FESTIVAL DE NADAL

E por fin, despois de tantos ensaios, tantos preparativos, tantos nervios,... chegou o día da posta en escena.

Que colorido!

Que melodías!

Que voces!

Certamente, hai madeira de artistas!

OS REIS MAGOS EN REBOREDA

Despois da visita do Paxe Real, que viu buscar as cartas de todos os nenos e nenas do cole, as súas Maxestades os REIS MAGOS DE ORIENTE, pasaron polo noso Centro a comunicarnos a súa recepción. Coa axuda da ANPA, repartiron unhas bolsiñas de caramelos, que como adianto dos agasallos que logo han chegar non está mal.

Como ben sabedes, Queridos Reis Magos, Aquí, en Reboreda, todos nos portamos moi ben, Non si??

AGUINALDOS

Que fermosa tradición!

Preparar unhas cantigas e sair a cantalas, e nós os que escoitamos a cambio entregamos un pequeno aguinaldo.

Pois un ano máis da man da profe Isabel os nenos e nenas saíron polo Centro dando un auténtico ambiente de Nadal, este ano moi INTERCULTURAL.

Todas estas cancións chegaronlle a Pimpé vía correo ordinario (os bordes dos sobres tiñan as cores do país do que procedían, como antaño), para que él as transmitira aos nenos do noso cole. (menos a treboada e a canción de Silvio Rodríguez)
As cancións de México envioullas a súa amiga MIXCÓATL, as de Brasil seu amigo NUNO, e as de Bolivia seu amigo KORI SISICHA.

Queredes coñecer esas Cantigas?

Infantil 3 anos: DORME, cantiga de ninar de Brasil na que, para conseguir que o neno durma, primeiro temos que facer que durman todas as cousas que o arrodean. Puxémoslle son a cada un deses elementos empregando instrumentos brasileiros (a maioría deles).
Infantil 4 e 5 anos: GAZI SI NANA, arrullo tradicional mexicano, de OAXACA, está en lingua zapoteca do istmo de Oaxaca. Fala de que cando durman a avoa e o avó, roubarán medio real para comprar pan duro e para ir á igrexa. Tamén eliximos entre todos un son para cada unha das frases. Bibi tocará unha frauta de cana. Uns amigos que están a traballar polos dereitos dos oaxaqueños alí enviáronme a tradución. Levaremos a bandeira de México e tamén a de Oaxaca.
1º CURSO: DORME DORME MEU MENINO, cantiga de ninar de Brasil (aínda que é portuguesa), na que se intenta que o neno Xesús durma. Acompañamos con instrumentos de pequena percusión, entre eles uns “TARIYAS” (non sei como se escribe) de Marruecos que trouxo o ano pasado Salwa.
2º CURSO: SEÑORA SANTA ANA, arrullo tradicional mexicano, no que San Xoán (amigo da familia) lle píde axuda a Santa Ana (nai de María) para facer durmir ao neno, que non para de chorar. María e Xosé están ocupados coas tarefas domésticas e San Xoán promételle que se dorme, cando esperte lle dará atolito (papilla feita a base de fariña de maíz), guayabate (doce de guayaba)...pero seica non ten moito éxito co chimpallate (chamaco, guagüita, rapariguiño...). Acompañamos este berce con cabazos e axóuxeres. (e con nós si que conseguiu o obxectivo de relaxarnos, facernos bocexar).
3º CURSO: NIÑO MANUELITO, villancico coya que lle canta ao neno Manuel, que se atopa en Perú e en Bolivia (seguramente tamén o coñecen no noroeste de Arxentina e norte de Chile), Aquí tocamos sistros (variña con chapas), chas-chas (soalleiro de pezuñas de cabra), “caja chayera”, charango y pinkullo ( frauta de cana). Todos estes instrumentos son tradicionalmente empregados na música andina, e é importante salientar que as comunidades indíxenas (os primeiros ecoloxistas) reutilizan e reciclan TODO: deste xeito unha cabra dá de comer, dá a súa pel para facer a caixa, coas pezuñas fanse chas-chas, coas tripas faise o bordón que leva a caixa (nel van engarzados parte dus tubiños das plumas de aves que tamén comeron), e as canas das beiras do camiño serven para facer infinidade de cousas, entre elas quenas, pinkullos e sikus. Levaremos a bandeira de Bolivia e tamén a Wiphala (bandeira cadrada dos pobos andinos).
5º CURSO: faremos unha TREBOADA para recoller aos nenos dos patios e levalos ao multiusos. Esta, concretamente é recollida en Pazos de Borbén, e contan os gaiteros da miña idade, que de pequenos ían pedir o aguinaldo polas casas tocándoa. O instrumento por excelencia da treboada é o BOMBO, aínda que tamén hai outros como a gaita, o tambor, a pandeireta e o que atoparan....coma sempre.
6º CURSO: imos cantar CANCIÓN DE NAVIDAD, de Silvio Rodríguez. Coma sempre, Silvio fainos reflexionar sobre os nosos rituais sociais establecidos.
E como a música se presta e é cubana, tocaremos unha CONGA (máis coñecido como DJEMBÉ), CLAVES, e SHEKERÉ (este último vano construír eles con cabazos ou cocos, a ver que tal lles queda)

