ZOOTROPOLIS 2

 Xa estamos rematando o trimestre, e onte todo o cole nos achegamos ao cine @cineyelmo a ver o peliculón de Zootrópolis 2. Encantounos e estivemos do máis relaxado.

#ceipplurilingüereboreda

ACHÉGASE O NADAL

 En quinto estamos programando con Scratch. Inda non temos o resultado definitivo pero estes días conseguimos programar neve.

#quintoreboreda, #edudixital, #poloscreativos, #edixgal, #robotica, #scratch, #aprenderprogramando

PLENO INFANTIL

 Hoxe tivemos a fortuna de poder participar nun pleno do Concello! Unha vez ao ano organízase un pleno infantil e desta volta recaeu en nós a responsabilidade de representar ao noso centro.

Deixámosvos o enlace para poder ver a gravación.

https://www.redondelaberta.gal/videodetail/956

25 DE NOVEMBRO NO MAR REALIDADES QUE CONTAR

No noso centro celebramos o #25denovembro de maneira especial. Este ano, aproveitando o PDI e formando parte da rede de Escolas Azuis, decidimos afondar na relación das nosas familias co mar.

Para iso, enviamos enquisas ás casas e, a través dos datos recollidos, analizamos as condicións das mulleres que se adican ao mar, as súas experiencias e os retos que afrontan na súa vida laboral e persoal.

Cada aula, desde Infantil ata Primaria, traballou sobre os datos e plasmou as súas reflexións nun mural colectivo. Despois, unha parella de alumnos e alumnas de cada clase presentaron as súas conclusóns no salón de actos, compartindo co resto do centro o importante traballo realizado.

Coa nosa actividade, quixemos destacar a importancia de sensibilizar sobre a violencia de xénero, especialmente no contexto do mar, onde as mulleres, a miúdo invisibilizadas, xogaron e xogan un papel fundamental.

#proxectooquenostraeamarea #ceipReboreda

MUSEO DO MAR

 A finais do mes de novembro, o alumnado de primeiro ciclo visitou o @museodomardegalicia . Unha visita guiada e un obradoiro que nos achegaron a un mar que temos moi preto pero do que descoñecemos moitas cousas. E como para amar e protexer, primeiro hai que coñecer....que mellor visita que esta. 💙

#museodomar #oquenostraiaamarea

SAMAÍN: EXPOSICIÓN DE CABAZAS

 Polo Samaín e, grazas á colaboración das familias, os nosos corredores enchéronse de cabazas decoradas ,moitas delas inspiradas na temática do mar, proxecto deste curso no noso cole.

🎞️ Así tamén, como cada ano, participaron na realización das curtametraxes que visionamos todos xuntos.
📚Nesta ocasión, tamén os contos foron protagonistas .O alumnado colleu entradas para desfrutar ,por quendas , da narración de lendas sobre o mar , seres mitolóxicos, piratas ou barcos fantasmas...
🍩Pola súa banda, a anpa agasallou ao alumnado con rosquillas.
🎭 Para rematar a mañá, fixemos un gran desfile de disfraces e pechamos a celebración bailando.
👻Un de moita festa e pouco medo!

A PRAIA DE CESANTES

 Os quintos fixemos o noso primeiro traballo de equipo sobre o ecosistema da Praia de Cesantes. Foron días intensos de traballo pero pagaron a pena.

#quintoreboreda, #pdioquenostraeamarea, #ciencias, #aprenderfacendo

FESTIVAL DE CURTAS

 Xa está aquí!

#biblioblogreboreda, #equipazoprofesreboreda, #actividadescomplementarias, #equipotics, #dinamizacion, #oquenostraeamarea

ARTE E LITERATURA

 Na aula de 4º de Ed. Infantil comezamos a desfrutar da nósa chegada ao cole mesturando arte con literatura. Encántanos.

INICIO DO PDI: PROXECTO LIBERAE LIMPEZA NA PRAIA DE CESANTES

 Hoxe arrincamos o noso proxecto "O que trae a marea" visitando a praia de Cesantes. Cada aula fixo unha recollida de lixo como parte do proxecto Libera no que participamos este curso A. actividade tamén nos axudou a desenvolver a nosa concienciación medioambiental, obxectivo fundamental do proxecto @voznatura no que participamos.

Para saber máis sobre a praia participamos nun rastrexo organizado polo equipo do PDI do centro. Aprendemos moitísimo, desfrutamos coa contorna e, ademáis, pasámolo tan ben que se nos fixo curto.
Que pasada poder comezar un proxecto de centro así.
O noso cole mola, mola moitísimo!!!
Estamos desexando ver que outras cousas nos traerá a marea.
#quintoreboreda, #proxectolibera, #voznatura, #pdioquenostraeamarea,#onosocolemola, #aprenderfacendo

ESCAPE ROOM: O TESOURO DE RANDE

 Está semana foi moi intensa.

Clase nova, profes novas, novos compañeiros e compañeiras e unha marea que vai traer moitas cousas.
A nós tróuxonos un tesouro. Iso si, non foi fácil atopalo.
#quintoreboreda, #primeiro osdias, #pdioquenostraeamarea, #aprenderfacendo

INICIO DE CURSO

 Novo curso, novo comezo. Como nos gusta este día. Nervos, reencontros, sorpresas, emoción e unha chea de cousas novas.

Este curso imos deixar que a marea nos envolva co seu vaivén e nos ensine todo o que agocha dentro.
Os quintos comezamos nunha praia moi especial.
As primeiras ondas serviron para coñecernos un pouquiño. #quintoreboreda, pdioquenostraeamarea, #primeiirosdias

ARRANCAMOS CURSO E CON EL NOVO PROXECTO

 Este ano arrancamos moi emocionados porque temos un proxecto que nos encantada.

