viernes, 21 de diciembre de 2018

BO NADAL

O equipo da biblioteca deséxavos unhas felices festas a todos.


martes, 18 de diciembre de 2018

viernes, 14 de diciembre de 2018

CLUBE DE CIENCIAS

Xa arranca o Clube de ciencias do noso cole.
Imos crear unha sección no blog da biblioteca para que vexades todas as actividades que se desenvolven semana a semana.
De momento, aquí tedes a lista de participantes deste curso:

De terceiro:
Sara Martínez Lorenzo
Antía Torres Alonso
Eva Vilas Espinosa
Abel Caride Míguez
Hugo Fermoselle Míguez
Mauro García Vidal
Alán Rey Iriarte

De cuarto
Lucía Cabaleiro Cabaleiro
Beatriz Cordeiro Soto
Mª del Mar Darriba Berride
Carme Collazo Couñago
Lía Carballo Abal
Paula Correo Pérez
Iris Iglesias Vázquez

De quinto:
Marisa Muíños Martínez
Lucía Pérez Bouzas
Paula González Fernández
Sandra Gómez Freire
Alba Fernández Couñago
Helena González Rodríguez

miércoles, 5 de diciembre de 2018

AS MULLERES TAMÉN FACEMOS CIENCIA

A semana pasada algúns profes fomos a Santiago a unha xornada STEM. Tivemos a sorte de asistir a unha ponencia moi interesante sobre o papel da muller no eido científico e onde nos ensinaron porque os Clubes de ciencia deben incentivar a presenza feminina. A igualdade defendese dende o momento que existe, pero, para chegar a ela queda moito camiño por recorrer e a escola debe encargarse de ir facendo camiño. Aquí vos deixo un par de cousiñas dignas de ver:
A CIENCIA NA ESCOLA
O LUGAR QUE OCUPAMOS

jueves, 29 de noviembre de 2018

EXPOSICIÓN DE VERNE

Despois de traballar sobre Verne nas aulas, visitar a praia de Cesantes, coñecer ao Capitán Nemo e viaxar ao centro da Terra... Todos os alumn@s do centro debuxaron as máquinas de Verne usando información e un pouco de imaxinación.
Aquí tedes unha pequena mostra dalgunha delas

miércoles, 21 de noviembre de 2018

ESCAPE ROOM NA BIBLIO, SEGUIMOS DESCUBRINDO A VERNE

Este ano o noso samaín foi diferente. 
Comezamos o encerro vendo un vídeo que parecía inofensivo.

Non sabemos moi ben coma acabamos pechados na biblioteca e o único xeito de poder saír era ir superando probas e descifrando as pistas que nos levaban a onde estaba agochada a chave. Para iso cada equipo contaba cunha mochila onde tiña un kit básico para superar as probas no que había lapiz, bolígrafo, tesoura, pegamento, unha lanterna, un folio e a primeira pista gardada nun sobre. As probas estaban relaciondas coas cousas vistas na aula, neste caso, co proxecto de Verne e con contidos da área de matemáticas. Cos pelos de punta comezamos a buscar a saída pero, pouco a pouco, as luces da biblioteca fóronse apagando ata que quedamos a escuras e so podíamos ver con axuda das nosas lanternas. Inda así, con paciencia, confianza e, sobre todo, traballo en equipo, conseguimos saír da biblio e o equipo gañador levou 30 puntos no class dojo.

miércoles, 14 de noviembre de 2018

MÁXICO INICIO DE CURSO!!

O mércores, dia 7 de novembro, puidemos gozar no noso colexio dun espectáculo fantástico.

En colaboración con  Normalización Lingüística do Concello de Redondela , tivemos a oportunidade de ver o espectáculo "MAXIA vs CIENCIA", a cargo do mago Paco.
É unha mestura de maxia e ciencia que nos encantou.
Para mostra este vídeo.

