miércoles, 28 de marzo de 2012

CÓMIC TAMÉN PARA ADULTOS: "ARRUGAS"


Chéganos unha nova reseña dun dos cómics para adultos do "Baúl Viaxeiro". Pilar a mamá de Lucía (cocoricos), Adrián (Sinefos) e Ángel (5ºB) é a nosa amable escritora:
"-O libro "encantoume", non é sen razón que acadase o premio Nacional do Cómic en 2008. 
Conta a historia de Emilio, un director de banca xubilado, enfermo de Alzheimer, e de como a evolución da súa enfermidade o vai alonxando da realidade. 
Dícese que "unha imaxe vale máis ca 1000 palabras" e é completamente certo, porque nesta historia, en poucas páxinas, o autor consegue despertar no lector unha chea de sentimentos.
Recomendo a súa lectura. A min, emocionoume!
Agradezo a aqueles que fan posible esta iniciativa porque, de non ser así, non repararía neste tipo de literatura. 
Un saúdo!"
Non sei se sabedes que en xaneiro de 2012 estreouse a película deste cómic, que foi un éxito tanto de crítica como de público. Se queredes curiosear un pouquiño na súa páxina, clicade aquí.
E mentras deixámosvos tamén o trailer, para ir facendo boca...

lunes, 26 de marzo de 2012

SIGNOS POLA SEMANA SANTA

ABRIL (=Xesucristo)

PRIMAVERA

VACACIÓNS (SEMANA SANTA)

miércoles, 21 de marzo de 2012

AS NOSAS FAMILIAS TAMÉN LEN CÓMIC

Todo un éxito o "baúl viaxeiro" do cómic. Entre os nenos e nenas, e tamén entre algúns pais e nais. Aquí vos queda a reseña de Gloria, a mamá de Lucía e Juan, sobre a adaptación en cómic de Christophe Gaultier, do libro de Daniel Defoe, "Robinson Crusoe":
 -"Robinson Crusoe de Daniel Defoe, todo un clásico de la literatura, en cómic. Es ameno, entretenido y fácil de leer. Aconsejable tanto para padres como para niños a partir de 10-11 años.
Creo que es una buena manera de introducir a los niños en la literatura clásica, últimamente tan olvidada.
Lo recomiendo, sobre todo a la adolescencía.  Seguro que os gusta!"

domingo, 18 de marzo de 2012

XERANDO CÓMICS

Dende que chegaron os cómics do "Baúl viaxeiro" das Bibliotecas Municipais, o préstamo de Cómic, disparouse. Hai moita curiosidade por ver e coñecer algúns dos volumes que veñen no baúl, porque, aínda que temos un fondo editorial interesante neste apartado, como é lóxico, non o temos todo, e con tal motivo, en vista do interese que despertan algúns personaxes, teremos que plantearnos comprar algúns máis.
Pero, ademais de coñecer as distintas colecións, os personaxes, os elementos do cómic (viñetas, bocadillos, onomatopeias, liñas cinéticas,... ),... Tamén toca producir.
Na rede hai moitísimos xeradores de cómic online, nós estamos iniciandonos cun bastante chulo de "Genmagic", non se pode gardar o que vas facendo, pero se tes preparada a historia, os textos, ... , unha vez rematado podes imprimilo.
Pero, atentos!!!
Esta semana durante os recreos teredes a oportunidade de crear textos para tiras cómicas, viñetas, personaxes, ...
ANIMÁDESVOS???

miércoles, 14 de marzo de 2012

FACENDO FILLOAS

O xoves pasado os alumn@s de 1º, puxerónse os gorros de cociñeiros e nin cortos nin perezosos, comenzaron a facer filloas. A responsable de todo isto foi unha lectura de aula ( O libro de Pepa ) moi divertida. Cada un dos nen@s aportou algún dos ingredientes e a partires de aí, todo foi cociñar....... debuxar......... e comer........................... UHHHHMMMMM QUE DELICIA !!!!!!!!!!!!!!!!!!





martes, 13 de marzo de 2012

RECUNCHO MQS 5

Que, como vai a OLIMPIADA DE MARGARIDA??
Respondestes a moitas preguntas?, Acertastes todas?
Para consultar as bases, os equipos, a clasificación,... Ide ao recuncho do concurso na barra lateral da dereita.
MOITA SORTE!!

