RECOMENDACIÓNS LECTORAS

ÚLTIMAS FOTOS TERRORÍFICAS

Os compañeiros de 3º A visitaron a biblio e sacaron fotos no photocall de Samaín. Recoñecédelos!!! 

ALGUÉN ESTIVO NA BIBLIO...

E esqueceu algo importante....HO HO HO!!!

ACTIVIDADES DE DECEMBRO

Seguimos cos obradoiros de nadal!!! 

Xa son moitos que teñen a súa postal. Se todavía non a fixeches podes facela a próxima semana!!!

O venres día 12: cine de nadal 

Luns 15: concerto 

OBRADOIROS DE NADAL NOS RECREOS DA BIBLIO

Nos recreos do mes de Nadal estamos a elaborar preciosas postais de Nadal para felicitar aos nosos familiares ou aos nosos mellores amigos. No obradoiro de manualidades decoramos a portada da postal e no obradoiro de escrita aprendemos a darlle forma ao texto da nosa felicitación.

Customize a free slideshow

DÍA DOS XOGOS DE MESA NOS RECREOS DA BIBLIO

Os venres, son días especiais, nos recreos da biblio. Podemos asistir a una sesión de contacontos, a un concerto musical, a una proxección cinematográfica ou a un día tranquilo de xogos de mesa. Nesta ocasión podemos gozar con: tres en raia feitos con materiais de refugallo, ocas, memories ou xogos dos ceros. Pouco a pouco iremos ampliando os xogos para que todos poidamos pasar uns divertidos minutos nos ratiños de lecer da biblio.

Another free slideshow design by Smilebox

BIBLIOCONCERTO de Santa Icía

O venres 21 tivemos novo concerto na Biblio. Esta vez estivo dedicado a Santa Icía, patroa d@s músic@s, e as intérpretes foron as profes Cris, Loli, Aida, Lydia e Isa, coa participación vocal de todo o público presente. Pasámolo xenial!!!

BIBLIOCINE

Os venres Margarida ofrecenos concertos, curtamentraxes, contacontos...Estes son algunhas das curtas das que gozamos!!! Pasámolo en grande!!! LEMBRADE QUE PODEDES PARTICIPAR!!!

Tributo a Jackson Pollock



PRESTO



EL VENDEDOR DE HUMO

PRIMEIRA LECTURA SILENCIOSA DOS APOLOS

O venres aproveitando a celebración do DÍA INTERNACIONAL DAS BIBLIOTECAS, empezamos no centro, un ano máis, o plan de lectura silenciosa que consiste en ler durante 20 minutos o que nos apeteza, pero debemos facelo en silencio. Unha música da a sinal para comezar e tamén marca o remate. Os peques ao principio cústalles un pouco o de estar en silencio pero, pouco a pouco, acábano facendo moi ben. Este ano aproveitando a axuda das familias que nos pasaron palés e coxíns creamos un espazo moi especial na aula para ler e contar contos e onte tamén o inaguramos. Cando chegaron os Apolos estaban encantados e exploraron todos os recunchos. Despois usamos por primeira vez o espazo na lectura silenciosa, e así nos foi.

ORIXINAIS PUNTOS DE LIBROS DURANTE O MES DE NOVEMBRO NO OBRADOIRO DE MANUALIDADES

Levamos varias semanas facendo terroríficos puntos de libro, co gallo do samaín, nos recreos da biblio. Ao principio estabamos un pouco tímidos á hora de crear pero pouco a pouco estamos perdendo o medo a deixar voar a imaxinación e mirade que cousas tan bonitas estamos a facer. Clicade na imaxe e esperade un ratiño a que cargue e xa poderedes ver algúns destes divertidos e sorprendentes puntos de libro.

Slideshow created with Smilebox

"La Gioconda"

Como adicamos este curso á ARTE imos ir publicando no blog todas as semanas algunha cousiña relacionada co tema. Empezamos por un cadro que todo o mundo coñece "La Gioconda". Se queredes aprender datos curiosos sobre este famoso cadro só tedes que premer na foto. A que esperades?