NADAL DE CINE

Son moitas as actividades que dende todas partes se nos ofertan nestas datas.

Consultastes a programación do Concello de Redondela??

Pero, temos outras posibilidades, este ano, no cine temos algunhas pelis moi recomendables, que xa sexa nas salas de cine, ou en vídeo máis adiante, non nos podemos perder:

"Donde viven los monstruos": Adaptación do famoso libro do mesmo título de Maurice Sendak.

"Planet 51": Coproducción española de animación. Quen é o alien??

"Cuento de Navidad"(+7): O sempre clásico conto de Charles Dickens, pero agora coas últimas novidades en animación dixital e captura de movemento.

"Lluvia de albóndigas": "El acontecimiento más delicioso desde que los macarrones conocieron al queso..."

"Avatar"(+7): En novísima tecnoloxía 3D.

Facede clic enriba dos títulos das pelis e visitaredes os sitios web oficiais, onde atoparedes: xogos, imaxes, trailers, .... e moito máis.

ADORNOS DE NADAL

Nestos días irán aparecendo no blog fotos e artigos das moitas actividades que se organizaron no Centro neste mes de Decembro coa chegada do Nadal.

Seguro que nalgunha das fotos apareces ti, ou a lo menos algún dos traballos ou actividade na que participaches !!

Mirade que fermosos adornos se fixeron nos distintos ciclos polos pasillos. Nas clases todavía había máis.

Dende logo un Nadal moi INTERCULTURAL!

BOAS FESTAS

Dende a Biblioteca do

Ceip Santo Paio de Abaixo
Desexámosvos a tod@s

AGASALLOS FIN DE TRIMESTRE

Que mellores datas para recoñecer o traballo, dos nosos incansables bibliotecarios; a curiosidade, e sapiencia, dos nosos infatigables participantes do concurso de adiviñas; e como non, a constancia e sabiduría dos nosos visitantes bibliotecarios.

CLASIFICACIÓN CONCURSO ADIVIÑAS

1º Diego Muiños Míguez (1ºB) e Lucas Bouzón Veiga (5ºA)

3º Luis M. Rguez Mtnez. (3ºB) e Sara Álvarez Rguez (6ºA)

MELLORES LECTORES TRIMESTRE

1º Ciclo: Raquel Martínez Gallego (2ºA)

2ºCiclo: Aitana Rguez Míguez (4ºB)

3ºCiclo: Andrea Míguez Collazo (6ºA)

Ánimo e a seguir participando!!

GUÍA LECTURAS INTERCULTURAL

A nosa guía de lecturas deste Nadal lévanos a coñecer moi distintas culturas, algunhas que se están a traballar nos distintos ciclos, outras, sin dúbida algunha nos van a amosar contos, lendas, tradicións, costumes,... que nos farán comprender mellor moitas cousas.

Son libros para todas as idades.

E nestas datas, que mellor agasallo...

UN LIBRO!!

SOLUCIÓN ADIVIÑA 8

Non era tan difícil, non??

