Recordades o obradoiro de escrita creativa que fixemos aínda non hai moito?
Os nenos e nenas que participaron do obradoiro, escribiron rimas, poemiñas, ... poesía.
Pois aquí tedes unha novidade editorial de xerais en relación coa poesía:O MEU GATO É UN POETA. Fran Alonso.
O meu gato é un poeta é un libro que pretende transmitir a poesía dun xeito lúdico, divertido e, sobre todo, accesible para os lectores e lectoras. Está ideado coma se fose un xogo ou un obradoiro. O meu gato é un poeta bota man da fusión de xéneros literarios a través da reflexión, da poesía visual, dos xogos de palabras, da interacción, dos caligramas, da narración, da música, das novas tecnoloxías para conseguir unha proposta poética fresca e divertida. O libro vai acompañado dun CD que enriquece o texto grazas á mestura de distintas artes e amplia ante os lectores a súa visión da poesía, permitíndolles abordar novas dimensións e agrandando a súa percepción sensorial.
A música das seis cancións do CD é de Xurxo Souto. O meu gato é un poeta conta tamén con web propia
http://www.gatopoeta.net/. Nesta páxina o lector poderá atopar máis poemas, información sobre o libro e o disco, xogos, mp3 coa voz do autor recitando, cuestionarios con respostas…
No hay comentarios:
Publicar un comentario