CLUBE DE CIENCIA

Estes días levástedes unha folla con información para anotarvos no Clube de Ciencia.
No CEIP de Laredo, Chapela, levan un ano desenvolvendo esta actividade e os alumnos do clube fixeron unha chea de experimentos, aquí vos deixo a memoria visual do clube de ciencia de Laredo do curso pasado para que vexades de que se trata. Clicade na imaxe e desfrutando navegando pola páxina.
https://twitter.com/search?f=tweets&vertical=default&q=%23clubciencialaredo&src=typd

miércoles, 7 de noviembre de 2018

"UNHA PONTE DE LIBROS INFANTÍS", EXPOSICIÓN NO MULTIUSOS DA XUNQUEIRA

Fonte biblioteca de Redondela


A entrada do Multiúsos da Xunqueira de Redondela acolle, desde o pasado venres 26, unha exposición dedicada á escritora e xornalista Jella Lepman (1891-1970) que creou en 1949 a Biblioteca Internacional da Mocidade en Munich, un dos proxectos cos que contribuíu ao entendemento internacional a través da literatura infantil .
A exposición articúlase contorna a unha selección bibliográfica de autores infantís e xuvenís que recibiron dende 1956 ata a actualdiade o Premio Hans Christian Andersen considerado o máis alto galardón outorgado na literatura infantil e xuvenil e coñecido coma o Pequeno Premio Nobel.


A xoia da mostra son os "Cuenos de las Buenas Noches", Jella Lepman (1951), nunha 1ª edición da editorial Juventud no ano 1967, unha rareza de moi difícil localización. Este libro contén unha selección de historias para durmir elaborada a partir da colaboración de cidadáns anónimos que enviaron miles de historias das que se fixo unha selección publicada orixinalmente en tres volumes.

"Unha ponte de libros infantís". Jella Lepman, nome que designa á exposición, permanecerá aberta ao público ata finais de ano.


lunes, 5 de noviembre de 2018

SEGUIMOS CELEBRANDO O DÍA DA BIBLIOTECA

Xa vos contamos o outro día coma celebramos o Día da biblioteca este ano no cole de Reboreda. Pero a cousa non quedou aí. 
Ao día seguinte 4º, 5º e 6º visitamos a praia de Cesantes no Chocochu para facer unha lectura colectiva dos libros de Verne acompañados polos ollos do capitán Nemo. 1, 2º e 3º fixeron a mesma actividade o venres.
Pero, os alumnos de sexto aproveitamos a visita a praia para axudar ao capitán Nemo a resolver un misterio e traballar todos xuntos resolvendo un reto. Tratábase dunha pequena xincana onde afrontamos un par de probas que lle brindaron un bos puntos aos gañadores no Class Dojo.
Ademais visitamos a Nemo e fixemos a lectura colectiva.
Pasámolo moi ben pero, o mellor de todo, foi viaxar no Chocochu.
Mirade, mirade!!!




miércoles, 31 de octubre de 2018

QUEN É JULES VERNE?

Este ano sexto B foi o encargado de festexar o Día da Biblioteca.
Aproveitamos esta data para comezar o noso traballo ao redor de Verne. Investigamos na rede e, por equipos, preparamos unha presentación breve para explicarlle ao resto dos nosos compañeiros do cole quen era este escritor.
Con todo listo, cada equipo encargouse de pasar por 3 clases e alí facer unha presentación oral das súas pescudas e fixérono realmente ben!!!
Aquí tedes un resumo da presentación dos distintos equipos.



 BRAVO RAPACES! E aquí tedes os preparativos e a visita polas aulas.

 

martes, 30 de octubre de 2018

MÁIS ACTIVIDADES PARA CELEBRAR O DÍA DA BIBLIOTECA

Os alumnos de 5º e 6º de primaria participan na lectura colectiva de 20.000 leguas de viaxe submarino que se está levando a cabo en Radio Redondela. Pasámolo moi ben e os lectores fixérono xenial.


jueves, 25 de octubre de 2018

JULES VERNE

Estamos celebrando o Día das Bibliotecas e nesta ocasión adicamos a celebración a Jules Verne. Estamos facendo unha chea de actividades relacionadas das que xa vos iremos dando conta pero, de momento, vos deixamos material para que poidades xogar e investigar máis ao redor de Verne.
Unha webquest para os maiores

http://www.animalec.com/wq/julioverne/tarea1.htm


Sabedes quen é MIGUEL STROGOFF


HISTORIAS EXTRAORDINARIAS PARA NENOS

https://dgb.cultura.gob.mx/Documentos/PublicacionesDGB/BibliotecaInfantil/JulioVerne.pdf

