DÍA MUNDIAL DA AUGA 5

22 de MARZO

DÍA MUNDIAL DA AUGA 4

22 de MARZO

DÍA MUNDIAL DA AUGA 3

22 de MARZO

DÍA MUNDIAL DA AUGA 2

22 de MARZO

DÍA MUNDIAL DA AUGA 1

O Día Internacional da auga lévase a cabo anualmente o 22 de Marzo como un medio para chamar a atención sobre a importancia da auga doce e de abogar por unha Xestión Sostible dos recursos da mesma.

O obxectivo do Día Mundial da Auga para este ano 2011-Agua para as cidades:Respondendo ao desafío urbano- é centrar a atención internacional sobre o impacto do rápido crecemento da poboación urbana, a industrialización e a incertidumbre causada polo cambio climático, os conflictos e os desastres naturais sobre os sistemas urbanos de abastecemento de auga.

Nós dende o noso pequeno recuncho, aquí en Reboreda, seguro que tamén podemos facer algo para mellorar a calidade da auga, facer un consumo responsable, axudar ao seu aforro, ...

Que facedes vós?

Contádenos!!

Durante esta semana vamos ir poñendo cada día un fragmento de 10 minutos duns documentais da BBC ao redor destos temas.

DISFRUTÁDEOS... con todos os sentidos!!

VÍDEO ENTROIDO 2011

Seguro que estabades desexando ver en vivo e en directo o desfile do entroido. Aquí tedes un anaquiño.

Desfrutádeo!

ENTROIDO 2011

Durante este curso 2010-2011 estamos a levar a cabo no Centro un Proxecto ao redor da AUGA. Foron xa moitas as actividades, saídas,... que se fixeron con tal motivo. Realmente está a darnos moito xogo.

E como non podía ser doutro xeito, agora no ENTROIDO tocaba ver como podiamos aproveitar esta temática, levala a aula, e poñela en práctica nos nosos disfraces.

PROBA SUPERADA!!

Dende os distintos estados da auga (sólido, líquido, gasoso), o planeta Terra (os polos), os animais que alí viven (Pinguíns), e os seus habitantes (esquimós) - Educación Infantil (OS PINGUÍNS E O XEO).

Pasando pola Auga como fonte de Vida, necesaria para todos os seres vivos, animais e plantas, a cercana chegada da primavera e o rexurdir dos xardíns, campos,... coas chuvias e as regas - Primeiro Ciclo (FLORES NO XARDÍN).

Retomando tamén antigas crenzas (Mitoloxía), de grandísimas civilizacións, onde otorgaban ás forzas da natureza enormes poderes e os transformaban en Deuses (Neptuno, Poseidón,... ), e que forza da Natureza máis enorme que a auga?? - Segundo Ciclo (NEPTUNO E AS NINFAS).

E non podiamos olvidarnos do noso entorno máis cercano: O noso río, O RÍO ALVEDOSA; A enseada de San Simón; A ría de Vigo; ... . Coa súa fauna, e a súa flora, os seus traballadores, ... - Terceiro Ciclo (MUNDO MARIÑO)

E como todos os anos a ANPA tamén participou desta festa. Adiviñaredes de que iban???

PIMPÉ NO RAINBOW WARRIOR

¡¡¡Ola!!! Téñovos que pedir perdón. Non pensaba que iades estar tan preocupados por min.
A cousa é que cando vos dixen que estaba nun veleiro no Mediterráneo non vos dixen toda a verdade.

Non estiven nun veleiro calquera. Estiven no Rainbow Warrior, un dos barcos de Greenpeace, a organización ecoloxista. Acompañeinos nas accións de protesta pola pesca desmesurada do Atún Vermello no Mediterráneo.

¿Sabedes que actualmente só queda un 15% da población orixinal desta especie? Ademáis de que se sobrepesca, tamén se capturan exemplares moi novos, o que impide que se reproduzan.
Gustoume moito colaborar con eles, pero non tiña maneira de comunicar con vós.
Logo fíxenme amigo dun grupo de aventureiros que tamén andan polo mar e me invitaron a seguir recorrendo mundo, entón decidín retrasar a miña volta.

¿Sabedes por onde pasei?

Por un porto galego que cando o vin non puiden deixar de cantar. Había nenas lavando no río e unha delas pareceume moi guapa. Pero non vou coller moza tan lonxe de Reboreda… Vouvos ir mandando cousas da miña viaxe para que non teñades que esperar ata que volva. Cada vez que pise terra mándovos novas polo blog ou polo correo. Dádelle unha aperta a Pancho e a bruxa e dicídelle que se non nos atopamos polo medio do mundo, xa nos veremos o ano que ven. Moitos bicos para vós.

GOTAS PARA NIGER

Este ano no Centro estamos a traballar o tema da "AUGA" e non podemos olvidar que somos uns privilexiados.

