LITERATURA AUDIOVISUAL

Recén está estreado o portal "flocos.tv", o cineclube do audiovisual galego en internet.

E non vades crer o que alí atopamos. Baixo o nome "A lingua Animada", aparecen sete curtametraxes de animación en plastilina feitos por Virginia Curiá e Tomas Conde entre o 2000 e o 2003, baseadas en textos e relatos da nosa literatura, de autores como Cunqueiro, Anxel Fole, Murguía, Eladio Rodríguez ou Avilés de Taramancos.

Se fas clic enriba das imaxes poderás chegar á páxina onde ver as curtas.

Despois de velos,...

Saberás en que autor está baseada cada unha das curtas?

Cal che gustou máis??

PREMIOS NAVIDEÑOS

Finalizando cada trimestre agasallamos a aqueles nenos e nenas que dalgún xeito colaboraron con nós, ou participaron activamente no funcionamento da Biblio. Neste trimestre, ademáis dos Bibliotecarios, que fan unha labor impresionante durante os recreos, tivemos os premios aos mellores lectores, e o concurso de adiviñas.

Mellores lectores do trimestre:

• 1º Ciclo: Laura Portela


• 2º Ciclo: Daniel Acevedo


• 3º Ciclo: Simón García

Concurso de Adiviñas:

• 1º Clasificado: Andrea Bouzón e Lucas Bouzón (10 pts)


• 3º Clasificado: Roberto Jiménez (9 Pts)

NADAL EN ALEMANIA

Hannlore, é o nome da avoa de Claudia, de cuarto, que nos visitou estos días atrás para contarlles aos compañeiros e compañeiras da súa neta, as tradicións que polo Nadal se seguen en Alemania.

As festas Navideñas en Alemania, comezan 4 Domingos antes do día 24 de Decembro. Cada Domingo encenden unha vela, cociñan galletas, pasteis. O día 5 de Decembro celebran o San Nicolás, que vai por todas as casas e fala coas familias, cos nenos e nenas e déixalles agasallos. Adornan a árbore con velas auténticas. O día 24 organizan unha cea semifría, vístense de gala, entregan os agasallos e asisten a unha misa. Rematan as festas dando a benvida ao ano novo, a través dun ritual de entrada de ano.

Distintas, pero non tanto!

Grazas por compartir con Nós estos momentos!!

GUÍA LECTURAS NADAL

Como non podía ser doutro xeito, este ano a nosa guía está orientada cara a Ciencia. Intentamos recoller aqueles títulos que nos parecían máis interesantes e que a eles máis lles podían ser de utilidade. Certamente non conseguimos poñer moitos en Galego, pero, o que hai ben merece a pena velo.

Pasade pola librería, ollade, curioseade, ... e si topades cousiñas interesantes sobre Ciencia, mandádenos o título e a editorial, terémolo en conta.

Recordade poñer un libro nas vosas peticións aos reis, elixídeo ben.

Un bo libro, sempre é un bo agasallo!

NO NADAL PANXOLIÑAS

Despois de pasar toda a semana cantando o Aguinaldo polas aulas, recollendo caramelos e o que se terciara,... preparados xa para a actuación no escenario.

Que saber estar!, que compostura!, que voces!

BOAS FESTAS!

QUE MELLOR AGASALLO

Que mellor agasallo que o labor das nosas propias mans. Máis, cando é tan chulo como estos poliños que fixeron os nenos e nenas de segundo curso.

Boas Festas!

e

Felices Agasallos!

CARTA AOS REIS

Por fin chegou O Carteiro Real.

Non viamos o momento.

Mascábase no ambiente.

Cartas preparadas, pero,... non da chegado.

Cando,... ao fin, si, O Carteiro Real. Con toda a ilusión do mundo entregamos as nosas cartas. O Carteiro Real a cambio, uns caramelos e unha rosquilla. Uhmmm!, que ricos!!.-de parte dos Reis- seica.