 AUDIOLIBROS DE VERNE

miércoles, 24 de octubre de 2018

DIA DAS BIBLIOTECAS

Hoxe, 24 de outubro  o Equipo de Biblioteca do CEIP REBOREDA  convídanos a celebrar con todo o mundo mundial o Día das Bibliotecas,  Así que non vos esquezades de visitar as bibliotecas que vos rodean e aproveitar para ler a prensa, ver e escoller libros para ler na propia biblio ou levar en préstamo para casa, ver as vosas revistas favoritas, desfrutar cos cómics que máis vos gustan, levar películas para ver en familia, consultar información na rede.... E todo isto gratis!!!

FELIZ DÍA DA BIBLIOTECA



martes, 16 de octubre de 2018

MUXINDO UNHA VACA E FACENDO TETILLA

O mércores 10 de outubro, emprendemos camiño rumbo a casa da Sra. Lenucha.

Alí poidemos ver como muxía a súa vaca Tora, e despois con ese leite facía unhas ricas tetillas que tivemos ocasión de degustar.


Tamén moeu millo co que elabora un rico pan e polo Nadal pan de Prebes.

Moitas grazas a Sra Lenucha  e ao seu marido pola súa amabilidade!!






jueves, 11 de octubre de 2018

EN LINGUA DE SIGNOS

Desde o pasado mes de febreiro, as bibliotecas de Redondela están a desenvolver a campaña #eubibliotecasredondela50 que nos está a proporcionar grandes satisfaciones grazas ao agarimo que nos demostrades a través dela. O último exemplo, o de Raquel González, de XOGA
Servizo de Intérpretes e Guíaintérpretes de Lingua de Signos,  que nos anima a facer o carné das bibliotecas desde a LSE. 

Moitas grazas! Encántanos!
https://www.facebook.com/bibliotecas.deredondela/videos/313971289158433/

lunes, 8 de octubre de 2018

PRIMEIRA LECTURA SILENCIOSA DO CURSO

Xa vos contamos que a primeira lectura silenciosa foi na biblioteca de Redondela.
Aquí tedes un resumo en imaxes de coma o fixemos.

A actividade tamén foi recollida na prensa
FARO DE VIGO

viernes, 5 de octubre de 2018

A PRIMEIRA LECTURA SILENCIOSA NA BIBLIOTECA MUNICIPAL

Este ano, coma xa falamos, a biblioteca Municipal cumple 50 anos e dende o cole de Reboreda quixemos sumarmos a celebración facendo a primeira lectura silenciosa do curso diante da mesma, acompañados polos bibliotecarios e polas familias.
Ao rematar fixemos unha doación mutua de libros de biblioteca a biblioteca. Foi un día moi especial. Aquí vos deixamos algunhas fotos para ir abrindo boca, nuns días teredes máis.




lunes, 1 de octubre de 2018

E, POR FIN, CHEGOU O DÍA...


jueves, 27 de septiembre de 2018

A QUÍMICA DA VENDIMA

O mércores 26 os nenos/as de 2º fixemos o Tren das Uvas e marchamos a casa de Paula para ver como facían a vendima.

Foi unha visita xenial, comemos uvas, ensinaronnos cono funcionaba a espalilladora, a prensa, os animais, recollimos ovos e agasallaronnos cunha fantástica merenda.

Moitas Grazas!!







domingo, 23 de septiembre de 2018

FACENDO VIÑO

O dìa 20 de setembro os nenos/as de segundo tivemos a sorte de ser invitados a casa dos avós de Iván Feire a ver cono facían o viño.
 
Foi unha visita moi interesante onde vimos o proceso dende que o viño fermentou ata que acabou no barril, ademáis deixáronnos colaborar.

Agasalláronnos cun rico biscoito caseiro e un broche.

