VISITA ÁS ILLAS CÍES

Previo á visita ás Illas Cíes, os nenos e nenas de 5º Curso de Primaria, traballaron arreo para coñecer a fondo as illas. Margarida, a nosa mascota serviulles de guía.

O próximo xoves día 10 de Abril visitarán as illas, esperamos que nos conten como foi a experiencia.

ILUSTRANDO CONTOS

Como auténticos ilustradores e ilustradoras, os nenos e nenas de 1º xunto coa súa titora fixeron este magnífico traballo adaptando o conto, "O Pirata Pata de Lata".

SPIDERWICK

Aproveitando que nos vamos de vacacións unha semaniña, aproveitade para xogar moito e... estudar algo, e si podedes ahí vos vai unha recomendación para o cine: "Las crónicas de Spiderwick", que aínda que todavía non a vimos, pois a estrea era hoxe venres día 14 de Marzo, xa lemos algún dos 5 volumes da serie de libros, que poderedes atopar na Biblio, e ... Promete.

BOAS VACACIÓNS!!!!

Web da Peli: www.spiderwickchronicles.com/intl/es/

10 MULLERES DE CINE NO SÉCULO XXI

O cabo dalgúns anos quen queira ter unha idea de como era a sociedade do 2008 e que papel tiña a muller nela terá que votar mán do cine.

Hoxe, anticípándonos aos acontecementos, propoñemos: dez miradas ao mundo fiminino a través de dez historias que nos mostran diferentes etapas das súas vidas.
Empezaremos por ver a aquelas que se incorporan o mundo, pero pola vía da adopción e vindo de lonxe en La pequeña Lola.

Votaremos unha ollada a aquelas nenas que difrutan unha infancia chea de comodidades e o mesmo tempo chea de histerismo, falamos de Pequeña Miss Sunshine.

Moitas mulleres procedentes de outras culturas, por adopción ou emigración, deben loitar na súa xuventude por compatibilizar as súas tradicións co seu contorno e iso e o que fan en Quiero ser como Beckhamn.

E seguindo co inevitable e marabillosa mestizaxe que nos invade, asistiremos a ruptura de tópicos que nos amosan en Las mujeres de verdad tienen curvas.

Pasada a xuventude: toca a vivir, e se non se dan as cousas como se soñaron e preciso poñerse á tarefa e tratar de cambialo todo e iso é o que fai Amelie.

Outras ven truncados os seus anhelos antes de poder cambialos, pero tratan de deixarnos un mundo mellor , como a protagonista de Mi vida sin mí.

En cualquera caso , a consigna e vivir dignamente e iso é o que tratan de facer as mulleres de Mataharis.

Claro que hai cousas que non cambian e os violentos inimigos da convivencia e a igualdade fan das súas en Te doy mis ojos.

Pero como dicía unha consigna: podedes arrincar as flores, pero non impediredes a chegada da primavera. Vemos isto no mundo que se inventa a granxeira de La suerte de Emma.

E acabamos cunha dura visión da idade madura en Diario de un escándalo. Que se ben non nos mostra un gran exemplo de vida si nos invita a una profunda e última reflexión.

Traballo colaborativo dos Blogues das Bibliotecas Escolares Galegas en prol da IGUALDADE.
Se te queres unir a esta iniciativa tes o código nesta ligazón.

MARUJA MALLO: A GRAN TRANSGRESORA DO 27

Poucos saben que a soberbia triloxía formada por Lorca, Buñuel e Dalí, de sobra coñecida por todos, foi en realidade un cuarteto. Quen era esa cuarta figura, estrañamente silenciada pola historia? Por que foi relegado ao esquecemento o seu nome? Maruja Mallo, nacida en Viveiro no 1902, foi sen lugar a dúbidas, unha pintora xenial, á que unha suma de adversidades históricas e prexuízos sociais negaron de xeito insólito o recoñecemento que merece.

Consulta a súa biografía nos enlaces que aparecen abaixo, quedarás abraiado.