Portámonos Ben?

Entón de seguro que non hai problema!!

Claro que, como dicían os nen@s, "Os Reis tamén están en crisis?"

Esperamos que se cumplan os vosos mellores desexos!!

ÚLTIMO CONTO ANTES DE REMATAR

O último conto do trimestre.

Hoxe, Roberto, Maryam e Paula, contáronnos o conto "El último día del invierno". Un fermoso conto de paxaros, amizade e neve.

Gustounos moito!

Á volta de Nadal, máis.

SOLUCIÓN ADIVIÑA 10

Non podía ser de outro xeito para finalizar o concurso!!.

Recordades?. O ano 2009 vai ser o

Ano Internacional da Astronomía.

SOLUCIÓN: O TELESCOPIO

Bravo por todos e todas!

Gracias por participar!. Foi moi divertido. Esperamos que para vós tamén.

Para ver os gañadores consultade a páxina do concurso.

Recordade no segundo trimestre comezamos con

"Margarida quere saber...?"

DEREITOS HUMANOS

Dende o 20 de Novembro (Día da Infancia), que vimos a traballar ao redor dos Dereitos: Dos nenos e nenas, dos seres humanos,...

Onte, día 10 de Decembro fixemos un acto simbólico de lectura dos Dereitos das nenas e dos nenos a través da megafonía e durante toda a mañá. Escoitouse bastante ben e o alumnado estivo bastante pendiente do que lían os seus compañeiros.

Hai algún vídeo, pero temos problemas técnicos para poñelo. Mentras podedes ver algúns dos cortos que con tal motivo realizaron outros.

Para escoitar o son, ide primeiro ao artigo que está xusto debaixo e anulade o seu son.

NADAL CIENTÍFICO

Comeza Decembro, e con el o Nadal está máis cerca. O cole xa respira ese ambiente cheo de maxia e ilusión. Este ano máis científico que nunca: Os científicos e inventores, na árbore; o nacemento moi espacial e reciclado; as paredes e teitos, con estrelas, planetas; ...

Que colorido e fermoso!!

CONCURSO ADIVIÑAS 10

ADIVIÑA 10

"Co meu ollo, o ceo case tocas

e o Universo a soñar te convoca."

Ánimo, que rematamos o concurso

é a última adiviña!!

SOLUCIÓN ADIVIÑA 9

Esta parece que nos costou un pouquiño!!, non era tan difícil, só había que ler con atención, e logo explicarse con corrección.

Non valía calquera disposición das caixas, pois había que cumplir tres premisas: Números impares, que non se repetira o número de canicas, que ningunha quedara baleira. Facede a proba con canicas e caixas de verdade. Lede senón as explicacións que nos ofrecen, Miguel, Andrea ou Lucas.

De todos os xeitos resulta moi interesante ver como buscades a solución, como preguntades, curioseades, investigades,... De vez en cando hai que revitalizar esas neuronas, non vaia ser que se oxiden.

SOLUCIÓN ADIVIÑA 9

Son catro caixas: tres pequenas que conteñen, 1, 3 e 5 canicas; e unha grande que conten ás outras tres caixas, 9 canicas.

Ánimo so queda unha adiviña!!

UN LIBRO, UN SOÑO

Se algún leu o libro "O soño de Xelá", da editorial OQO, e se fixou na páxina de autores ao mellor conseguiu ver entre eles o nome dunha mestra do cole:

Tradución do portugués - Verónica Camiña. Pois si é a mestra Verónica, de 3 aniños. E nós facendo campaña, comeza así:

"Imaxina que es o ceo,

tes ollos de nube, nariz de furacán,

meixelas azuis, cabeza de vento...

Miguel non é un neno sen medo

(so nas historias falsas hai nenos sen medo)

para escorrentalo ten que dicir unha palabra:

TREMELICANTEMENTETREMELICANTE!"