Algúns profes e a coidadora

Comprobade se acertastes

E agora vede como os máis peques case adiviñan quen son??

http://pequesreboreda.wordpress.com/2009/12/17/adivinaquien-es-quien/

CONCURSO ADIVIÑAS 8

ADIVIÑA 8

Adiviña, adiviñando,

no cole os atopas,

e sempre che ensinan algo

Ánimo, é a última, pero, atentos, porque conseguiredes tantos puntos como fotos acertedes

O NADAL NO MUNDO

Sabedes quen é o "Apalpador"?

"Contan as lendas que nas devesas das montañas de Lugo vive un xigante..."

Fai clic na imaxe para ler o conto de Xoán G. da Editorial Biblos.

(Paciencia ao mellor tarda un pouquiño)

Algunhas bibliotecas escolares galegas levan meses investigando este personaxe tan relacionado co Nadal nas terras Luguesas. Estade atentos a este outro conto para saber un pouco máis. (Facede clic enriba da imaxe para ler esta outra versión do conto da editorial Barafunda)

Pero, ben sabemos que en distintas partes do mundo vívense estas festas de moi distintas maneiras. Dende o Ceip Frián de Teis (Vigo), elaboraron un traballo impresionante ao redor destos personaxes tan distintos, que tanto teñen en común. Botade un ollo!. Facede clic enriba da imaxe e leredes e escoitaredes as súas lendas, xogaredes cos personaxes, ...

Moitas Grazas Frianciño!!

SOLUCIÓN ADIVIÑA 7

Pedro ten 7 canicas

María ten 5 canicas

Volta a ler a adiviña e comproba que é así

Ánimo e a pola última!!

DEREITOS HUMANOS 2009

http://biblospazos.blogspot.com/

http://www.bibliocabe.blogspot.com/

CHRYISTYAN MAGIC

Seguro que moitos coñecedes ao Mago "Chrystyan Magic", de feito aínda non hai moito estivo en Redondela. Pois máis que o vades coñecer, segundo din, pode ser o próximo "Harry Potter" galego.

A Editorial Everest ven de presentar o libro: "Chystyan Magic , Atrapado na Torre", escrito por Xoán Babarro, Ana Mª Fernández e o propio Chrystyan Magic, e ilustrado por Marta Rivera Ferner.

"Ides somerxervos nunha historia de aventuras, de intriga,de loita por facer realidade os soños… porque todos podemos chegar a ser o que desexemos con esforzo, con ánimo e mantendo viva a maxia que se agocha no noso interior."
Xa está nas librerías!!

CONCURSO ADIVIÑAS 7

ADIVIÑA 7

Pedro dille a María: "Se me das unha canica teño eu o doble ca ti". María contéstalle: "Non sexas tan listo, dame ti a min unha e así temos os dous o mesmo número de canicas".

Cantas canicas ten cada un?

XANDRE, O ELEFANTE SEN SOMBRA

Coñecedes a Xandre?

Entrade na súa páxina, lede e escoitade con atención. Logo poderedes xogar.

Recoñecestes a alguén nos créditos...?

Si, é a nosa profe Susana de 3 aniños. Teremos que felicitala a ela e aos seus compañeiros polo bo traballo realizado, non si??

DESPOIS DA VISITA

Recordades a visita de Suso Cubeiro ao noso cole. Foi hai ben pouquiño!!. Pois algúns nenos e nenas de terceiro curso aproveitaron o aprendido para facer as súas propias ilustracións.

EBOOKS EN GALEGO

E que é eso dos EBOOKS?

Nin máis nin menos que un libro electrónico, un libro publicado en formato dixital.

Pois atentos que chegan os primeiros en lingua galega editados por Galaxia e Xerais, pero logo aparecerán outros.

Certamente estamos de noraboa!!

SOLUCIÓN ADIVIÑA 6

OS ALLOSÁnimo, xa queda pouco!!

Consultastes a clasificación??

SAÍDAS MOI DIDÁCTICAS

Os nenos e nenas de terceiro aproveitamos a nosa visita ao Alcampo para comprar os ingredientes para facer unha tarta de tres chocolates.
Esta actividade serviunos para poñer en práctica os nosos coñecementos: ler e interpretar instruccións, sumar, restar, multiplicar, dividir….. bueno, como dividir aínda non sabemos utilizamos a calculadora, pero no manexo dos euros somos uns expertos.

