¡¡¡QUE MEDO!!!

IMPROVISA

Durante o 1º trimestre estivemos traballando con 5º e 6º arredor do tema MEDO. Indagamos un pouco sobre as cousas que nolo producen, limos algúns textos...E con todo iso creamos pequenos fragmentos sonoros e imaxes. 

Picando no enlace ides atopar todos eses sons e imaxes nas teclas alfabéticas do voso ordenador (menos o ñ). É como ter un órgano terrorífico. Podedes probar a xogar co teclado e improvisar.

En parella aínda é máis divertido.

Se queredes saber máis cousas de como o fixemos podedes entrar aquí e ver como gravamos, mesturamos, como son os debuxos orixinais (algúns animados), etc.

MANDALAS "NATURAIS"

Nos dous cursos de 6º estivemos a investigar sobre os MANDALA, que en sánscrito significa "círculo". Aprendemos moito desta arte efémera mirando aos monxes budistas. Para eles o máis importante é o camiño, non a meta. Mirade que pasada.

Logo fixemos o noso MANDALA DE OUTONO con elementos naturais. Nesta creación colectiva cada un aportou a súa pegada estética. Encantounos o resultado.

Tamén descubrimos que o mundo que nos arrodea está cheo de mandalas, só é cuestión de mirar con atención...e ter unha cámara a man.