O ABECEDARIO DA LECTURA

Sabes cantas formas hai de ler un libro? Polo visto como mínimo tantas como letras ten o abecedario, pero seguro que hai máis. Cal é a túa?

Fonte: www.quelibroleo.com

FOTOS TERRORÍFICAS

Un ano máis volvemos a facer talleres interciclos entre infantil e o primeiro ciclo de primaria. Este ano os Apolos e os Sapiens traballamos cos antigos Cocoricos que agora xa son uns chicos de primeiro. Aproveitamos para contar contos, pintar cabazar, debuxar contos de medo (nos vindeiros días xa volo amosaremos) e… facer fotos terroríficas. Na biblioteca temos un marco e diferentes elementos para facer fotos de Samaín. Nos aproveitamos para facer fotos e lembrar este día de traballo común entre maiores e pequenos. Aquí as tedes, quedaron moi simpáticas.

BIBLIOCONCERTOS

O día das bibliotecas escolares tivemos a sorte de escoitar a estes artistas da escola de música de Reboreda. Grazas a súa mestra Erika, por acompañarnos durante o concerto e polo seu labor con estes nenos/as!!! PARABÉNS!!!

LIBROS SOLIDARIOS

Unha vez mais, a comunidade educativa do ceip Santo Paio de Abaixo, aporta o seu grao de area nunha iniciativa de apoio as persoas que mais o necesitan. MOITAS GRAZAS!!

UN ALIMENTO, UN LIBRO!

OBRADOIROS DE MANUALIDADES NOS RECREOS DA BIBLIO

O pasado martes, no recreo da biblio levóuse a cabo un sinxelo obradoiro de manualidades, no que fixemos puntos de libros para as nosas lecturas. Nesta ocasión creamos divertidos mostros xa que pronto ía chegar o samaín. Ahí vos deixamos uns pequenos retazos deses momentos e non vos preocupedes se queredes ter un deses divertidos marcapáxinas porque para a semana voltaremos a facelos.

OS BOS LECTORES

Estas son as características dun bo lector, ti o es?

LIBROS SOLIDARIOS

As bibliotecas de Redondela impulsan unha campaña de recollida de alimentos e produtos de primeira necesidade que se destinarán a Cáritas Redondela

 Libros solidarios é o lema desta campaña de intercambio de libros por alimentos, na que participan as bibliotecas municipais, a biblioteca do Círculo Cultural Recreativo de Chapela e as bibliotecas dos CEIP de Quintela, Santo Paio de Abaixo, Alexandre Bóveda, Laredo, do CEP Santa Mariña e dos IES Chapela e Mendiño. Todos estos centros son os puntos de intercambio.

ESTE VENRES NON ESQUEZAS A TÚA APORTACIÓN A ESTA CAMPAÑA

QUE É A CDU?

A biblioteca está a piques de abrir as súas portas. Algunha vez te preguntaches como están ordeados os nosos libros? Margarida explícacho nesta presentación. Aínda que o mellor xeito de sabelo e entrando na biblioteca e comprobándoo ti mesm@.

BALONCESTO NO COLE

A semana pasada recibimos a visita no cole de varios monitores do Club de Baloncesto de Redondela. Fixeron xogos relacionados co baloncesto con todos os grupos co obxectivo de promocionar o deporte de de darsea coñecer por se alguén estaba interesado en apuntarse.

O grupo de 4ºB publicou unha reportaxe no seu blog sobre a súa experiencia. Se queredes velo só tedes que premer no debuxo.

XOGANDO A SER ARTISTAS DA PREHISTORIA

O venres día 10 de outubro xuntámonos os nen@s de 1º e 3º, convertimos o noso corredor nunha caverna e disfrutamos facendo arte rupestre.