Unha forma moi, moi deliciosa de aprender.

Nenos e nenas de Terceiro curso

CONCURSO ADIVIÑAS 6

ADIVIÑA 6

Na horta da miña casa

hai algo que ti non cres:

Ten dentes e non ten boca,

ten cabeza e non ten pes,

cuberto cun manto branco,

adiviña ti o que é.

PALABRAS NO AR

Escoita en Radio Redondela o programa:

"PALABRAS NO AR"

Ás 14:10 horas

Dende o luns 30 de Novembro ao Venres 4 de Decembro

no 94.4 e 94.9 da Frecuencia Modulada.

Soarán as voces dos escolares de Redondela que participaron na campaña de animación lingüística da Consellería.

No noso Centro o alumnado de Quinto Curso.

SOLUCIÓN ADIVIÑA 5

A LETRA "M"

Se ve na palabra "Minuto"

na palabra "seMana"

e na palabra "Mes"

pero, en "ano", non está.

VISITA AO ALCAMPO

Traballando ao redor dos alimentos e a súa elaboración, os nenos e nenas de 2º, 3º e 4º curso, visitaron o Alcampo de Vigo. E como en outras ocasións tivemos uns reporteiros de luxo:

FERNANDO:

Ensináronnos a froitería e coñecemos un montón de froitas exóticas: chiles, coco, piña, kiwi, granada, phishalis, limas, ... Vimos como se facía o pan coas máquinas. Necesítase sal, fariña, auga e levadura. Cando todo está amasado, métense ao forno a cocer e logo a vender.

RAQUEL:

Vimos como separan o lixo, o cartón, o plástico e a máquina que os aplasta. Dixéronnos como se diferenciaba o peixe blanco do peixe azul, pola cola. E como na carnicería traballaban cun guante e un delantal de aceiro. Para rematar a mañá fomos á cafetería e déronnos un "croissant", uns caramelos, globos, unha carteira, e un selo.

HOXE CELEBRAMOS

O NOSO REXISTRO 4000

Que libro tivo este grandísimo honor???

E agora a seguir, e con máis ilusión se cabe. Pouco a pouco, pasiño a pasiño, vamos conseguindo rexistrar todo o fondo bibliográfico da nosa Biblio.

CONTRA A VIOLENCIA DE XÉNERO

Lemos un manifesto en contra da violencia de xénero, esta foi a visión dun neno e unha nena de quinto:

IRENE:

Todas as persoas temos dereitos e obrigas. As mulleres somos as que normalmente somos as débiles e os homes créense mellores só por ter máis forza e por iso moitos maltratan ás mulleres. E que nós non temos dereito a ser iguais que os homes??

Pero, como xa dixen TODOS temos obrigas e dereitos a facer as mesmas cousas. Algúns pensan que por ser home e ser forte mándanlle facer as tarefas(as obrigas) ás mulleres.

ESO NON É ASÍ!!

Por que TODOS somos persoas, e TODOS, podemos realizar as mesmas cousas, así todo o mundo será un pouco máis feliz.

PEDRO:

Estou farto de que sempre falen do mesmo en todos os lados, da violencia de xénero. Aínda que teñen un pouco de razón de que non se debe maltratar ás persoas, pero, é unha tontería facer un manifesto porque con iso non van conseguir nada.

En moitos dos blogs das bibliotecas galegas tedes mostras do traballo feito ao redor desta data, consultádeos.

Aquí deixamos unha pequena mostra elaborada polo Ceip de Andrade e "Raioteca":

| View Sample Photo Books | Create your own Photo Book

CONCURSO ADIVIÑAS 5

ADIVIÑA 5

Que cousa, cousiña é,

que se ve nun minuto,

nunha semana e nun mes,

e nun ano non se ve??

SOLUCIÓN ADIVIÑA 4

O PARRULO

Moi ben!

Xa falta menos. Atentos á seguinte.

Consultade a clasificación para saber como vades.