CONCURSO ADIVIÑAS 9

Nesta ocasión vades ter que ler con moita atención.

Non é tan difícil como parece.

Ánimo !!

A ver quen é de acertar!!!

ADIVIÑA 9

Como podemos dispoñer 9 canicas en catro caixas, de forma que:

• Todas as caixas teñan canicas
• Todas as caixas teñan un número impar de canicas
• O número de canicas de cada caixa sexa distinto ao das outras tres???

Pista: Primeiro, as canicas non se poden partir en anacos. E segundo, as caixas non teñen porque ser do mesmo tamaño.

XOGANDO A APRENDER COA CIENCIA

Estas semanas @s nen@s de sexto e os seus mestres andan a argallar experimentos e pequenos inventos xogando a aprender coa ciencia. Coas distintas fontes de enerxía , coa luz e o son foron amañando distintos aparellos e argallando os seus inventos. Comprobaron a propagación, reflexión e refracción da luz. A mestura de cores que forman a luz branca. Nos inventos chegaron a facer un coche eléctrico con material reciclado. Os compañeiros chamáronlle o Renault 28.

Se queres escoitar os vídeos, tes que pulsar en play. Pero antes vai ao artigo do mago (baixa pola páxina) e fai clic encima do altavoz que aparece enriba das fotos(do mago).

SOLUCIÓN ADIVIÑA 8

Como empezaba a adiviña??

"Catro gatos nunha habitación"

Cada un dende a súa esquina, cantos gatos ve??

Lede outra vez a adiviña.

SOLUCIÓN: CATRO GATOS

EXPERIMENTAMOS COA LUZ

Hoxe, como último mércores de mes, tivemos sesión de experimentos.

Viñeron os nenos e nenas de Sexto A a presentarnos algunhas cousiñas que eles mesmos descubriron sobre a luz: Como se propaga?, De que está composta?, Como se descompón?,... e algunhas cousas que se poden facer con luces e sombras, como as "sombras chinesas".

O certo é que foi moi interesante, e non cabiamos na Biblio.

25N:DÍA CONTRA A VIOLENCIA DE XÉNERO

Nun intento máis de traballo colaborativo dende as Bibliotecas escolares Galegas, aquí tedes un vídeo realizado polo IES de Fene (O Segrel do Penedo).

NON

A CALQUERA TIPO DE VIOLENCIA

CONCURSO ADIVIÑAS 8

Se queres ver como vas no concurso, visita "Os nosos recunchos"

ADIVIÑA 8

Catro gatos nunha habitación

cada gato nun recuncho,

cada gato ve tres gatos,

adiviña cantos gatos son.

UNHA MAÑÁ CHEA DE MAXIA

Chegounos dende a Deputación, e dentro do programa "Maxia nas escolas": Cyrille. Pasamos con el un rato moi divertido e sobre todo cheo de "ilusión" e "fantasía".

Ata outra!

ARTE COA NATUREZA

LAND ART: Tendencia de arte contemporáneo que utiliza o marco e os materiais da natureza (terra, madeira, pedras, area, rochas,... follas). Normalmente realízanse no exterior, expostas aos elementos e sometidas á erosión natural.

Despois de ver as marabillas que outros fan con estos elementos naturais, o alumnado de sexto, aproveitou as follas das árbores que cubren os nosos patios para experimentar e chegar a realizar auténticas obras de arte.

Realmente son uns artistas!!!

SOLUCIÓN ADIVIÑA 7

Parece que temos unha pequena confusión entre as múltiples aves de rapina que existen na nosa natureza.

O Bufo é un ave grande e poderosa que normalmente se identifica coa sabedoría. O moucho (autillo), mochuelos, ... cárabos,... e outros, son aves máis pequenas. Estaría tamén a curuxa (lechuza), ...

En definitiva,

Solución adiviña 7

O BUFO

HOXE:"CONTACONTOS"

Os mércores é o noso día de actividades nos recreos. O último mércores de cada mes temos experimentos, pero, o resto, depende. Uns días teremos, contacontos, outros, teatro, poesía,...

