viernes, 26 de marzo de 2021

LER CON D: A PRINCESA ROSA

 Rematamos os contos de marzo adicados á muller cunha historia moi rosa... ou, igual non tanto!


jueves, 25 de marzo de 2021

POÑÉMONOS A PROBA?

Que vos parece se despois de visitar a nosa exposición sobre o cambio climático, vemos todo o que aprendemos. 

Premede no enlace e xogade!!! 


 

CONQUISTADORAS!

Os alumn@s de sexto rematan o trimestre e este mes adicado á Muller visitando a exposición Conquistadoras sita na Alameda de Redondela. Por parellas cubriron un caderno de investigación que logo puxeron en común. Aprenderon un montón. 

Os referentes si importan. 


 A visita tamén se recolleu en Radio Redondela.



lunes, 22 de marzo de 2021

EXPOSICIÓN DOS TRABALLOS DAS AULAS SOBRE O CAMBIO CLIMÁTICO

Este trimestre cada aula fixo un pequeno proxecto de investigación e durante toda esta semana os traballos de todas as aulas estarán expostos polos corredores do centro. Temos colocado un horario para que todos os grupos poidan percorrer a exposición. Cada grupo disporá dunha tablet para poder ver as explicacións dos compañeiros, xa que, todos os traballos veñen acompañados de información, vídeos... inseridos nun código QR. Un xeito de compartir os traballos feitos nun momento onde as normas de convivencia nos obrigan a estar separados. Para as familias e os que non podedes asistir tedes un vídeo cos traballos publicado nos nosos blogs e en instagram.
 

viernes, 19 de marzo de 2021

PDI O CAMBIO CLIMÁTICO: VISITA AO COMPOSTEIRO MUNICIPAL

 O alumnado de sexto ven de participar no programa Revitaliza da Deputación de Pontevedra. 

Despois de facer na aula dúas sesións de aprendizaxe sobre a compostaxe, microorganismos e intrusos do composteiro, completan a actividade facendo unha visita ao composteiro municipal e a o centro de estructuración do concello.

Un xeito estupendo de seguir implicándonos no noso PDI.



jueves, 18 de marzo de 2021

LER CON D: UNA CAPERUCITA ROJA

Nova semana de contacontos e, neste mes, coas mulleres coma protagonistas.

viernes, 12 de marzo de 2021

LER CON D: A PRINCESA VESTIDA CUNHA BOLSA DE PAPEL

O noso conto semanal tamén esta adicado a Muller. De feito, este mes, todos os nosos contos terán como protagonistas a mulleres que cambian o seu papel tradicional na historia e que amosan como somos as mulleres fora dos estereotipos. Comezamos con Isabela, unha princesa moi diferente as princesas que coñecemos:

miércoles, 10 de marzo de 2021

DÍA DA MULLER: TRABALLOS DAS AULAS

 Un ano máis as nosas aula énchense de violeta para traballar a igualdade e para desenvolver unha sociedade máis igualitaria onde homes e mulleres teñan os mesmos dereitos.

Aquí tedes unha mostra dalgúns dos traballos feitos polas aulas.


martes, 9 de marzo de 2021

DÍA DA MULLER NO CEIP REBOREDA

 Ao longo desta semana iremos contándovos as diferentes actividades que están levando a cabo nas aulas para conmemorar o 8 de Marzo.

Todos os alumn@s do cole pintaron unhas ás e con elas fixemos unhas ás grandes que nos serviron de photocall para fotografar a todos os alumnos.

Unhas ás que queremos que nos sirvan para voar e para alcanzar os nosos soños.

Unhas ás amplas que nos permitan abranguer o mundo enteiro.

Unhas ás para non ter límites

Unhas ás para traspasar os teitos de cristal

Unhas ás que nos den impulsos.

Unhas ás de nos den un liberdade.

Unhas ás para chegar lonxe.

Unhas ás...

NON DEIXEMOS QUE NINGUÉN NOS CORTE AS ÁS!!! 


 

viernes, 5 de marzo de 2021

CONCURSO DA REBORAIANA

Un ano máis, dende Normalización Lingüística ponse en marcha o Concurso de Redacción Escrita da Reboraina. Xa estamos na Edición 22. Os alumn@s de terceiro o sexta fixeron os carteis e lemas para o concurso e destes escolleuse o cartel e lema gañador. Aquí tedes aos finalistas:  

E, por suposto, o cartel gañador coas bases do concurso:

Agora so falta comezar a escribir!!!

CAIXA DE CONTOS: LER CON D

Esta semana o noso conto, non é un conto. As nosas contadoras non so contan, tamén fixeron a historia e, ademais, a sesión de contacontos ven con sorpresa incluida.