora foi a montaxe de aqueles sons que nos inspiraran a historia, máis os novos sons que xurdiron dela. Exceptuando o son da balea, dos delfíns, e das gaivotas que son tomas reais, todo o demáis está feito acústicamente por nós."

UNHA SAÍDA INTERESANTE E... DIVERTIDA!

"A semana pasada fomos de excursión ao Museo do Mar. Ao día seguinte á saída fixemos unha redacción sobre o acontecido e este é o meu relato.

O día vinte e nove de Marzo fomos de saída ao museo do mar.

A viaxe foi longa. Unha rapaza chamada Carolina recibiunos na porta do museo. Primeiro vimos unha maqueta dun antigo barco de guerra e, despois, observamos a ría de Vigo. Carolina ensinounos un pequeno submarino, unha vella batea e usamos os sentidos para xogar a uns xogos interactivos. Logo Carolina mostrounos dúas salas: unha sobre a pesca e outra sobre o mar.

Tempo despois fomos a un acuario onde había: mantas, un polbo, anémonas, etc... Ao terminar fomos merendar ao parque de Samil e xogamos un pouco.

LIDIA V.

E APRENDESTES MOITO???

EXPERIMENTANDO COA AUGA

Co experimento que fixemos, os de segundo comprobamos que algúns materiais e sustancias, como unha cortiza, o aceite ou un lapis de madeira aboian na auga, en cambio o azucre ou o vinagre disólvense nela.

O experimento estivo moi divertido porque puidemos comprobar por nós mesmos todas estas cousas e apuntámolo todo nunha táboa, aínda que acabamos con cheiro a vinagre e as mans sucias de graxa...

OS NENOS E NENAS DE 2º CURSO

PEIXIÑOS DE PAPEL

Os nenos e nenas de 1ºB, a través do traballo cooperativo, experimentamos coa auga. Fixemos uns peixes de papel, e con ceras, tesoiras e unhas pinguiñas de aceite, conseguimos...

Que nadaran como o Peixe Vela!!

O máis rápido do mundo!!!!!!

UN DÍA POLA PAZ

Como dixo a profe Ángeles: "Por que un día se cumplan todos esos maravillosos desexos"

UNHA VIDA NO MAR

O xoves, día 20 de xaneiro, veunos visitar o pai de dous alumnos do centro; chámase José Manuel e leva unha vida de traballo no mar. Quixemos entrevistalo e escoitalo porque, como sabedes, este curso traballamos o proxecto AUGA.O mar é un medio de vida para moita xente; del obtemos alimentos dos máis aprezados: peixe, marisco, ... ; é un traballo duro porque require moito esforzo. Deixamos aquí unha pequena mostra da súa charla e algunhas fotos. Dende este espazo queremos darlle as grazas pola súa visita e desexámoslle que teña sempre boa navegación.

O CICLO DA AUGA

Bueno, e que tal o comezo do ano?

Agora toca seguir a traballar... xa sabedes. E para voltar a poñernos a tono recordamos o moito que xa sabemos da AUGA.

VOLTA AO COLE

Aquí estamos ... de volta ao cole no recén estreado 2011.

Xa que este curso nos dedicam0s á AUGA, desexámosvos a todos e todas unha boa singradura e que cheguemos a bo porto!

Empecemos botando unhas risas con esta curta con protagonistas mariños.

Que vos guste!!

http://vimeo.com/4352688

PIMPÉ NO RAINBOW WARRIOR

¡¡¡Ola!!! Téñovos que pedir perdón. Non pensaba que iades estar tan preocupados por min.
A cousa é que cando vos dixen que estaba nun veleiro no Mediterráneo non vos dixen toda a verdade.

Non estiven nun veleiro calquera. Estiven no Rainbow Warrior, un dos barcos de Greenpeace, a organización ecoloxista. Acompañeinos nas accións de protesta pola pesca desmesurada do Atún Vermello no Mediterráneo.

