Irea, Marta, Leila e Marey de 5º B ofrecéronse para facer unha gravación da adaptación á LSE da canción da paz deste ano. Aquí tedes o resultado. Moi bo, a pesar de non termos ensaios previos. Agora xa podedes practicala en LSE!!! Grazas chicas!
 

 

RECURSOS PARA O DÍA DA PAZ

Esta semana que entra imos celebrar o día da PAZ. A nosa amiga Belén Junquera creou este symbaloo cheo de recursos para poder traballar esta data. Aquí volo deixo. Unha vez máis, moitas grazas Belén.

 

http://www.symbaloo.com/mix/recursospaz

SIGNOS PARA O DÍA DA PAZ

Xa temos aquí a segunda lección de signos para toda a comunidade educativa do noso cole. Nesta ocasión, Brais e Marta contaron coa inestimable colaboración dos Cocoricos A. Faltounos un dos profes (Diego) que estaba no médico cando gravamos pero para a próxima non faltará.

Os signos a aprender nesta ocasión están relacionados coa PAZ xa que para a semana conmemoraremos esta data no noso centro. Os signos son os de: PAZ, AMIGO, AMOR e DIÁLOGO.

Esperamos que vos guste e que os practiquedes con nós. Ata a próxima.

CANCIÓN DA PAZ

Xa temos nova alarma no cole, desta volta é un canto á alegría e á paz. O 30 de xuño cantarémola todos xuntos no patio do cole. Ide aprendéndoa!!

Alegría, uuuuh! Alegría, yes! Cantemos como é bo ser alegre todo o día.
Alegría, uuuuh! Alegría, yes! Cantemos como é bo ser alegre todo o día.
O día amañece; e con el o noso sol, brillante e colorido; nun sorriso alto, astral.
Ás veces é a chuvia que nos ven despertar; mais sempre todo o día, a alegría vai estar.



Alegría, uuuuh! Alegría, yes! Cantemos como é bo ser alegre todo o día.
Alegría, uuuuh! Alegría, yes! Cantemos como é bo ser alegre todo o día.
Hai días que desperto e síntome feliz. Eu salto entón da cama, eu quero ser máis feliz.
O día vai pasando, e a alegría vou xuntando;

a noite ven chegando, a alegría está sobrando.

 

OS PEQUES NO MEIRANDE

Este ano estamos a traballar arreo sobre a nosa vila e tivemos a oportunidade de visitar o Meirande. Quen ia pensar que unha vila tan pequena fóra esceario de grandes batallas, tesouros escondidos e ata a inspiración para o libro de Xulio Verne "20.000 Leguas de Viaxe Submarino" Aquí tedes un resumo da nosa visita vista por cada un dos grupos que fomos: OS COCORICOS A OS SAPIENS

Create a free photo slideshow

OS WATERS E OS COCORICOS B

OS NEN@S DE REBOREDA PIDEN O AGUINALDO

ESTE NADAL, COMO EN ANOS ANTERIORES, OS NEN@S DE INFANTIL DE 4 ANOS, 1º, 3º E 5º PEDIRON O AGUINALDO. OS MÁIS PEQUENOS FORON POLAS AULAS COAS SÚAS CANCIÓNS PERO, OS MAIORES (3º E 5º) ESTE ANO DERON UN PASO MAÍS; CON MOITO ESFORZO DELES, DA PROFE ISABEL (PROFE DE MÚSICA) E DAS TITORAS, CREARON UNHA RONDALLA QUE PERCORREU AS RÚAS DE REBOREDA. AQUÍ VOS DEIXAMOS ALGÚNS VÍDEOS DAS CANCIÓNS E DA RONDALLA. NORABOA A TOD@S POR ESTE GRAN TRABALLO!  

4 ANOS PIDE O AGUINALDO: "A BELÉN VOU EN TREN"
1º PIDE O AGUINALDO: "MARIÑEIRO, MARIÑEIRO"  
CONSTRUINDO A RONDALLA  
A RONADALLA POLA RÚA

CONCURSO LITERARIO

Comezamos o ano con boas novas, Antía Quinteiro de 6º B gaña o I Concurso literario infantil: "Conta o teu soño" organizado pola asociación Lenda de Redondela. PARABÉNS ANTÍA!

AS MAIMIÑAS ESTRÉANSE EN REDONDELA!!!!

O sábado día 4 de xaneiro ás 18:00 AS MAIMIÑAS presentarán o seu primeiro disco “O SOÑO DE ZALO” no multiusos de Redondela. A entrada son 2€ por adulto e 1€ por neno. Non perdades a oportunidade de ir!

MARGARIDA VISITA...
Xa está aquí a primeira entrega das viaxes que Margarida. Desta volta estivo en Saxamonde, Ventosela, Reboreda e O Viso...Coñeces algún destes lugares? Non vos perdades a seguinte viaxe!!!

 Música do grupo Tanto nos ten, Redondela

CONCURSO DE POSTAIS DE NADAL

Este ano, como nos anteriores, o EDLG do CEIP Santo Paio organizamos o cocurso de postais que despois repartimos a toda a comunidade educativa. O autor da postal gañadora deste ano é:

PABLO JESÚS MARTÍNEZ COUÑAGO DE 5º A.

O traballo de selección foi moi difícil porque todas as postais eran estupendas! 

Aquí vos deixamos as finalistas.

 

LUCÍA RODRÍGUEZ VILAS 
5º B

DIEGO MUÍÑOS MÍGUEZ 5º B

                            

JOSE RODRÍGUEZ DOMÍNGUEZ 
5º B

MARTA MÍGUEZ MONTEAGUDO 
5º B

CHEGOU A MAXIA ... AO COLE

"Agora me ves... Agora..." 

Onte o Centro estivo cheo de "Maxia", e non polo Nadal, que tamén. Tivemos connosco ao Mago Eloy, que coa axuda dalgúns compañeiros, fixeron cousas incribles.


Parecía cousa de "Maxia", as cartas aparecían e desaparecían, as moedas, ... eu que sei. Que rapidez!. Foi unha actuación moi divertida.

E como introdución unha compañeira de quinto curso, Lucía, leunos un conto precioso. Xenial!

APRENDE LSE CON NÓS

Este curso queremos retomar a experiencia de difusión da LSE que iniciamos hai 2 anos no blog da biblioteca. Se vos lembrades, cada vez que se achegaba unha data especial do calendario (Nadal, Samaín…) colgabamos 3 u 4 signos relacionados co acontecemento, para que tod@s os aprendésemos. Así, neste curso queremos volver a animarvos a coñecer e empregar a LSE. Para que sexa máis divertido e cercano, nesta ocasión, os profes serán os alumnos do noso cole que están a empregar esta lingua: Brais, Marta e Diego.