Nunha grande parte do noso planeta non teñen auga potable suficiente para sobrevivir. Dende algunhas ONG´s traballan para que este dereito humano básico, o acceso a auga potable, chegue ao maior número de seres humanos.

"Gotas para Níger", é unha campaña educativa de UNICEF que pretende dar a coñecer a importancia da auga e a súa relación coa supervivencia infantil e como dereito humano básico que debemos respetar e valorar. A través desta iniciativa coñecemos a situación dun dos países máis pobres do mundo no que só un 46% da poboación ten acceso a auga potable.

Un 70% do planeta é auga!

Como é entón posible esto???

Entrade na súa páxina web e aprendede xogando a importancia da auga neste mundo no que vivimos.

UNHA VISITA MOI ACUOSA

"O día 15 de outubro fixemos unha saída do colexio. Un home moi preocupado polo medio ambiente, o señor José García, membro da comunidade de augas, foinos guiando monte arriba. Mentras non chegabamos á primeira poza iamos vendo a paisaxe e escoitando música. Cando chegamos o señor José abriu a porta da poza e a miramos de un en un. Contounos que os eucaliptos se metían polos caños e os rompían. Díxonos tamén que non podíamos tirar obxectos como rodas, mobles, neveiras,… polo moito que poden contaminar as augas subterráneas. Vimos dúas pozas máis e explicarounos como chegaba a auga ás casas de Reboreda.
Logo da visita estivemos debatindo onde íamos merendar e o señor José indicounos que por encima das pozas había un cercado con auga moi fresquiña. Alí merendamos para logo voltar ao cole."

RUBÉN (6ºA)

No seguinte vídeo podedes comprobar as palabras de Rubén. Realmente unha visita moi interesante!

MÁIS BLOGS NO CENTRO

Esto das novas tecnoloxías empeza a ser contaxioso. Que ben!.

Os nenos e nenas de 4ºA teñen o seu propio blog de aula, onde nos irán comentando todo o que van facendo durante o curso. No que levamos, moito xa sobre a auga.

O comezo foi espectacular!

O blog chulísimo!

A mascota xenial!

Xa nos contaredes sobre esta nova experiencia!

(Para visitar o seu blog facede clic enriba da imaxe)

PERO QUE COMEZO!!

Se sodes asiduos do blog dos peques (http://pequesreboreda.wordpress.com) seguro que sabedes o fulgurante comezo que levan co Proxecto da auga:

• Xogos en LIM (animádevos a xogar)

• Cancións: (Representación plástica realizada por alumnado e profesorado do Colexio Público de Educación Especial "Gloria Fuertes" de Andorra (Teruel), a partir da canción "Planeta Agua", composta por Gilherme Arantes e interpretada por Ana Belén)

• E como non, recordades á profe Susana (dos Sínefos)?, pois no seu novo cole(CRA de Teo) tamén van traballar ao redor da auga e xa levan feitas varias cousiñas:

LIBROS AUGA

Cada semana irémosvos presentando libros que temos na biblio ao redor da Auga, para que vos vaiades poñendo as pilas. Algún incluso vos pode interesar para incluilo na vosa Biblio particular, si, esa que tedes na casa.

Polo de agora a Biblio, a do cole, a de Margarida, está pechada, hai moito que facer, organizar, ... pero na 2ª, 3ª semana de outubro abriremos, e poderedes levalos en préstamo.

"Agua. Colec Mira, mira. Pearson Educación": De onde ven a Auga?, Por que a Auga do mar é salgada?, Como se fai o xeo?,... Cheo de solapas, desplegables,... para descubrilo todo sobre a Auga.

"El agua. Colec Biblioteca Interactiva Mundo Maravilloso. SM Saber": Libro interactivo, con pegatinas, desplegables,... e onde poderedes coñecer os perigos que ameazan á Auga.

Hai moitos libros moi interesantes sobre a auga. Se coñecedes algún comunicádenolo. Veremos a posibilidade de compralo, para que os poidades levar en préstamo.

PROXECTO: "AUGA-FONTE DE VIDA"

A Auga é o elemento máis preciado que hai no Planeta Terra

Todos os seres vivos da Terra necesitan Auga para sobrevivir

Somos un 75% de Auga

3/4 partes dos organismos vivos somos Auga

O mesmo Planeta Terra está cuberto tamén nun 70% de Auga

Durante este curso 2010-2011 vamos traballar no Centro de forma interdisciplinaria o tema da "AUGA". E para que todos teñamos materiais cos que traballar e poder consultar construimos unha páxina propia para o Proxecto: (buscade na barra lateral do blog)

Aproveitaremos tamén o feito de que Galicia é terra de ríos, de Auga, ... para introducir todas esas tradicións que temos en Galicia ao redor da Auga: muiños, lavadeiros, fontes, regas, ...

Contamos con todos vós para que nos contedes!!

Aquí vos queda un vídeo que seguro vos resulta moi, pero que moi interesante: