NOVIDADES

Como empezastes a ver esta semana, na entrada da Biblio colocamos unha mesa para expoñer todos esos libros novos que van chegando. Tedes que pasar e curiosear, seguro que atopades o voso libro especial, ese que vos vai facer soñar e imaxinar, ver e crer, ... pedídelle consello aos bibliotecarios, eles poden axudarvos na vosa busca.

NOVOS ENLACES

Seguro que xa vos destes conta, pero para os que non, si botades unha ollada á columna lateral, veredes que temos dous enlaces novos: O Club de Escritura, e O Club de Lectura.

Estas novas páxinas funcionarán coas vosas aportacións, as vosas creacións literarias, as vosas opinións e recomendacións sobre os libros que vades lendo, ... Entrade e curioseade, atoparedes xa cousiñas de algúns compañeiros.

Contamos con vos!!!

POETAS POR UN MUNDO MELLOR

Xosé María Álvarez Blázquez (1915-1985), autor homenaxeado este ano 2008 nas Letras Galegas, xa nos dicía entón as cousas que pasan neste mundo en que vivimos, e que as veces preferimos non ver.

"Ise neno da rúa"

Non é certo que os nenos teñan fame

Non pode ser.

Ben o sabedes todos

os que andades no mundo atafegados

á percura do pan dos vosos fillos

Ises outros que vedes pola rúa

pedindo esmola,

non teñen fame, non, porque daquela

vos teríades morto de vergonza.

E ben vos vexo andar nos vosos coches

ou nos tranvías, a berrar de cousas

estranas, -¡viva, beba, baba, buba¡-

sen reparar naquil esfarrapado

que coa moura mauciña está petando

na porta de ferro.

Por iso penso que non é verdade

o que algún caviloso di dos nenos

que andan así petando pola vida

-¡Non, home, non¡- lle dixen a un de aqueles-

A xente pasa leda......¡Fora boa

que andivesen a rirse dos seus crimes¡

Xosé María Álvarez Blázquez

30 XANEIRO 2008: DÍA DA PAZ

É totalmente inaceptable que en pleno século XXI os paises máis desenvolvidos sigan tratando de resolver as súas diferencias cos paises máis pobres recurrindo á guerra, esquecéndose dos valores que sustentan a Carta Fundacional de Nacións Unidas e a Declaración de Dereitos Humanos.

"Non hai camiños para a PAZ, a PAZ é o camiño"

O NOSO DÍA DE PAZ

Os alumnos/as do CEIP Sto. Paio de Abaixo celebran o Día da Paz o mércores 30 de xaneiro:

Durante toda a semana iremos confeccionando un mural coas pombas e as súas mensaxes de paz.

Durante a mañá do mércores visionaremos varios vídeos alusivos á Paz.

A partires das 12:45 da mañá todos os cursos recitarán poemas . O lema deste ano é: "Camiños para a Paz". Cada neno/a recortará un pé segundo un modelo e dunha cor determinada. No patio colocaremonos en círculo semellando o globo terráqueo. Iremos colocando os pés facendo camiños cara ao centro onde estará a palabra PAZ.

Finalmente, cantaremos a canción de Antonio Flores "No dudaría" e remataremos cunha solta de pombas e un forte aplauso pola Paz.

"Non hai camiños para a Paz, a Paz é o camiño"

Mahatma Gandhi

DÍA DA PAZ

Hoxe, calquera día, todos os días,... son un bo momento para celebrar a Paz.

365 + 1 días pola Paz.

No dudaría (Antonio Flores)

Si pudiera olvidar
Todo aquello que fui
Si pudiera borrar
Todo lo que yo vi
No dudaría
No dudaría en volver a reír
Si pudiera explicar
Las vidas que quite
Si pudiera quemar
Las armas que use
No dudaría
No dudaría en volver a reír
Prometo ver la alegría
Escarmentar de la experiencia
Pero nunca, nunca mas
Usar la violencia
Si pudiera sembrar
Los campos que arrasé
Si pudiera devolver
La paz que quité
No dudaría
No dudaría en volver a reír
Si pudiera olvidar
Aquel llanto que oí
Si pudiera lograr
Apartarlo de mí
No dudaría
No dudaría en volver a reír
Prometo ver la alegría
Escarmentar de la experiencia
Pero nunca, nunca mas
Usar la violencia

30 de Xaneiro de 2008

POLA PAZ

Os blogues das bibliotecas escolares galegas, unha vez máis, unímonos na loita do dereito primordial de todo ser humano: a convivencia pacífica. Porque sabemos que a base de toda coexistencia é o entendemento, o diálogo, o feito de saber abrir os nosos ollos e os nosos oídos para escoitar e entender, desexamos elevar as nosas voces como unha soa, un só berro unido por unha soa palabra, a palabra máis fermosa que debe reinar as nosas existencias: PAZ. E para reclamala, para pedir aos gobernos que senten a dialogar, para pedir a todo home e muller que habite sobre a face da terra que sexa quen de trocar puños e fusís por verbas e entendemento, por conmiseración e diálogo, por amizade e respecto, é polo que estamos aquí. Dende hoxe até o día 30, lembrarémosvos que podemos vivir en paz, que só hai que crer nela, confiar nela, traballar por ela. O noso labor primordial é e será sempre ensinar respecto, democracia e educación. O noso labor é axudar por unha mellor sociedade do futuro.

HORA DE LER

Seguindo coa campaña de fomento da lectura "Hora de ler" os nenos e nenas de educación infantil seguen a traballar arreo cos contos.

OS CONTOS DO CAMIÑO

Este martes día 15 de Xaneiro os nenos e nenas de Infantil de 5 anos, 1º e 2º cursos de primaria, asistiron a unha sesión de contacontos a cargo de Raquel Méndez no multiusos de Redondela.

Nesta iniciativa que pretende dar a coñecer os Camiños ós máis pequenos, ademáis de escoitar atentos en que consistía o Camiño de Santiago, as distintas rutas e contos doutras culturas, tiveron que, por aula, levar unha pedra, imitando así ós antigos peregrinos e deixar constancia da súa participación nun caderno de viaxe.

Pedras e cadernos exporanse ó remate dos Camiños en Santiago de Compostela, no Museo do Pobo Galego.

LEVA LIBROS PARA CASA

Este luns, día 14 de xaneiro, recomezamos o servizo de préstamo nos recreos, non vos esquezades.

Recordade que podedes visitar a biblio todos os días, pero cada curso so pode levar en préstamo para casa un día á semana. Os luns, 2º curso; os martes, 3º e 4º cursos; os xoves, 1º curso; e os venres, 5º e 6º cursos. Os Mércores quedan reservados para as distintas actividades que realizan os alumnos.

Esperámosvos!!!!!

GUÍA LECTURAS

Aproveitando que chegan os reis queriamos recordarvos que tamén se pode regalar un libro.

Na guía de lecturas que enviamos para casa tedes varios títulos para poder elixir segundo a idade, incluso para os papás e as mamás.

BO NADAL!!!!

e

BOAS LECTURAS!!!!

BO NADAL!!!!

Rematamos o trimestre, e como todos os anos, para felicitarnos o Nadal o equipo de dinamización lingüística organiza no centro un concurso de postais. Este ano tocáballe ao primeiro ciclo de primaria e os nenos e nenas de 1º e 2º cursos fixeron unhas postais extraordinarias, pero unha tiña que ser a seleccionada.
Con esta postal desexámosvos a todos un...

BO NADAL

e un

PRÓSPERO ANINOVO!!!