Un ano máis o Ceip Santo Paio de Abaixo convoca o Concurso Narrativo "Da Reboraina". Son xa 14 os anos que levamos organizando este concurso de narrativa co que pretendemos darlle un pulo aos pequenos escritores e escritoras da nosa zona.
Vai dirixido ao alumnado de 2º e 3º ciclos do noso Centro, e a todo aquel alumnado de Secundaria dos institutos do Concello de Redondela que queiran participar.
Que, animádesvos a participar?? Seredes quen de demostrar as grandes e marabillosas historias que levades dentro??
Poñede en funcionamento a vosa imaxinación e escribide os vosos relatos!