lunes, 12 de marzo de 2012

OS PEQUES DE REBOREDA TAMÉN PARTICIPAN NA OLIMPIADA DE MARGARIDA

Un ano máis os peques da escola tamén participan no famosa OLIMPIADA da escola: "Margarida quere saber..."
Nesta ocasión as preguntas de Margarida irán vencelladas co noso proxecto dos contos, é dicir, Margarida ao longo dalgunhas semanas irá plantexando varias dúbidas que entre tod@s deberemos resolver. E de que forma poderemos resolvelas?
Os exploradores xa son todos uns expertos e saben que podemos atopar as solucións nos libros da biblio de Margarida ou podemos recucrrir a outros medios, como por exemplo, empregando as novas tecoloxías, internet,... É moi gratificante ver como pouco a pouco eles van investigando e tratando de resolver pequenos enigmas.
Nesta primeira adiviña tivemos que buscar e descubrir os nomes dos autores/escritores de contos famosos. Foi un gran traballo de investigación polo que tivemos que preparar dous vídeos nos que podemos ver claramente a estes peques en acción. No primeiro amosamos o proceso que seguimos no proceso de investigación e no segundo un resumo de como todo o grupo clase axudaba para responder as cuestións de Margarida e así poder enviarlle un novo mail cos respostas.

domingo, 11 de marzo de 2012

MARZO DE BANDA DESEÑADA

No noso Centro, somos moitos os aficionados ao CÓMIC, tanto que, na nosa biblio temos un fondo editorial de cómic bastante interesante.
Pois chicos e chicas, chéganos dende as Bibliotecas Municipais de Redondela un "Baúl Viaxeiro" cheiño de cómics: para nenos e tamén para adultos. Pasou xa por outros tres Coles, e agora é o noso turno. Durante este mes de marzo, terémolo todiño para nós.
A partir do luns 12 poderedes collelos en préstamo durante o recreo.
E se na casa, papás, mamás, tíos, ... tedes algún familiar aficionado aos cómics avisádelle que poderán tamén collelos en préstamo. Lede con atención a notiña que levades do Centro.
Hai que aproveitar e disfrutar da súa lectura!

sábado, 10 de marzo de 2012

CAMPAÑA "CONTIGO"

Continuando coas charlas previstas dentro do Plan "CONTIGO" organizadas pola Policía Nacional e a Garda Civil, este venres 9 de marzo tocaba como tema "acoso escolar". Como a anterior, sobre riscos en internet, moi interesante.
Pero, a pregunta é, Quedouvos claro a vós? Sabemos xa que é eso do acoso escolar? Sabemos o que debemos facer se consideramos que estamos sendo víctimas do mesmo?

jueves, 8 de marzo de 2012

MULLERES QUE COMPARTEN

Dende o Ceip de Aguiño chégannos unhas actividades LIM chulísimas, sobre o DÍA DA MULLER, elaboradas por Nela Abella.
Moitas grazas por compartilas con nós!
ANIMÁDESVOS a facelas?
Seguro que vades aprender moito!!
Muller e ciencia
Clara Campoamor e o sufraxio feminino

martes, 6 de marzo de 2012

"DA REBORAINA" 2012

Un ano máis o Ceip Santo Paio de Abaixo convoca o Concurso Narrativo "Da Reboraina". Son xa 14 os anos que levamos organizando este concurso de narrativa co que pretendemos darlle un pulo aos pequenos escritores e escritoras da nosa zona.
Vai dirixido ao alumnado de 2º e 3º ciclos do noso Centro, e a todo aquel alumnado de Secundaria dos institutos do Concello de Redondela que queiran participar.
Que, animádesvos a participar?? Seredes quen de demostrar as grandes e marabillosas historias que levades dentro??
Poñede en funcionamento a vosa imaxinación e escribide os vosos relatos!

jueves, 1 de marzo de 2012

COMEZA A OLIMPIADA DE MARGARIDA

Chicos, chicas! Mañá sae a primeira pregunta da nosa Olimpiada, recordade que como é venres, é un PREGUNTÓN e hai que ir buscala á Biblio.
Xa andamos cerca dos 40 equipos e aínda non rematou o periodo de inscripción. Este ano vai haber moita competencia, así que poñédevos as pilas.
MOITA SORTE!!
e ÁNIMO!
AÍNDA VOS PODEDES APUNTAR!