Animádevos!!!

Andrea foi unha contacontos excepcional.

Seguro que repetimos!!

2008-2009: CIENCIA

Parecía algo extraordinario eso de traballar coa Ciencia, algo fora do común, pero, estamos a darnos conta, que é algo normal, que está presente todos os días da nosa vida. A Ciencia está en todas partes, no que vestimos, no que bebemos, no que respiramos, co que xogamos, ... na nosa historia e identidade,...

... E seguimos investigando. Agora cada aula escolleu un científic@, inventor ou inventora, que os identifica. Algúns son moi coñecidos, outros non tanto, con todo, as veces indagando na súa vida descubrimos cousas, moitas que nos sorprenden, ben polo normais que parecían sendo Xenios, ou polas dificultades que tiveron.

Seguiremos investigando!!!!

CAMPAÑA:EU LEO PORQUE ME PETA

Iniciamos estas semanas atrás a campaña "Hora de Ler: Leo porque me peta". Unha campaña de animación á lectura enviada dende a Asesoría de Bibliotecas en Santiago, e dirixida a nenos e nenas dende Primeiro curso de Primaria ata cuarto.

Tedes todos os albums de cromos de contos?

Recordade que, cada vez que veñades no recreo a buscar un libro en préstamo, os Bibliotecarios daranvos, xunto co libro e o marcapáxinas, outro sobre de cromos.

Ánimo e a ler!!!

CONCURSO ADIVIÑAS

Cada luns sae unha adiviña, e tes de plazo ata o venres para respostala. Mira na barra lateral, na sección "Os nosos recunchos", a clasificación do concurso.

Adiviña 7

Sae ao campo pola noite

se me queres coñecer,

son señor de grandes ollos,

cara seria e gran saber.

Quen son?

EXPERIMENTANDO CON ELECTRICIDADE

O alumnado de sexto reunímonos no laboratorio para presentar aos demais compañeiros as nosas experiencias sobre circuitos e electromagnetismo. Construimos electroimáns e comprobamos as distintas aplicacións que ten na vida cotiá. Co material que quedou, dos tempos que había ESO no centro, amañamos un vello xerador para probar os nosos circuítos de lámpadas, muíños, zumdadores, etc.
A electricidade respetámola, paro xa non nos é tan estraña.

SOLUCIÓN ADIVIÑA 6

Que iba ser?, Claro que si.

SOLUCIÓN : O RÍO

CARTA DENDE O ESPAZO

Do que nos enteramos hoxe!!!

Os nosos amigos de 3º recibiron carta. O sorprendente non é a carta en si, senón de onde procede. Do planeta CAR-01 e dun amiguiño que se chama Rano.

Sorprendente, non si?

Como non podía ser menos os nosos compañeiros e compañeiras de terceiro aproveitaron estas datas para respostarlle e explicarlle en que consiste o Magosto.

MAGOSTO E CASTAÑAS

Tendo como temos ao ladiño o "San Martiño", como non vamos celebrar o Magosto??.

Este ano Cantigas, xogos tradicionais e castañas asadas. O que máis nos gusta emborrallarnos ao final.

CONCURSO ADIVIÑAS 6

ADIVIÑA 6
Sen vacacións nos seus cursos,
ao principio son guerreiros,
nacen case sempre en montañas,
e morren de mariñeiros.
Que será??

SOLUCIÓN ADIVIÑA 5

Para ver como van as puntuacións podedes visitar na sección "Os nosos recunchos", a páxina do concurso de adiviñas.

Solución adiviña 5: "DE BURATOS"

EXPERIMENTANDO NA BIBLIO

Hoxe iniciamos as sesións de experimentos dos mércores na biblio. Cada final de mes teremos unha experiencia relacionada con algún campo da ciencia, que nos amosará algún mestre ou alumn@ do centro. Hoxe era a primeira: A gravidade, a densidade da auga e un principio que di que, "todo corpo sumerxido nun fluido experimenta un empuxe vertical e cara arriba igual ao peso do fluido desaloxado". Este principio leva o nome do científico que o enunciou, Saberedes quen foi??

Pista: É un dos personaxes elixidos por algúnha das aulas do Centro.

Agora tócavos a vós!!

Preparade un experimento e amosámosllo ao resto de nenos e nenas do cole

A FEBRE DOS COGOMELOS

En 6º estamos coa febre dos cogomelos. Seguimos a clasificalos. Estes son de Ventosela, Reboreda e Ourense. O certo é que dan moito xogo e aprendemos un montón.

PEQUEN@S ECOLOXISTAS

Que Ledicia, o amor pola natureza e o ecosistema! Os compañeiros e compañeiras de 2º o luns ao entrar ao colexio atoparon un corvo ferido no campo de xogos. Sen dubidalo, recollérono con tenrura consternados ao decatarse de que tiña unha ala rota. Recolleuno a Policía Local e agora xa está recuperándose na protectora de animais.

CONCURSO ADIVIÑAS 5

ADIVIÑA 5

De que encherías un porrón

para que pese menos que baleiro???

SOLUCIÓN ADIVIÑA 4

Para ver as solucións que cada un deu, tedes que ir onde está a adiviña e abrir os comentarios.

Solución adiviña 4: A letra "L"

primeira na Lúa

segunda en Plutón

na terra non hai

e a última no Sol

FIN DE SEMANA MICOLÓXICO

Estes cogomelos son de Ávila. Aproveitando o fin de semana micolóxico de Roberto cos seus avós de Ávila, os alumnos e alumnas de sexto na clase de coñecemento do medio estivemos coñecendo as súas características e clasificándoos. Destacan o Boletus Edulis, a Lepoita Procera, o Lactarius Deliciosus (Níscalo), champiñón e a Seta do Cardo. Vaia prato máis exquisito pois eran fresquísimos.

QUE MEDO!!!

Fai clic enriba do Trisquel para saber máis. Samaín e Halloween.

Dende o Departamento de Lingua Inglesa, "Trick or treat", ata o de Normalización, pasando polas titorías, cada cual ao seu xeito, todos pasamos medo hoxe.

As terroríficas cabazas que trouxeron os nenos e nenas, os contos arrepiantes que se contaron nas aulas, as tenebrosas maquillaxes, ...

En educación infantil coincidiu ademáis co venres que celebran os cumples do mes.

CHEGOU O SAMAÍN

Fixestes a vosa cabaza para esta noite?.

É a noite do Samaín. Antiga tradición Celta de culto aos ancestros. Onde comezaba o ano novo, pola estación oscura, coa apertura ao outro mundo.

Pois ide tomando nota.

Aquí tedes este vídeo coa canción de Mamá Cabra: "Samaín". Atopámolo no blog doutra Biblio, "O recanto do Mik", do Ceip Mestres Goldar de Vigo.

XORNADAS INTERCULTURAIS

Dende o Concello de Redondela, concellería de servizos sociais, ofertáronnos unhas xornadas integradoras enfocadas ao coñecemento das distintas culturas e sos seus integrantes.

A través de xogos e outras actividades, os alumnos de Sexto curso, tiveron a posibilidade de traballar ao redor do compañeirismo, traballo en grupo, resolución de conflictos, coñecemento dos propios gustos e inquietudes, coñecemento de todas as culturas,... co colectivo "Imaxina".

AGUSTIN FERNÁNDEZ PAZ

PREMIO NACIONAL DE LITERATURA INFANTIL E XUVENIL 2008

"O único que queda é o amor"

Agustín Fernández Paz foi premiado a nivel nacional, por unha obra en galego. Moi boa ten que ser!!. Nós aínda non lemos o libro, pero polo que din, é un libro de relatos sobre o amor e todas as súas variantes.

Seguro que algúns recordades títulos como: A cidade dos desexos, As flores radiactivas, Trece anos de Branca, No corazón do bosque, A serea da illa negra, A escola de piratas, Fantasmas no corredor, O raio veloz, ... e moitos outros que tanto nos gustaron.

A nosa enhoraboa a Agustín Fernández Paz.

REVISTAS NA BIBLIO

Seguro que todos coñecedes a revista "Reportero Doc".

Na nosa Biblio, temos un expositor adicado as revistas, e esta é unha das que alí temos.

Saen incribles reportaxes de animais

E moitos outros, adicados a deportes, a receitas de cociña, á natureza, a culturas doutros paises, experimentos,

Tiras cómicas moi divertidas, ...

Cando queirades podedes entrar a velas.

ADIVIÑA 4

Adiviña 4

"Na Lúa son a primeira

a segunda en Plutón

na Terra non se me atopa

e son a última no Sol".

SOLUCIÓN ADIVIÑA 3

"O SOL"

Non era tan difícil, non??

Andivemos un pouco despistados desta vez. Bueno, algúns.

Que foi o que tanto vos despistou??.....

Seguide atentos, o luns máis.

HOXE CELEBRAMOS

Si, hoxe día 24 de Outubro celebramos o Día das Bibliotecas Escolares:

• Contacontos para Educación Infantil e Primeiro Ciclo de Primaria.
• Lectura do conto: "León de Biblioteca", un fermoso álbum ilustrado de Michelle Knudsen. Cunha marabillosa historia sobre un león na Biblioteca.
• Agasaio do Marcapáxinas de Margarida a todo o que entrou na Biblioteca.
• Álbum de cromos e primeiro lote de cromos da campaña "Hora de ler: Leo porque me peta", para o primeiro e segundo ciclos de Primaria.
• E a colaboración de todos os nenos e nenas do cole dicíndonos cal é o seu libro favorito.

DÍA INTERNACIONAL DAS BIBLIOTECAS ESCOLARES

Mañá venres 24 de outubro celébrase o Día Internacional das Bibliotecas Escolares. No noso Centro tamén.

Polo de agora estamos a facer un pequeno mural co nome dos contos ou libros que máis nos gustaron ao longo da nosa vida; E outro cos dereitos do lector que o escritor Daniel Pennac deu a coñecer no seu libro "Como una novela".

Para mañá,...

algunha que outra sorpresa máis, sobre todo para os máis pequenos.

Ata mañá!!!!

ADIVIÑA 3

Recordade que o plazo para poñer a resposta no Blog é de 5 días. De Luns a Venres.

ADIVIÑA 3

Din que son rei e non teño reino,

din que son loiro e non teño pelo,

din que ando e non me meneo,

arranxo reloxos sin ser reloxeiro.

Quen son?

II ENCONTROS BIBLIOTECAS ESCOLARES

"Bibliotecas para ler e aprender", baixo este lema estanse a celebrar este fin de semana, 17 e 18 de Outubro, os segundos encontros de Bibliotecas Escolares de Galicia. E aquí estamos, formándonos, lendo e aprendendo, para chegar o luns ao cole con máis novas, máis propostas,... e máis entusiasmo se cabe.

Ademais das experiencias de moitas Bibliotecas Escolares Galegas, temos poñentes da categoría de Isabel Solé, José García Guerrero, Antonio Basanta,... referentes todos eles no mundo dos Libros, as Bibliotecas e a Lectura.

SOLUCIÓN ADIVIÑA 2

"AS ESTRELAS"

QUEREMOS UN PLANETA LIMPO

Chuvia ácida, aire contaminado, animais que se extinguen, efecto invernadero, non hai capa de ozono, augas contaminadas, exceso de lixo,...

Pero que planeta nos vai quedar???

Queremos facer algo, queremos loitar por este, o noso planeta Terra.