Para saber máis:
Biografía en Cultura galega feita pola catedrática de historia da arte contemporánea Mª Luisa Sobrino
Biografía en Wikipedia
En Ciudad de Mujeres
Entrevisa a J.L. Ferris autor da última monografía editada sobre M. Mallo

Traballo colaborativo dos Blogues das Bibliotecas Escolares Galegas en prol da Igualdade.
Se te queres unir a esta iniciativa tes o código nesta ligazón.

HARRY POTTER E AS RELIQUIAS DA MORTE

Hoxe é o gran día. O último volumen das aventuras do aprendiz de mago Harry Potter, creado por J.K. Rowling, 'Harry Potter y las reliquias de la muerte', publicarase simultáneamente en castelán, catalán e galego en España, Latinoamérica e Estados Unidos hoxe, 21 de Febreiro, ás 18:30 h.
Seguro que moitos xa tedes reservado o voso exemplar. Se non é así non vos preocupedes logo estará na biblio.

http://www.salamandra.info/harry/h.htm

"MARGARIDA QUERE SABER ..." II

Atentos ao comezo da Olimpiada de investigación e consulta, "Margarida quere saber...". Recordade que para poder participar, primeiro debedes formar o equipo (2, 3 compañeiros), e logo cubrir a ficha de inscripción da Olimpiada, pasade pola Biblioteca.
Poñedelle un nome chulo ao voso equipo e a participar.

Moita Sorte e Sabedoría!!!

"MARGARIDA QUERE SABER..."

Vai dar comezo unha gran Olimpiada no CEIP Sto. Paio de Abaixo. Non vai ser unha Olimpiada calquera. Será unha Olimpiada onde os participantes, como bos detectives, terán que indagar, buscar, investigar, consultar, ... Xa verás cantas cousas novas e interesantes aprendes.

ANÍMATE

E

PARTICIPA!!!

Como en todas as Olimpiadas os tres primeiros clásificados obterán premio. Consulta as bases no enlace que aparece no panel lateral .

SORTE!!!

NOVIDADES

Como empezastes a ver esta semana, na entrada da Biblio colocamos unha mesa para expoñer todos esos libros novos que van chegando. Tedes que pasar e curiosear, seguro que atopades o voso libro especial, ese que vos vai facer soñar e imaxinar, ver e crer, ... pedídelle consello aos bibliotecarios, eles poden axudarvos na vosa busca.

NOVOS ENLACES

Seguro que xa vos destes conta, pero para os que non, si botades unha ollada á columna lateral, veredes que temos dous enlaces novos: O Club de Escritura, e O Club de Lectura.

Estas novas páxinas funcionarán coas vosas aportacións, as vosas creacións literarias, as vosas opinións e recomendacións sobre os libros que vades lendo, ... Entrade e curioseade, atoparedes xa cousiñas de algúns compañeiros.

Contamos con vos!!!

POETAS POR UN MUNDO MELLOR

Xosé María Álvarez Blázquez (1915-1985), autor homenaxeado este ano 2008 nas Letras Galegas, xa nos dicía entón as cousas que pasan neste mundo en que vivimos, e que as veces preferimos non ver.

"Ise neno da rúa"

Non é certo que os nenos teñan fame

Non pode ser.

Ben o sabedes todos

os que andades no mundo atafegados

á percura do pan dos vosos fillos

Ises outros que vedes pola rúa

pedindo esmola,

non teñen fame, non, porque daquela

vos teríades morto de vergonza.

E ben vos vexo andar nos vosos coches

ou nos tranvías, a berrar de cousas

estranas, -¡viva, beba, baba, buba¡-

sen reparar naquil esfarrapado

que coa moura mauciña está petando

na porta de ferro.

Por iso penso que non é verdade

o que algún caviloso di dos nenos

que andan así petando pola vida

-¡Non, home, non¡- lle dixen a un de aqueles-

A xente pasa leda......¡Fora boa

que andivesen a rirse dos seus crimes¡

Xosé María Álvarez Blázquez

30 XANEIRO 2008: DÍA DA PAZ

É totalmente inaceptable que en pleno século XXI os paises máis desenvolvidos sigan tratando de resolver as súas diferencias cos paises máis pobres recurrindo á guerra, esquecéndose dos valores que sustentan a Carta Fundacional de Nacións Unidas e a Declaración de Dereitos Humanos.

"Non hai camiños para a PAZ, a PAZ é o camiño"