¿Sabedes que actualmente só queda un 15% da población orixinal desta especie? Ademáis de que se sobrepesca, tamén se capturan exemplares moi novos, o que impide que se reproduzan.
Gustoume moito colaborar con eles, pero non tiña maneira de comunicar con vós.
Logo fíxenme amigo dun grupo de aventureiros que tamén andan polo mar e me invitaron a seguir recorrendo mundo, entón decidín retrasar a miña volta.

¿Sabedes por onde pasei?

Por un porto galego que cando o vin non puiden deixar de cantar. Había nenas lavando no río e unha delas pareceume moi guapa. Pero non vou coller moza tan lonxe de Reboreda… Vouvos ir mandando cousas da miña viaxe para que non teñades que esperar ata que volva. Cada vez que pise terra mándovos novas polo blog ou polo correo. Dádelle unha aperta a Pancho e a bruxa e dicídelle que se non nos atopamos polo medio do mundo, xa nos veremos o ano que ven. Moitos bicos para vós.

CALENDARIO PARA O 2011

A Coordinadora de Equipos de Normalización e Dinamización Lingüística dos centros de ensino público do Concello de Redondela pon en marcha durante o curso escolar diferentes iniciativas a favor do noso idioma e do ensino público. Entre esas iniciativas destaca a elaboración dun calendario de mesa para o ano 2011. No noso colexio estamos traballando arredor do proxecto "A auga". Por iso, a nosa aportación a ese calendario trata da "Biodiversidade mariña"; a imaxe corresponde a un mural feito polo alumnado de 3º ciclo que ten por título "AS CORES DO MAR". O lema tamén foi elixido entre os redactados polo alumnado de 6º E.P.

Agardamos que vos guste!

"Cando me meto no mar empápome de auga e emoción, pero cando me meto na clase empápome de cousas novas e diversión."

Cada folla do calendario levará por detrás un texto relacionado co tema da imaxe, neste caso o tema será:

A BIODIVERSIDADE MARIÑA

A biodiversidade é importante porque o ser humano necesita a riqueza biolóxica dos ecosistemas xa que vivimos nun grande ecosistema (ecosfera) no que todos os elementos están intimamente relacionados e onde os graves danos nalgunha das súas partes derivan, indefectiblemente, en desequilibrios a escala planetaria. A humanidade necesita vivir nunha biosfera saudable e nun planeta equilibrado.
A biodiversidade mariña é unha das maiores riquezas galegas que, en gran medida, están aínda por descubrir. A gran variedade de fauna mariña, de aves e doutro tipo de especies que habitan estes ecosistemas fan de Galicia unha das zonas máis importantes a protexer para garantir a supervivencia da fauna e flora mariña que, en moitos casos, son especies en grave perigo de desaparecer.
As costas galegas contan con espazos naturais protexidos a distintos niveis; dende o Parque Nacional Marítimo- Terrestre das Illas Atlánticas ata a Enseada de San Simón, no noso concello, declarada Zona de Especial Protección dos Valores Naturais dentro da Rede Natura 2000. Hai numerosas marismas: con ánades, parrulos, xuncos, ...
Entre a fauna da enseada destacan choco, polbo, lura, sardiña,rapante, faneca, muxo, garaxa real,gaivota, cabaliño de mar, ameixa, berberecho, navalla, mexillón.
Entre a flora: carballo, castiñeiro, eucalipto, faia, aciñeira, piñeiro, toxo, silva, fento.
Cando baixa a marea pódense ver gran cantidade de algas pardas e verdes.

ONDE ESTARÁ PIMPÉ?

Non sabemos nada del dende que comezou o curso. A última vez que se comunicou con nós foi a través dun correo para contarnos que estaba nun veleiro no mar Mediterráneo, e que este curso só se movera polo mundo a través da auga en todas as súas formas.
Se alguén o viu e pode darnos algunha pista de por onde anda, agradeceriamolo, porque na aula de música estamos esperando por él. E non estamos sós, tamén esperan por el os seus amigos Pancho e a Bruxa.

Moitas grazas!

