XOGANDO COS RÍOS

Somos os nenos e nenas de 4ºA do cole e tamén vos queríamos facer una recomendación.

Traballando coas Ciencias estivemos aprendendo cousiñas relacionadas cos ríos de Reboreda, Redondela, Galicia, España, ... E descubrimos un xogo de mapas interactivos chulísimo. Resultounos moi divertido e interesante porque aprendes moitas cousas sobre a xeografía.

Animáte a xogar!

APRENDERÁS XOGANDO!

Aquí vos deixamos un enlace. Facede clic na imaxe.

 

De verso en verso

Que estupendísimo traballo!

Que libro tan chulo!

Canta imaxinación!

Canta sensibilidade!

Despois do obradoiro de escrita creativa centrado este curso na Poesía, mirade que cousiñas sairon....

Se queredes saber máis,... visitade o seu blog: O MANANTIAL DE 4ºA

INVITANDO A EXPERIMENTAR

O xoves, nós, os nenos/as de 4ºA invitamos aos nosos amigos os de 4ºB, para que? Pois para que viran os nosos experimentos. Comezamos repartíndolles unha améndoa e falando da enerxía, e, queimando unha soa, conseguimos ferver auga!!

A continuación xirando un círculo coas cores do arco da vella obtivemos a cor branca como descubrira Newton fai miotos anos!!

E logo cun espello e auga, descompuxemos no teito a luz nas sete cores! Acabamos rompéndolles o lapis dentro da auga, pero logo, volveu a súa forma. Isto é debido a que o aire e a auga son medios distintos. Esperamos que lles gustaran!!!

Irene 4ºA

EXPERIMENTANDO XUNTOS

Os nenos e nenas de 4º A quixeron compartir experiencias cos compañeiros e compañeiras do outro grupo de 4º e aquí os tedes separando mesturas, preparando disolucións, observando cristales de sal....

Por certo, seriades capaces de soamente coa axuda de un vaso de auga e un imán separar estas tres mesturas:

• garavanzos e cortiza?
• garavanzos e grapas?
• e auga e aceite?

Se observades as fotos podedes ver a solución.

EXPERIMENTAMOS:"ATRACCIÓN FATAL"

Hoxe tocaba experimento. 3 compañeir@s de 4ºA viñeron presentarnos o traballo que levan feito ao redor dos imáns e as forzas de atracción.

Comprobamos que hai rochas que atraen certos metais, que estas rochas especiais teñen polos, como o planeta Terra, que os compases ("brújula"), funcionan a través dunha agulla imantada, e que podemos fabricar un imán con electricidade.

Estivo xenial!

Volvede cando queirades!

NADAL EN ALEMANIA

Hannlore, é o nome da avoa de Claudia, de cuarto, que nos visitou estos días atrás para contarlles aos compañeiros e compañeiras da súa neta, as tradicións que polo Nadal se seguen en Alemania.

As festas Navideñas en Alemania, comezan 4 Domingos antes do día 24 de Decembro. Cada Domingo encenden unha vela, cociñan galletas, pasteis. O día 5 de Decembro celebran o San Nicolás, que vai por todas as casas e fala coas familias, cos nenos e nenas e déixalles agasallos. Adornan a árbore con velas auténticas. O día 24 organizan unha cea semifría, vístense de gala, entregan os agasallos e asisten a unha misa. Rematan as festas dando a benvida ao ano novo, a través dun ritual de entrada de ano.

Distintas, pero non tanto!

Grazas por compartir con Nós estos momentos!!

RICO, RICO

Xa sabedes que este ano vamos traballar ao redor da ciencia.

E que hai máis científico que mesturar elementos na procura de enerxía?.

Pois sabendo que o almorzo é a comida máis importante do día, os alumnos e alumnas de cuarto curso almorzaron xuntos o venres pasado. Como vedes nas fotos tomaron leite, froita, zumes, torradas, cereais, ... alimentos moi saudables que lles axudaron a estar en forma durante toda a mañá.

Bo proveito e a continuar almorzando así de ben!