VISITA DE MUSEO

O xoves 19 de novembro os nenos e nenas de primeiro ciclo do cole foron a Pontevedra para coñecer o Múseo. Esto foi o que nos contaron:

"Ayer fuimos al múseo de Pontevedra. Allí nos recibió una chica llamada María. Nos enseñó un montón de cosas: pulseras de oro, pendientes, un dragón pequeño, un molino, muchos cuadros, una concha grandísima, barcos, ... Visitamos un camarote de un barco que se caía y tenía una puerta secreta.

Lo que más me gustó:

• -Laura V.: El camarote del barco
• -Lucía R.: El catalejo y la concha
  grandísima
• -Lidia C.: El molino de hace 4oo
  años
• -Sergio M.: El camarote del barco

Cuando salimos del museo fuimos a merendar a una plaza llena de palomas con las que jugamos y le dimos de comer."

OBRADOIRO ORALIDADE

AVISO IMPORTANTE

(sobre todo para os de quinto curso)

Acabamos de recibir correo de Xosé A. Pérez (Kalandraka editora):

"Xa comezamos a colgar as novas dos obradoiros feitos en Redondela no blog de PALABRAS NO AR.
A primeira corresponde a unha actividade de Adiviña Animais feita no Ceip Santo Paio de Abaixo para a que inventamos un divertido xogo que agardamos vos guste.
http://palabrasnoar.wordpress.com/2009/11/20/pequechos-do-mar-de-redondela/
En breve teredes máis novas sobre os obradoiros e sobre algúnha das sesións de contos que ainda non publicamos.
Moitas grazas e non esquecedes enviarvos os vosos comentarios e suxerencias."

TÍTERES

Este mércores, 18 de novembro, os nenos e nenas de 4º, 5º e 6º curso foron convidados ao multiusos de Redondela a ver unha obriña de Títeres, escoitade o que vos teñen que dicir Carla, Claudia e Lorena

"Xa emprendemos a viaxe.

Xa está empezando o "Títiricircus de Tanxarina Títeres e Marionetas". Son moi graciosos. Ja, ja,ja. Mándannos facer un "Suspense", é como aplaudir. Presentáronnos a Bigotini; a unha serpe chamada Josefina e a un señor da Arxentina, Palindranate, que fai número con Josefina; Hai que aplaudir moi baixiño para que o señor Tato non se asuste, o señor Tato e pallaso e malabarista; Tamén nos reunimos co señor Venancio que está a facer as rampas saltadoras, e atención ao gran final, saltou por enriba de Alba, unha nena do noso cole.

Pasámolo Xenial!!"

CARLA,CLAUDIA E LORENA

ACTUACIENCIA

"COMO AS BACTERIAS SE ADAPTAN AOS ANTIBIÓTICOS"

Poden as bacterias evolucionar e adaptarse aos antibióticos?

Son sempre infalibles os antibióticos?

Debemos automedicarnos?

Estas e outras preguntas foron as que nos resolveron a Compañía de Teatro Xerpo coa súa obra ao redor dos antibióticos, enmarcada dentro do Proxecto Actuaciencia no que colaboran o Servizo galego de saúde, Innovación, ciencia e tecnoloxía e a Xunta de Galicia.

Pero, por se todavía quedastes con dúbidas, podedes entrar na súa páxina e resolvelas: http://www.actuaciencia.org/ . Aquí ademais vades topar nos próximos días algunhas das vosas fotos, buscade na sección "NOVAS".

Mentras aquí tedes un vídeo da súa actuación.

Recordades como era a canción?

AS FESTAS DO ANO: O OUTONO

E con el as castañas.

Aquí vos presentamos o cuaderniño que editamos dende o Equipo de Normalización Lingüística, cos materiais que recollemos o pasado curso ao redor do outono: "Contos, cantos, refráns, adiviñas,... "

O noso agradecemento a todas as familias que colaboraron na súa elaboración!!

CONCURSO ADIVIÑAS 4

ADIVIÑA 4

Son de terra e son de aire,

cando de andar estou canso

se se me antolla, voo

ou, se se me antolla, nado.