COÑECENDO MÁIS DE CERCA A AUGA

Nuestro mundo es agua. Beatrice Hollyer. Intermón Oxfam. - "Vivamos onde vivamos (tanto se o noso país é rico como se é pobre), a auga é fundamental para a nosa supervivencia neste planeta. Este libro segue as vidas cotiás de seis nen@s, de Perú, Mauritania, Bangladesh, Etiopía, Tayikistán e Estados Unidos e explora o que significa a auga para eles. De onde provén?, como a utilizan?,.... "-

Nadarín. Leo Lionni. Kalandraka. - "En un rincón perdido del mar vivía feliz un banco de pececillos. Eran todos rojos. Solo uno de ellos eran tan negro como la concha de un mejillón. Nadaba más rápido que sus hermanos y hermanas. Se llamaba Nadarín"-

O río e a lagoa. Biblioteca visual Altea. - "Os habitantes de auga doce que existen no mundo reúnen ao seu redor un número extraordinario de plantas e animais moi diversos. Que características especiais tiveron que desenvolver....?"-

GOTAS PARA NIGER

Este ano no Centro estamos a traballar o tema da "AUGA" e non podemos olvidar que somos uns privilexiados.

Nunha grande parte do noso planeta non teñen auga potable suficiente para sobrevivir. Dende algunhas ONG´s traballan para que este dereito humano básico, o acceso a auga potable, chegue ao maior número de seres humanos.

"Gotas para Níger", é unha campaña educativa de UNICEF que pretende dar a coñecer a importancia da auga e a súa relación coa supervivencia infantil e como dereito humano básico que debemos respetar e valorar. A través desta iniciativa coñecemos a situación dun dos países máis pobres do mundo no que só un 46% da poboación ten acceso a auga potable.

Un 70% do planeta é auga!

Como é entón posible esto???

Entrade na súa páxina web e aprendede xogando a importancia da auga neste mundo no que vivimos.

"ABUELA GRILLO"

"Educación sen Fronteiras", danos a coñecer este fermoso vídeo sobre o consumo responsable da auga. Adaptado dun mito "Ayoreo" e realizado entre Dinamarca e Bolivia e dirección francesa, é un auténtico traballo intercultural.

Prestade moita atención!

E logo, comentádenos o que vos parece!

Coñecemos o vídeo a través de: As Zocas Faladoras

EXPERIMENTANDO COA AUGA

A quen non lle gusta xogar coa auga?
Pero este preciado elemento ofrécenos moitas máis posibilidades...

Consultade esta páxina, e probade a realizar algúns destos experimentos. Se sodes uns auténticos científicos, seguro que descubrides os grandes segredos que agocha este incrible elemento.

E non olvidedes que na biblio tamén temos libros cos que podemos poñer en práctica a nosa vena máis científica.

MÁIS BLOGS NO CENTRO

Esto das novas tecnoloxías empeza a ser contaxioso. Que ben!.

Os nenos e nenas de 4ºA teñen o seu propio blog de aula, onde nos irán comentando todo o que van facendo durante o curso. No que levamos, moito xa sobre a auga.

O comezo foi espectacular!

O blog chulísimo!

A mascota xenial!

Xa nos contaredes sobre esta nova experiencia!

(Para visitar o seu blog facede clic enriba da imaxe)

PERO QUE COMEZO!!

Se sodes asiduos do blog dos peques (http://pequesreboreda.wordpress.com) seguro que sabedes o fulgurante comezo que levan co Proxecto da auga:

• Xogos en LIM (animádevos a xogar)

• Cancións: (Representación plástica realizada por alumnado e profesorado do Colexio Público de Educación Especial "Gloria Fuertes" de Andorra (Teruel), a partir da canción "Planeta Agua", composta por Gilherme Arantes e interpretada por Ana Belén)

• E como non, recordades á profe Susana (dos Sínefos)?, pois no seu novo cole(CRA de Teo) tamén van traballar ao redor da auga e xa levan feitas varias cousiñas:

XOGA CON AUGA (de xeito responsable)

Coñecedes os xogos de "Educared"?

Pois algúns están moi chulos!

E máis se nos ensinan cousiñas, en este caso sobre a auga, o seu consumo razoable, a contaminación, ..

XOGAMOS?

(fai clic na imaxe para entrar na web)