ARTISTAS DA PREHISTORIA - Movie Maker

VISITA Á FERVENZA DE REBOREDA

Recentemente inauguraron o acceso á fervenza de Reboreda tras anos nos que estaba practicamente abandonada e con dificultades de acceso. Todas as titorías teñen a intención de visitala ao longo do curso. Os grupos de 4º visitáronna fai uns días porque teñen implicacións persoais co asunto. Cando estaban en infantil fixeron unha saída á fervenza e...

Se queredes saber máis desta historia, con videos incluidos, premede na imaxe.

Visita ao mercado de Redondela

O pasado 17 de setembro os grupos de 4º, 5º e 6º baixamos en dous turnos ao Mercado de Redondela. Alí esperábannos varias monitoras para facer en pequeno grupo visitas guiadas polos distintos postos. Unha vez rematada a visita subimos á primeira planta, onde nos puxeron un vídeo sobre o choco e a continuación fixemos unha visita guiada polos distintos paneis informativos sobre o choco. Unha vez concluida a actividade agasalláronnos cunha brocheta de froita para tomar antes de voltar ao colexio.

Nos blogs das aulas de 4º colgamos reportaxes e vídeos sobre esta saída, só tedes que premer no nome do blog para poder velos.

• O manantial 4ºA
• Os cativos da Reboraina 4º B

COMEZAMOS!!!

Xa estamos aquí de novo! A biblio está a piques de abrir as súas portas con moitas novidades. Dende aquí adiantamos que será un ano de artistas, escultores, pintores, músicos....o tema deste curso é " a arte".
Así que, xa sabedes, non deixedes de visitarnos se queredes ver as nosas creacións artísticas.
BO COMEZO DE CURSO A TODOS/AS!

FELICES VACACIÓNS!

Grazas a todas a persoas que colaboraron co noso blogue, aos vosos comentarios, aos que deron difusión aos nosos proxectos....volveremos en setembro con novidades!
Recordade...NON HAI BO VERÁN, SEN UN LIBRO NA MAN!

RECOMENDACIÓNS PARA O VERÁN

No blogue dos compañeiros de 3º b (OS CATIVOS DA REBORAINA) podedes seguir unhas boas recomendación para este verán:

 ACTIVILANDIA


 XOGOS EDUCATIVOS TIC PARA O VERÁN

EXPOSICIÓN COCA PARADE

Podedes ver as cocas no multiusos da Xunqueira. Tamén podedes aproveitar á visita ás cocas para facer unha visita á bilblioteca, aquí deixamos un enlace ao seu blogue. Preme na imaxe

COCA PARADE

Ollade que bonitas e divertidas as cocas do Ceip Santo Paio de Abaixo...este ano saíron disfrazadas. Esperamos que vos gusten!!!

BLANCO Y NEGRO EN LSE

Estes nenos e nenas traballaron moito para conseguir este vídeo en LSE. Aprender os signos con esta canción de Malú foi moi divertido!!!

DESPEDIDA DA LECTURA SILENCIOSA NUN LUGAR SINGULAR

Chegou o último día do curso da hora de ler, e como un ano máis collemos os libros e buscamos un pequeno recunchiño para ler sen molestar. O lugar máis escollido foi o patio de maiores. Ler baixo o ceo de Reboreda, respirando os seus olores e sentindo na nosa pel o calor do sol de primavera, fixo que esta última lectura do curso fose moi especial. A medida que ían pasando os minutos os peques ían escollendo a súa postura e pouco a pouco acabamos deste xeito.

Photo slideshow customized with Smilebox

PERSOEIROS REDONDELÁNS

Escritores, pintores, escultores, mestres....todos eles cunha peculiaridade común: todos e todas naceron en Redondela!!! Non vos perdades este traballo do alumnado de 3º de Educación Primaria.
Aprenderedes moito sobre persoeiros ilustres da nosa contorna. PREME NA IMAXE

REDONDELA, UNHA VILA DE VIADUCTOS...

Este curso coñecimos a riqueza da nosa contorna: músicos, parroquías, muíños, festas, tradicións....
Quixemos representar con palabras a beleza da nosa vila, no dúbidedes en comentar que é para vós Redondela!

VISITOUNOS ALICIA BORRÁS

O pasado mércores tivemos a sorte de charlar con Alicia Borrás, a escritora de Nata y chocolate. Lembrade que a segunda parte xa está aquí Nata y chocolate invencibles. 
Non deixedes de visitar a biblio, se cadra xa temos un exemplar...

PREMIOS DO CONCURSO DA REBORAINA 2014

AQUÍ VOS DEIXAMOS OS GAÑADOR@S DESTE ANO! NORABOA A TOD@S!

CATEGORÍA A
1º PREMIO “O TESOURO DA PONTE DE RANDE” MANUEL LORENZO PUGA 6ºA
1º ACCÉSIT “UNHA NOITE MÁXICA” DAFNE AMOEDO VARA 4ºA
2º ACCÉSIT “A ÁRBORE DE LIBROS” IGNACIO CASTRO COUÑAGO 4ºA
3º ACCÉSIT “O MAGO APRENDIZ” LUCÍA RODRÍGUEZ VILAS 5ºB
4º ACCÉSIT “O PLANETA PERDIDO” DIEGO MUÍÑOS MÍGUEZ 5ºB

CATEGORÍA B
1º PREMIO: DESERTO
2º PREMIO: “O CAMBIO DE LEIRE" CLAUDIA KAULBARCK AMOEDO 1ºESOA IES MENDIÑO
3º PREMIO: “OS FANTASMAS DA CONSCIENCIA”  MIGUEL RANCAÑO MIGUEZ 2ºESO IES MENDIÑO

MARGARIDA VISITA II

Margarida volveu da súa viaxe, está vez foi da man dos nenos e nenas do segundo ciclo. Estivo en Chapela, Trasmañó, Vilar de Infesta e Cabeiro. Non volo perdades!

DÍA DO LIBRO NO COLE DE REBOREDA 23-4-14

Este ano tivemos unha celebración moi especial polo día do libro. Comezamos a mañá cunha pequena homenaxe aos grandes escritores españois, do mundo e, como non, de Galicia e de Redondela. Foi un acto sinxelo pero moi especial. Na hora de ler, quixemos facer unha lectura diferente e nuns espazos diferentes, polo que sacamos os libros aos corredores e todos xuntos gozamos dunha sesión lectora moi particular.

Create a digital slideshow

COCIÑANDO CONTOS NO SALÓN DO LIBRO DE PONTEVEDRA

Os peques de Reboreda asistiron entusiasmados ao salón do libro de Pontevedra. Visitaron as instalación e xogaron coas palabras, inventaron historias de cociña e ata deixaron viaxar a imaxinación por diferentes cociñas, a través dos traballos realizados por moitos coles de Pontevedra. Pasámolo xenial e como remate asistimos ao contacontos de “A pota que trota”.
Agora vos deixamos imaxes deses bonitos momentos, estade atentos ás cariñas dos sapiens e dos cocoricos A porque estaban para comelos!!!

E así foi a sesión de contacontos...

APRENDE A BUSCAR NA REDE

Preme na imaxe e atoparás interesantes consellos  para buscar información en internet. 

Grazas ás compañeiras do ceip Milladoiro - Malpica e o IES Sánchez Cantón de Pontevedra

UNS VERSOS DE ROSALÍA

Aquí está o resultado final do noso traballa sobre a vida e obra de Rosalía de Castro. Esperamos que co traballo de cada grupo, todos aprendamos un pouco máis a cerca da vida da nosa poeta
unsversosrosalianos from biblioblogreboreda on Vimeo.