Hoxe, como primeiro xesto, decidimos sair todos ao patio a recoller o lixo, que ás veces sen darnos conta, deixamos por todas partes. Pero, a partir de xa, damos comezo a unha campaña de recollida selectiva de lixo en todas as aulas.

Ademais, vamos facer unha recollida de Lemas, slogans, ... frases que nos axuden a darnos conta do necesario que é reciclar, reutilizar, consumir só o necesario,...

Todos, nenos e nenas, mestres e mestras.

Todos participamos.

Coidar o noso planeta é tarefa de todos!!!

CONCURSO ADIVIÑAS 2

A ver se acertades esta???

Adiviña 2

"Moitas lampariñas

moi ben colgadiñas

sempre acendidas

e ninguén as atiza"

EMPRÉSTITO RECREOS

Esta semana que acaba de rematar demos comezo ao préstamo nos recreos. Da gusto ver entrar aos rapaces e rapazas en busca dese libro, desa historia marabillosa que todos buscamos cando entramos na Biblioteca. Pero, e ver como os "Bibliotecarios", (esos alumnos e alumnas de 5º e 6º cursos, que colaboran nos traballos bibliotecarios) atenden aos máis pequenos, colocan os libros, len contos, fan fichas, realizan o empréstito,...???

Realmente todos, uns e outros, estaban moi impacientes por poder entrar xa na Biblio. Tivemos moito traballo, moito movemento, moitas visitas, moitos préstamos,... O certo é que o espazo (xa o pasado ano) quédasenos pequeno.

SOLUCIÓN ADIVIÑA 1

Que ben!, case todos acertastes. Era moi faciliña?, ou é que sodes moi listos?...

Si, a solución é "o Libro".

Pero, recordade que esta próxima semana, os comentarios (as solucións), non se van poder ver ata o venres.

Agora intentade resolver o puzzle, no que tamén están intentando averiguar a solución á nosa adiviña. Para que as pezas se movan facede clic enriba.

Bó fin de semana!

TEMPO DE LECER

Dende o Equipo de Normalización Lingüística do Centro e coa colaboración dos nenos e nenas de sexto e os equipos de biblioteca e Tic´s, estamos a desenvolver un novo espazo na rede: Tempo de Lecer.

Vai ser este un espazo onde despois de buscar, investigar,... o alumnado de sexto organizado en equipos vainos facer suxerencias de actividades para os fins de semana de cada mes. Estas suxerencias van a ir dende, cine, teatro, ... ata saídas a múseos, á natureza do entorno,... e máis.

Todo esto exporase, por un lado, nun recuncho do taboleiro de anuncios da entrada principal ao Centro, e por outro, no blog creado, para que sexan os propios alumn@s os que escriban esas suxerencias na rede, e todos estemos informados a través de internet.

Para chegar á páxina:

• Podedes escribir directamente a dirección: http://tempoparaolecer.blogspot.com/
• Ou ir ao apartado deste mesmo blog: Tempo de Lecer.

CONCURSO DE ADIVIÑAS

Como xa sabedes, hoxe luns día 6 de outubro, comezamos un concurso de adiviñas que se vai desenvolver durante todo o primeiro trimestre. Para os que andades un pouco despistados, recórdobos que as adiviñas aparecen os luns e teñen unha duración de 5 días, de luns a venres, en que podedes contestar neste blog.

Animádevos e participade.

Ahí vai a primeira, e por ser a primeira ben faciliña.

Adiviña 1:

"Teño follas e non son árbore,

fáloche e non teño voz,

se me abres eu non grito,

adiviña quen son."

PRIMEIRA VISITA

Esta semana tódalas aulas de Primaria visitaron por primeira vez a Biblio. Acompañados pola bibliotecaria e o seu titor/a recordaron: como funcionaba a Biblioteca; os recunchos e as distintas seccións; as normas que hai que seguir; como se manipulan os libros; como se organiza o préstamo, tanto cos titores, como nos recreos; levaron para clase o seu horario, o seu carné de lectores e lectoras, un documento de como facer comentarios no blog; ...