 MOITAS GRAZAS A FAMILIA DE IVÁN!!










viernes, 21 de septiembre de 2018

HORARIO DE INVERNO NA BIBLIOTECA DE REDONDELA

Sabemos que moitos de vos sodes usuarios da biblioteca municipal. Acaban de mudar o seu horario:


E, lembrade, dentro duns días tamén abrirá a biblio do cole. Estade atentos!!!

jueves, 20 de septiembre de 2018

DENDE BIBLIOTECAS DE REDONDELA: CONTACONTOS EN CHAPELA

No blog da biblioteca de Redondela vimos esta convocatoria. Compartímola por se é do voso interese:

Hai que desperezarse do tempo de vacacións e de lecer e voltar a rutina! Pero con calmiña, eh?... Ímonos dar o mes de setembro para coller folgos. 

Que precisamos axuda? Non pasa nada... Para transmitirnos a enerxía extra que precisamos, a biblioteca de Chapela ofreceranos un magnífico contacontos infantil a finais deste mes, que nos reconectará coa ilusión e a maxia da nosa tradición oral.
 

O xoves 27 de setembro, ás 18:30 h., teremos ao magnífico contador Pablísimo co seu espectáculo O Paroleiro.
"O paroleiro é moi amigo de parolar... gosta de laretear, enredar, falar e de contar. Conta sucedidos, historias e sobre todo moitos contos que leve na súa memoria, nas súas maletas, nos seus petos e nos seus zapatos".
O espectáculo está pensado para cativos/as entre 3 e 10 anos. A entrada é libre ata encher o aforo.
Non volo perdades!

viernes, 14 de septiembre de 2018

LECTURA RADIOFÓNICA "VINTE MIL LEGUAS BAIXO DOS MARES"

 Co gallo da conmemoración do 150 aniversario da “chegada” do Nautilus á Enseada de San Simón, as Bibliotecas de Redondela e a Radio Municipal organizan unha lectura radiofónica da obra de Jules Verne 'Vinte mil leguas baixo dos mares" á que convidan a participar a toda a cidadanía. As persoas interesadas deberán achegarse as instalacións da emisora para proceder a gravación dun fragmento da obra. Unha lectura pública a través das ondas que busca homenaxear unha das obras fundamentais da literatura de aventuras. 

jueves, 13 de septiembre de 2018

ANIVERSARIO DA BIBLIOTECA DE REDONDELA



Como xa seguramente coñecedes a estas alturas, as bibliotecas do noso municipio cumprimos o noso 50 aniversario neste 2018, xa que en setembro de 1968 abriu as súas portas a Biblioteca Pública Municipal Valle-Inclán na planta baixa do Concello. Para lembrar esta efeméride tan especial, e para poñer en valor o papel que a biblioteca debe ocupar na nosa sociedade, estamos a levar a cabo diferentes actividades durante todo o ano, e adicando unhas propostas especiais para este mes de setembro, dado que é o 21 do presente mes a data propia do aniversario da nosa institución.

Convidámosvos a participar en todas elas:

 
1º- NOME PARA A BIBLIOTECA DE CHAPELA:
A axencia de lectura de Chapela, que forma parte das nosas bibliotecas municipais, non ten un nome propio. Se ben a biblioteca de Redondela está adicada a Valle-Inclán, non sucede así coa sede de Chapela. É por iso que desde o pasado mes de xuño lanzamos a proposta para que a veciñanza e os usuarios propuxeran un nome propio para este centro bibliotecario.
 
O prazo remata o venres 28 de setembro para presentar propostas, e estas deben presentarse no rexistro municipal, por calquera persoa física ou xurídica.
 
REQUISITOS DAS CANDIDATURAS:
1. O nome proposto estará ligado ao eido da literatura: escritor/a, editor/a, impresor/a...
2. O nome proposto deberá gardar unha relación directa coa cultura e lingua galegas.
3. Darase prioridade ao nome dunha muller co propósito de recoñecer e visibilizar o papel das mulleres no eido da literatura galega.
4. O nome proposto non deberá ter outro recoñecemento en espazos públicos de Redondela (rúas, prazas, edificios públicos, monumentos...) no intre de presentar a candidatura.
Aquelas propostas que non argumenten a súa candidatura quedarán fóra do proceso.
 

miércoles, 12 de septiembre de 2018





COMEZA UN NOVO CURSO CHEO DE FÍSICA E QUÍMICA!!!

ESTADES PREPARADOS?