Excursión a Meirande e a IIIa de San Simón

O pasado xoves coñecimos de cerca a batalla de Rande: galeóns, artillería, mapas...para finalizar a experiencia visitamos a Illa de San Simón, onde aprendimos moito sobre a súa historia

PARECE UNHA ROSA

Ao longo destes días estivemos traballando a figura de Rosalía de Castro con motivo do aniversario do seu nacemento. Realizamos un mural colectivo no que representamos a súa vida e  a súa obra. O primeiro ciclo traballou algúns dos seus poemas. Ollade a estes nenos e nenas o ben que recitan!

PARECE UNHA ROSA

Ao longo destes días estivemos traballando a figura de Rosalía de Castro con motivo do aniversario do seu nacemento. Realizamos un mural colectivo no que representamos a súa vida e  a súa obra. O primeiro ciclo traballou algúns dos seus poemas. Ollade a estes nenos e nenas o ben que recitan!

O DÍA DE ROSALÍA DE CASTRO

Hoxe, 24 de febreiro de 2014, a Asociación de Escritores en Lingua Galega convidounos a toda a sociedade galega, e especialmente á comunidade escolar, a unha acción colectiva en torno á figura de Rosalía de Castro, co obxectivo de visibilizar os seus versos en espazos públicos e comunitarios. Ao igual que o curso pasado, neste día, o CEIP Santo Paio uniuse a esta iniciativa e, ademáis de pintar un verso e una imaxe de Rosalía no patio, fixemos un mural colectivo do que próximamente poderedes ver o resultado.

RECURSOS PARA O ENTROIDO

Dende o equipo de infantil queremos compartir con todos vos este symbaloo cheo de recursos para traballar o entroido. Podedes atopar xogos, actividades e moito máis.

BO ENTROIDO PARA TODOS!!

https://www.symbaloo.com/mix/recursosentroido?searched=true

ESCOLLEMOS O CARTEL E LEMA PARA A REBORAINA 2014

AQUÍ VOS AMOSAMOS O CARTEL E LEMA GAÑADORES PARA O CONCURSO DA REBORAINA DESTE ANO, ASÍ COMO OS FINALISTAS. COMO EN EDICIÓNS ANTERIORES, A SELECCIÓN FOI MOI DIFÍCIL. NORABOA A TOD@S E GRACIAS POLA VOSA PARTICIPACIÓN!

Create your own slideshow design

Adiós ríos, adiós fontes....
Non cabe dúbida que a Rosalía lle gustaría ter visto recitar a estes rapaces de un xeito tan especial.
Non volo perdades!

BALONCESTO EN SILLA DE RODAS

Este pasado luns 10 de febreiro visitounos o Club de Baloncesto en silla de rodas AMFIV de Vigo. Catro dos seus xogadores: Agustín, Filipe, Txema e Nick, traballaron con nós, en equipos, distintas formas de desplazarse polo campo e tirar a canasta e incluso tivemos a oportunidade de xogar algún partido. Foi moi divertido, aínda que tamén bastante difícil moverse nas sillas. Ao día seguinte todo eran maniotas!. 

Se queredes coñecer máis (plantilla, historia, clasificacións, curiosidades,...) sobre este club de Baloncesto visitade a súa páxina:

Club Baloncesto en Sillas de Rodas Amfiv

ASÍ CELEBRAMOS O DIA DA PAZ NO CEIP SANTO PAIO!!!!

TRABALLANDO A ROSALÍA
Durante este mes, traballaremos a figura de Rosalía de Castro. Neste espazo poderedes seguir as nosas actividades, así como atopar gran diversidade de recursos. Actualizáremola ao longo de todo o mes. Esperamos tamén as vosas aportacións!!!

A LENDA DE XAN CARALLAS

Sabedes quen era Xan Carallas? Os Cocoricos vanvos contar algunhas cousiñas del para que o coñezades mellor. Hai moitas versións sobre a historia e vida do fundador de Redondela pero a nos a que máis nos gustou foi esta.