CHEGA "LUNA NUEVA"

Adiántase o estreno de "Luna Nueva", a segunda parte da saga "Crepúsculo". Atentos, o día 18, o próximo mércores, por fin nas nosas pantallas. Non desesperedes, xa falta pouco, mentras a seguir lendo o libro, para non perdernos detalle. Recordade que o tedes na Biblio, aínda que está tan solicitado, que vades ter que reservalo.

Para moi curiosos e impacientes, aquí vai un adianto:

• Páxina oficial da Película (con trailers, fondos de pantalla para baixar,...)

• Páxina da autora Stephanie Meyer (En inglés)

• Páxina da Editorial que publica o libro en Español (co primeiro capítulo de cada un dos libros, e algo máis...)

Pero, todavía hai máis:

Sabedes que o estreno mundial da película vai ser en Madrid?.

Sabedes tamén que na banda sonora da película ademais de grupos internacionais como "The Killers", "Muse", ou "Thom Yorke", tamén hai unha canción dun trio pop-punk español?

A canción chámase: "Sed"(seguro que sabedes porque). Pero, saberedes cal é o nome do grupo español que colabora na banda sonora orixinal de "Luna Nueva"?. (Atentos ao vídeo)

SOLUCIÓN ADIVIÑA 3

A CASTAÑA

Algúns despistáronse desta vez!!

Consultade a clasificación. Sabedes onde?. Seguro que si. Pero, por se queda algún despistado, recordade, na sección "Os nosos recunchos"-"Concurso de adiviñas"

A ver na próxima. Sorte!

DEBUXANDO CON SUSO CUBEIRO

Hoxe tocaba obradoiro de ilustración xunto a este fantástico ilustrador de Natureza que é Suso Cubeiro. Seguro que recordades todos esos marabillosos libros nos que participou: "Larita", do que ademáis é autor; "El secreto del bosque viejo", con esas extraordinarias ilustracións que gardan tantos segredos; "No corazón da fraga", "O señor mago e a folla", e tantos outros...

Descubrimos que cunhas cantas figuras xeométricas podemos facer innumerables personaxes, humanos e animais.

Agora xa podemos ilustrar os nosos contos.

Esperamos os vosos debuxos!!

OBRADOIRO DE ORALIDADE

A golpe de xoves nenos e nenas de quinto curso puderon disfrutar dunha interesante sesión, onde deron renda solta á súa imaxinación: Leron poemas de Celso Emilio Ferreiro e Rosalía de Castro, crearon adiviñas a partires dun animal mariño,... e da man de Alberto Barreiro que dirixía o obradoiro, gravaron o son de todo o que alí se fixo.

Segundo nos dixeron logo, con todas esas gravacións elaborarán un CD co que nos agasallarán e emitirano a través da Radio Local.

Teremos que estar ao "loro".

Esta actividade está enmarcada no programa "Bocaberta", da Secretaría Xeral de Política Lingüística. Programa de dinamización que ten como obxectivo fomentar o uso da lingua galega nas franxas máis novas.

Este ano tocounos traballar coa editora Kalandraka e a súa campaña "Palabras no ar" da que somentes puidemos contar co obradoiro. Que pena de contacontos!!

Entrade na súa páxina e avisade se saen as vosas gravacións!!

MAGOSTO EN REBOREDA

Un ano máis chegou o San Martiño, e con el o Magosto. Cantamos, bailamos, xogamos, ... e comemos mooooooooooiiiitas castañas!! Canto nos gustan !! E para rematar, ... negros coma chamizos, como ten que ser.

Saberedes quen foi o/a que comeu máis castañas na mañá de hoxe?

CONCURSO ADIVIÑAS 3

ADIVIÑA 3

Alto me vin,
baixo me vexo,
e aló enriba

quedoume o pelexo

SOLUCIÓN ADIVIÑA 2

A CABAZA

Moi ben!, Moi ben!

Fostes moitos os que acertastes.

E seguro que sabedes que esa fermosa pero terrorífica adiviña sacámola dun libro de poesía que temos na biblio: "Adiviñas Monstruosas" de Gloria Sánchez. Pasade a velo, e autenticamente monstruoso, Auuuuuuuuuuuuuh!!!