Estades preparados para todo o que nos agarda? Pois poñede os chalecos salvavidas que zarpamos.

+RÍAS

Os alumnos e alumnas de sexto desfrutamos, da man da Deputación de Pontevedra e do proxecto +Rías, dunha sesión para coñecer o noso mar, que se completou cunha sesión de marisqueo no Porto de Cesantes guiados por Gloria e Sebe. Foi xenial!!! Que gusto aprender directamente na contorna e cantos tesouros temos na Ensenada.

#sextoreboreda, #+rías, #amarturmar, #redenatura2000, #aprenderfacendo

TORNEO DE XADREZ

 Un ano máis, o alumnado de quinto e sexto participamos no torneo de xadrez intercentros organizado polo IES Floriani, que tivo lugar na Alameda de Redondela.

Conseguimos escapar do mal tempo e pasamos unha mañá diferente e moi entretida. #torneoxadrezintercentrosredondela

DÍA DAS LETRAS GALEGAS

 Este ano, o día das #letrasgalegas está adicado ás CANTAREIRAS. Como non podía ser doutro xeito, no cole de Reboreda celebrámolo cantando, da man da profe Isa. Compartimos unha pequena mostra:

🎶As nenas e nenos de sexto interpretaron a Xota de Ultreia.
🎶Quinto e cuarto curso Agharrado de Liñares de Avión.
🎶Terceiro e segundo curso Agharrado de Vilar de Cabeiras.
🎶Primeiro e infantil cantamos Castañas Asadas.

Por último, todo o alumnado e profesorado cantamos a Danza de Agrazón de Eva Castiñeiras.

Unha vez máis queremos agradecer á Profe Isa polo seu traballo, esforzo e sabedoría! Grazas❤️🎶🙏🏽

Moi feliz Día das Letras Galegas a todas e todos! ❤️

SEMANA DAS LETRAS GALEGAS

 Seguimos desfrutando das actividades programadas para a conmemoración das #letrasgalegas . Nesta ocasión retomamos os xogos tradicionais, marabilla de préstamo da Concellaría de Xuventude do Concello do Grove.

De luns a xoves, cada aula, foi pasando polos diferentes espazos do centro nos que se atopaban os xogos. O venres, no horario dos obradoiros, organizamos unha xornada para xogar todos xuntos. Pasámolo en grande!

GALICIENCIA

 Un ano máis, o alumnado de sexto participou activamente en Galiciencia. Este ano a temática é o noso cerebro e aproveitamos para investigar como funciona o noso cerebro, que poden facer por nós os pasamentos, os xogos de lóxica, a alimentación ou o ioga.

Os alumnos de quinto aproveitaron para visitar a feira e participar nos talleres. 

Foi unha xornada estupenda!!!

PREPARANDO GALICIENCIA

 Antes de ir a Galiciencia tivemos moito, moito traballo. Tardes no cole, investigación na casa e ata cadea de traballo na aula. Desesperación, algún que outro enfado pero con vontade sacámolo adiante.

#sextoreboreda, #galiciencia, #aprenderfacendo

INAGURACIÓN DA SEMANA DAS LETRAS GALEGAS

 E así, ao son da boa música tradicional, como non podía ser doutra maneira, inaguramos a Semana das Letras. Grazas á asociación O Carballo das Cen Pólas @carballocenpolas78!

OBRADOIRO DE INSTRUMENTOS TRADICIONAIS

 A rapazada de 5° e 6° inaguramos o "Mes das Letras" cun obradoiro titulado "O papel da muller nos intrumentos miúdos", a cargo de Erica Iglesias. Nel puidemos repasar instrumentos básicos da nosa tradición musical como: a pandeireta, a pandeira, o pandeiro, as culleres, as cunchas, o sistro,...entre outros.

Grazas Erica por ensinarnos un pouquiño da nosa cultura.

#quintoreboreda #sextoreboreda #edlg #músicatradicional #aprenderfacendo #onosocolemola

INSPIRING GIRLS: ANTONIA OTERO

 Dentro do programa Inspiring Girls tivemos a sorte de contar coa visita de Antonia Otero, enxeñeira de telecomunicacións e, ademáis, ex alumna do noso cole.

Veu falarnos da súa vida, das súas inquedanzas e, por suposto, da súa paixón pola tecnoloxía. Unha visita estupenda e moi motivadora para tod@s.
Moitas grazas a Antonia pola visita. Encantounos!

APADRINAMENTO LECTOR

 Un ano máis, celebramos o Día do libro cun apadriñamento lector.

O alumnado de segundo e terceiro ciclo apadriñou ao alumnado de infantil, primeiro e segundo preparando para eles a lectura dun libro . Previamente moitos interesáronse polos gustos dos seus apadriñados, pasaron ratiños xuntos, deseñaron xogos , monicreques, pasatempos...cos que acompañar a lectura. Pola súa banda , os apadriñados agasalláronos cun marcapáxinas en forma de xirasol, inspirado nos Xirasoles de Van Gogh , facendo referencia ao proxecto sobre arte deste curso.
Que mellor maneira de celebrar que con estos momentos de lectura compartida ! ☀️📚🌳

ATRAPADOS NA CASA DE ESCHER

 Seguimos traballando Escher de xeito interdisciplinar. Fai uns días quedamos atrapados na súa obra: relatividade e tocounos facer Unha chea de cálculos para poder saír da mesma. Desa mesma tarefa sairon historias matemáticas moi, moi interesantes.

#sextoreboreda, #pdiunanonomuseo, #escher, #udi, #aprenderfacendo