DÍA DE ROSALÍA DE CASTRO

O CEIP SANTO PAIO DE ABAIXO PARTICIPA NA INICIATIVA DA ASOCIACIÓN DE ESCRITORES EN LINGUA GALEGA PARA CELEBRAR O DÍA DE ROSALÍA DE CASTRO (24 DE FEBREIRO).

O POEMA ESCOLLIDO É "DIOS BENDIGA TODO, NENA", DE CANTARES GALLEGOS, RECITADO POLOS ALUMNOS DE TODOS OS NIVEIS.

CONCURSO DE CONTOS DA ASOCIACIÓN CULTURAL FROLES MARELIÑAS

Este ano a Asociación Cultural Froles Mareliñas convoca o seu primeiro concurso de contos no que se pode participar en tres categorías: infantil ata os 12 anos, xuvenil de 13 a 17 e adultos a partir de 18 anos.

O premio é de 100 euros para o gañador de cada categoría, pero con todos os contos, editarase un libro de recompilación, que é un xeito de premiar a todos os participantes.

A entrega de premios, será no Multiusos de Chapela o día 17 de maio.

ENTROIDO EN REBOREDA

O venres celebramos o entroido no colexio. 

Todo estaba relacionado co proyecto deste curso "O ser humano, un ser extraordinario". Polo que había disfraces históricos: mulleres e homes da Prehistoria (trogloditas), faraóns e faraonas  chegados do antigo Exipto coa súa corte e damas e cabaleiros da Idade Media; disfraces relacionados co corpo humano: glóbulos vermellos, glóbulos brancos, plaquetas e virus; e tamén disfraces relacionados coas artes, descubrimentos e creacións humanas...
Que bonito e lucido quedou o desfile!

 Os nen@s do 3º ciclo decidiron representar as artes: música, literatura, pintura, escultura, arquitectura, astronomía, cine...
Así poidemos ver afamados pintores (Picasso, Frida Kahlo, Dali e Velázquez) e algúns dos seus cadros; a personaxes de cine; a Mozart, Beethoven, a danza e as súas partituras; a Eiffel coa súa torre, as creacións de Gaudí, esculturas das épocas clásicas e modernas ; a Cervantes, Shakespeare e algunhas das grandes obras da literatura; a Galileo e o Sistema Solar; e sen esquecer os vídeoxogos, unha das máis recentes creacións humanas.

DÍA DA PAZ

Hoxe, 30 de xaneiro, saimos todos os cursos ao patio para celebrar o 

Día da Paz.

Reunímonos ao redor do mural que fixemos entre tod@s, recitamos poemas, cantamos a nosa canción e soñamos cun mundo sempre en PAZ.

CANTARELA DE AMOR E PAZ

AQUÍ VOS DEIXAMOS A CANCIÓN DA PAZ SIGNADA PARA QUE 

TODOS POIDAMOS ENSAIALA E MAÑÁ SAIA XENIAL!

Titúlase CANTARELA DOS NENOS  e a letra é do poeta Xosé Neira Vilas

ODAIKO nas escolas

O mércores 16 de xaneiro os de 5º e 6º visitamos o Auditorio do Centro Cultural Novagalicia en Vigo, para escoitar o concerto didáctico do grupo de percusión ODAIKO (¿sabedes de onde ven esa palabra?). 

Pasámolo en grande, miramos e escoitamos no escenario todos aqueles sons que sabemos facer co instrumento musical máis vello: O CORPO. 

Tamén fixeron verdadeiras virguerías con obxectos cotiáns...
E por suposto, tocaron os instrumentos de percusión máis sofisticados -como a MARIMBA-,
pero ... ao seu xeito. 

¡¡¡RIMOS MOITÍSIMO!!! 

¡¡¡ENCANTOUNOS!!!

FESTIVAL DE PANXOLIÑAS

Pero o mellor chegou co Festival de Panxoliñas... 

Non quedou ninguén sen cantar (incluidos os mestres).

Que ben o fixestes tod@s!!!

VISITAS REAIS

Antes de marchar de vacacións tivemos a visita do paxe que viña  recoller as cartas con todos os nosos desexos...

E o última día, sorpresa!

Visitáronnos os Reis Magos en persoa e cargados de caramelos, que ricos estaban!

CHEGOU O NADAL A REBOREDA

 O nadal respirouse por todos os recunchos do colexio...

Coa árbore e o belén na entrada; as clases e os corredores adornados e preciosos; algúns nen@s pedindo o aguinaldo e escoitándose panxoliñas en todas as linguas...

GUÍA DE LECTURAS PARA O NADAL

Ola a tod@s!

Aquí tedes a nosa guía de lecturas con moitas recomendacións e novidades para todos os ciclos.

Aproveitamos para desexarvos un BO NADAL e esperamos que os libros teñan un lugar especial entre os vosos agasallos.

(pinchade na parte inferior dereita para velo ampliado)

RECITANDO CELSOEMILIO

DENDE O CEIP SANTO PAIO DE ABAIXO PARTICIPAMOS NUN ACTO COLECTIVO PARA RECORDAR A CELSO EMILIO FERREIRO NO CENTENARIO DO SEU NACEMENTO. A ESTA INICIATIVA SUMÁMONOS MÁIS DE 200 CENTROS GALEGOS E 30.000 VOCES QUE RECITAMOS, Á VEZ, O POEMA "DEITADO FRONTE AO MAR".

Contacontos e debuxos para homenaxear aos Irmáns Grimm

Para conmemorar os 200 anos da primeira edición de "Los cuentos para la infancia y el hogar" dos Irmáns Grimm (20 de decembro), a Fundación Filomena Rivero en colaboración coa Biblioteca Municipal de Redondela, organiza dúas sesións de contacontos e un concurso de debuxo no mes de decembro:

"Contos Grimmosos para nenos animosos"

( para nenos de 3 a 5 anos) O luns, 10 de decembro

"Contos dos Irmáns Grimm para tremer e rir"

(para nenos de 6 a 9 anos) O venres, 14 de decembro

Hora: 18:30 horas

Lugar: Sala Infantil da Biblioteca Municipal
(Multiusos da Xunqueira)

Ademais, os nen@s que asistan poden participar nun CONCURSO : 

"Debuxa a túa escena favorita dos contos que escoitaches", 

no que poderán participar os rapaces que asistiron aos contacontos.
Remate do prazo de entrega dos debuxos:
mércores, 19 de decembro (na Sala Infantil da Biblioteca)
Entrega de premios:
venres, 21 de decembro ás 18:30 h. (na Sala Infantil da Biblioteca)