Hai unha imaxe moi característica de Xan Carallas que se lle atribúe a Castelao, seguro que a tedes visto por algures:

Pois a partir desta imaxe, os Cocoricos fixeron a súas propias creacións. Mirade que chulos lles quedaron:

Customize your own scrapbook design

PAZ CON MOITA HISTORIA

En clase de Coñecemento do medio estivemos traballando a historia contemporánea, a primeira e a segunda guerra mundial,... e coñecimos de cerca a historia dunha nena xudía chamada Ana Frank. Aproveitando que se acercaba o día da PAZ decidimos escoller un dos textos do libro para que dous dos nosos compañeiros deran a coñecer parte da súa terrible historia.

Se queres coñecer máis da historia de Ana Frank fai click no vídeo:

Ademáis e aproveitando a temática da segunda guerra mundial vimos unha película chamada "La guerra de los botones", baseada no libro do mesmo título escrito por Louis Pergaud no 1912, e ambientada no ano 1942 nun pequeno pobo na Francia da invasión nazi. É a historia dun grupo de nenos, as súas vivencias, liortas, rivalidades, amores,... 

Foi moi divertida! Gustounos moito!

Irea, Marta, Leila e Marey de 5º B ofrecéronse para facer unha gravación da adaptación á LSE da canción da paz deste ano. Aquí tedes o resultado. Moi bo, a pesar de non termos ensaios previos. Agora xa podedes practicala en LSE!!! Grazas chicas!
 

 

RECURSOS PARA O DÍA DA PAZ

Esta semana que entra imos celebrar o día da PAZ. A nosa amiga Belén Junquera creou este symbaloo cheo de recursos para poder traballar esta data. Aquí volo deixo. Unha vez máis, moitas grazas Belén.

 

http://www.symbaloo.com/mix/recursospaz

SIGNOS PARA O DÍA DA PAZ

Xa temos aquí a segunda lección de signos para toda a comunidade educativa do noso cole. Nesta ocasión, Brais e Marta contaron coa inestimable colaboración dos Cocoricos A. Faltounos un dos profes (Diego) que estaba no médico cando gravamos pero para a próxima non faltará.

Os signos a aprender nesta ocasión están relacionados coa PAZ xa que para a semana conmemoraremos esta data no noso centro. Os signos son os de: PAZ, AMIGO, AMOR e DIÁLOGO.

Esperamos que vos guste e que os practiquedes con nós. Ata a próxima.

CANCIÓN DA PAZ

Xa temos nova alarma no cole, desta volta é un canto á alegría e á paz. O 30 de xuño cantarémola todos xuntos no patio do cole. Ide aprendéndoa!!

Alegría, uuuuh! Alegría, yes! Cantemos como é bo ser alegre todo o día.
Alegría, uuuuh! Alegría, yes! Cantemos como é bo ser alegre todo o día.
O día amañece; e con el o noso sol, brillante e colorido; nun sorriso alto, astral.
Ás veces é a chuvia que nos ven despertar; mais sempre todo o día, a alegría vai estar.



Alegría, uuuuh! Alegría, yes! Cantemos como é bo ser alegre todo o día.
Alegría, uuuuh! Alegría, yes! Cantemos como é bo ser alegre todo o día.
Hai días que desperto e síntome feliz. Eu salto entón da cama, eu quero ser máis feliz.
O día vai pasando, e a alegría vou xuntando;

a noite ven chegando, a alegría está sobrando.

 

OS PEQUES NO MEIRANDE

Este ano estamos a traballar arreo sobre a nosa vila e tivemos a oportunidade de visitar o Meirande. Quen ia pensar que unha vila tan pequena fóra esceario de grandes batallas, tesouros escondidos e ata a inspiración para o libro de Xulio Verne "20.000 Leguas de Viaxe Submarino" Aquí tedes un resumo da nosa visita vista por cada un dos grupos que fomos: OS COCORICOS A OS SAPIENS

Create a free photo slideshow

OS WATERS E OS COCORICOS B