CONTACONTOS DE CUARTO AOS NENOS DE INFANTIL

 Os alumn@s de cuarto contaron un conto as estrelas.

Unha forma estupenda de comezar a mañá.

SEMANA DA MULLER NO CEIP REBOREDA 4

 Presentamos o último vídeo compilador do 8 M.

Ademais de ir polas aulas, os alumn@s de quinto deseñaron un mural onde recoller as ideas transmitidas. Un mural colaborativo onde cada aula deixou a súa pegada:
Infantil e primeiro as escamas da Coca marcando o camiño que tiñan que recorrer as mulleres represaliadas na Guerra Civil.
Segundo coloreou as letras do título.
Terceiro debuxou as lavandeiras de San Simón e cuarto e sexto fixeron as biografías das mulleres redondelás que resaltaron na súa època.
Un final fantástico para un traballo excelente do alumnado de quinto.
Noraboa rapaces!!!

SEMANA DA MULLER NO CEIP REBOREDA 3

 Esta semana foi moi intensa. Traballamos moitísimo e moi duro pero pagou a pena.

Os alumn@s de quinto preparamos información sobre as mulleres de Redondela, organizámonos en parellas para ir ao resto das aulas, deseñamos unha actividade para cada nivel, preparamos un mural para engadir o feito Nas aulas... E isto non è nada.
Seguide atentos!!!

SEMANA DA MULLER NO CEIP REBOREDA 2

Despois do paseo de onte para coñecer as mulleres de Redondela, agora temos unha misión importantísima. Debemos compartir todo o aprendido co resto do cole. Menuda responsabilidade!!! Así que toca poner mans á obra.

SEMANA DA MULLER NO CEIP REBOREDA

Os alumno@s de quinto tivemos a sorte de facer un paseo acompañados por Sole para coñecer a mulleres relevantes da nosa Vila.

Foi unha saída fantástica que completamos coa visita ao concello.
A actividade forma parte do programa Enredadas pola Igualdade organizado polo Concello.
Encantounos e serviunos para comezar a semana fo 8M.

OS ALUMNOS/AS DE QUINTO SE ACHEGAN Á IDADE MEDIA

Despois de varias semanas traballando sobre a Idade Media hoxe en quinto recibimos unha misiva cunha misión moi importante. Comezamos a aventura. A ver onde nos leva!

 Hoxe celébrase o Día de Rosalía, onde se conmemora o nacemento da nosa escritora máis universal. Para celebrar este día tan sinalado tivemos a sorte de que nos acompañara o grupo de música tradicional Amalghama.

Unha das pezas elixidas foi "Castellanos de Castilla", cantada xunto a todo o alumnado e profesorado do centro.
Moitas grazas Amalghama por colaborar con nós!

INSPIRING GIRLS

 Hoxe recibimos a visita de Laura, auditora xefe do grupo Aenor. Os grupos de sexto participamos nun programa chamado Inspiring Girls, co cal se pretende dar visibilidade a mulleres que se moven no mundo STEAM e así inspirar a máis nenas.

Moitas grazas Laura polo teu tempo!

ENTROIDO 2

 Do cole de Reboreda escaparon unha chea de Gregs.

E, despois de pasear, foron bailar na aula.
Viva o entroido!!! #quintoreboreda, #entroido24

ENTROIDO REBOREDA

 Comezamos a preparar o noso disfrace a partir dun conto: Moncho e a mancha. E é que o noso disfrace deste #entroido estaba moi manchado! Traballamos moito pero hoxe estabamos tan guapos e guapas de pintores que pagou a pena todo o noso traballo!

PATIOS DINÁMICOS

 O noso cole está cambiando. Despois das ideas aportadas polos rapaces no primeiro trimestre agora toca poñelas en marcha.

Neste segundo trimestre, os patios están cheos de opcións: baile, arte, xadrez, xogos de mesa, xogos no patio, rocódromo...
Un patio cheo de posibilidades e isto so è o principio.
Seguide atentos!!! #pdi..Reboreda, #patiosdinamicos

XORNADA DE PORTAS ABERTAS

 Un ano máis abrimos o noso centro para amosarvos o noso cole.

Non faltedes!!!

O ARCO NARRATIVO

 En quinto seguimos escribindo historias de medo.

Estes días estamos traballando o arco narrativo.

XOGOS COOPERATIVOS PARA CELEBRAR O DÍA DA PAZ

 Como xa case é tradición no cole este día, organizamos xogos cooperativos no patio ☀️ repartímonos en grupos de idades mixtas e compartimos un moi bo rato rotando por dez xogos nos que nos temos que axudar para acadar un obxectivo común. Pasámolo moi moi ben!

DÍA DA PAZ: MURO DE FAVORES

 Axudar a gardar a merenda, axudar a construír unha pista, facer un debuxo xuntas, axudar a colgar o mandilón, dar unha aperta… estes son algúns dos moitos favores da nosa cadea! En orde, pedimos un favor a un/unha compañeir@ e fixemos outro ao seguinte. Despois escribímolo ou debuxámolo nun ladrillo para, finalmente, pegalo no muro.

Tamén lemos un conto dun muro relacionado coa superación dos medos, a curiosidade e as fronteiras: Ratoncita y el muro rojo.

TIPS PARA ESCRIBIR HISTORIAS

En quinto todas as semanas temos un taller de escrita creativa onde traballamos diferentes tècnicas.

Este trimestre estámolo adicando aos contos de pantasmas.
Estamos usando moito material do escritor Enrique Paez para as nosas propostas e a idea è ter, ao final do trimestre, un bo relato de medo.
Unha das propostas do taller foi preparar inicios de historias. Na aula lemos o inicio de diferentes novelas, as analizamos e usamos estes tips para crear cinco comezos de historias.
O resultado non estivo nada mal.
Seguide atentos que próximamente vos contaremos máis.

CIBERACOSO E CIBERSEGURIDADE

Hoxe os quintos e sextos tivemos as charlas do Plan Director da man de Pelayo.

En quinto falamos longo, tendido e sen pelos na lingua sobre o acoso e o ciberacoso e, nos sextos, sobre ciberseguridade.
Unha actividade moi, moi necesaria.

RETROPROXECTAMOS UN CONTO

En quinto, no terceiro laboratorio imos crear un proxector así que hoxe rescatamos o retroproxector do centro e observamos as súas partes, analizamos o seu funcionamento e, por suposto, fixemos probas.

Agora si, xa estamos preparados para facer o noso.

Así arrincaron os sextos este segundo trimestre, unindo o universo do cómic coa diversidade corporal. Hoxe tivemos a primeira sesión, mañá e o mércores seguiremos avanzando neste tema, xa vos iremos contando!