Ademais souberon das distintas actividades que vamos realizar durante o curso: A Olimpiada de Margarida, experimentos científicos, contacontos, teatro, concurso de adiviñas, ...

O certo e que prestaron moita atención. Estaban impacientes por levar libros para casa e por vir á Biblio nos recreos.

Nos vemos o luns!!!!

LECTURA SILENCIOSA 2

Bueno, bueno, bueno,... Unha imaxe vale máis que mil palabras.

O tempo de lectura silenciosa é para todos...

Incluso para o noso fontaneiro.

PROGRAMA LECTURA SILENCIOSA

Todo listo para empezar.

Hoxe xoves 2 de outubro vamos comezar un programa de lectura silenciosa, que se levará a cabo os xoves e venres de cada semana.

E que é eso da Lectura Silenciosa?

Moi sinxelo, un momento no que todos/as lemos en silencio. Dende o cole queremos darlle unha especial relevancia á lectura, por eso ao vir do recreo vamos a adicar 15-20 minutiños a ler en silencio. Todo o Centro, todo o alumnado, e todo o profesorado.

Xa vos contaremos como sae a experiencia.

COMEZAMOS A EXPERIMENTAR

Como vedes na foto, Margarida xa vestiu a bata para entrar no laboratorio disposta para experimentar e traballar.

Pero, non é a única, senón vede estos nenos e nenas de sexto curso, na clase de coñecemento do medio en plena investigación sobre os ósos.

Haberá que preguntarlles, Que investigaban?, e que descubriron?.

RICO, RICO

Xa sabedes que este ano vamos traballar ao redor da ciencia.

E que hai máis científico que mesturar elementos na procura de enerxía?.

Pois sabendo que o almorzo é a comida máis importante do día, os alumnos e alumnas de cuarto curso almorzaron xuntos o venres pasado. Como vedes nas fotos tomaron leite, froita, zumes, torradas, cereais, ... alimentos moi saudables que lles axudaron a estar en forma durante toda a mañá.

Bo proveito e a continuar almorzando así de ben!

ÚLTIMA NOTICIA, O TELESCOPIO, UN INVENTO ESPAÑOL????

Como xa vos dicía hai dous artigos, os historiadores non se poñen de acordo en quen foi o inventor do telescopio, e agora que vamos celebrar o seu catrocentos aniversario, todavía máis. Está claro, ou parece, como xa dixemos, que Galileo foi o primeiro en usalo para ver o Ceo. Pero son moitos os candidatos para a primeira fabricación do artefacto.

Esta mesma semana, na revista "History today", fálase da posibilidade de que o inventor orixinal do telescopio sexa un español, Juan Roget.

Para máis información fai clic na imaxe.

UNHA NOVA SECCIÓN

Para que poidades comezar a curiosear sobre temas relacionados coa Astronomía, e coa Ciencia en xeral, vamos a abrir unha nova sección na barra lateral que se chamará: "Pequenos científicos", onde iremos engadindo enlaces que seguro vos resultan interesantes.

QUEN INVENTOU O TELESCOPIO?

Difícil resposta, pois nin os historiadores se poñen de acordo.

Xa un inventor inglés, Robert Gosseteste (1175-1263), "tivo a idea" de acercar os obxectos distantes mediante un corpo trasparente (lente). Pero non foi ata 1606 ou 1608 (tampouco se poñen moi de acordo), cando Hans Lippershey alinea dúas lentes nos extremos dun tubo, creando un instrumento que aumentaba as imaxes de obxectos lonxanos.

Ata que no 1609 chegou a oidos de Galileo Galilei, que construiu un, con notables melloras e cunha idea innovadora, apuntando ao ceo, creando o primeiro telescopio de exploración dos astros.